ହେୟାର କଲର କରୁଥିଲେ…

ବର୍ତ୍ତମାନ ଅଧିକାଂଶ ଯୁବପିଢ଼ିଙ୍କ ଲାଗି ହେୟାର କଲରିଂ ବିନା ଯେମିତି ଫ୍ୟାଶନ ଅଧୁରା । ତେବେ ଆପଣ ଜାଣନ୍ତିକି ସୌନ୍ଦର୍ଯ୍ୟ ବୃଦ୍ଧି କରିବା ଲାଗି ବ୍ୟବହାର କରୁଥିବା ଏହି ହେୟାର କଲର ଅପରପକ୍ଷେ କେଶ ଝଡ଼ିବା, ଚନ୍ଦାପଣ ଏବଂ ଅନ୍ୟାନ୍ୟ ସ୍ବାସ୍ଥ୍ୟ ସମସ୍ୟାର ବି କାରଣ ସାଜିପାରେ…
ବର୍ତ୍ତମାନ ହେୟାର କଲରର ବଢୁଥିବା ଡିମାଣ୍ଡକୁ ଆଖିଆଗରେ ରଖି ମାର୍କେଟ୍‌ରେ ବିଭିନ୍ନ ବ୍ରାଣ୍ଡ୍‌ର ହେୟାର କଲର ଉପଲବ୍ଧ। ଯାହା ଭିତରୁ ଅଧିକାଂଶ ପ୍ରଡକ୍ଟରେ ଅନେକ କେମିକାଲ୍‌ ବିଶେଷ କରି ଆମୋନିଆ ବ୍ୟବହାର କରାଯାଉଛି। ଯାହାକି କେଶରେ ରଙ୍ଗ ଅଧିକ ସମୟ ରହିବା ଲାଗି ଏହାର କ୍ୟୁଟିକଲ୍‌କୁ ଭାଙ୍ଗିଥାଏ। ଏହା କେଶକୁ ଡ୍ରାଏ କରିବା ସହ ଶୀଘ୍ର ଖରାପ କରି ଉପୁଡିବା ଲାଗି ମଧ୍ୟ ଦାୟୀ। ଏହା କେତେକଙ୍କଠାରେ ଆଲର୍ଜି ସମସ୍ୟା ବି ସୃଷ୍ଟି କରିଥାଏ।
ଆମୋନିଆ କେଶ ପାଇଁ ଖରାପ ବୋଲି ଅନେକଙ୍କୁ ଜଣା ଥିବାରୁ ସେମାନେ ଆମୋନିଆ ଫ୍ରି ହେୟାର କଲର ବ୍ୟବହାର ପ୍ରତି ଗୁରୁତ୍ୱ ଦିଅନ୍ତି। ହେଲେ ଏଥିରେ ଆମୋନିଆ ବଦଳରେ ବ୍ୟବହାର ହେଉଥିବା ମୋନୋ ଇଥାନୋଲାମାଇନ୍‌ ନାମକ କେମିକାଲ୍‌ କେଶ ପାଇଁ ହାନିକାରକ ସେ ଦିଗରେ ଅନେକେ ଅବଗତ ନ ଥାନ୍ତି। ଏହି କେମିକାଲ କେଶକୁ ଦୁର୍ବଳ ଓ ରୁକ୍ଷ କରିଥାଏ। ଫଳରେ କେଶ ଝଡ଼ିବା ଆରମ୍ଭ ହୋଇଥାଏ।
ଯେଉଁମାନଙ୍କ ତ୍ୱଚା ସମ୍ବେଦନଶୀଳ ସେମାନେ ହେୟାର କଲର ବ୍ୟବହାର କରିବା ଠିକ୍‌ ନୁହେଁ। କାରଣ ଏହା ଦ୍ୱାରା ସ୍କିନ୍‌ ଆଲର୍ଜି ହୋଇ ଫଳିଯିବା ଏବଂ ଲାଲ୍‌ ପଡି କଷ୍ଟ ହେବା ସମସ୍ୟା ଉପୁଜିପାରେ। ଏହାଦ୍ୱାରା କେଶ ମୂଳରୁ ଦୁର୍ବଳ ହୋଇ ଉପୁଡିବା ଆରମ୍ଭ ହୋଇଥାଏ।
– ହେୟାର କଲର ସ୍ପ୍ରେ, ଓ୍ବାକ୍ସ, ଜେଲ୍‌, ପାଉଡର ବିଭିନ୍ନ ପ୍ରକାରର ଆସିଥାଏ। ତେବେ ଏହାକୁ ନେଇ ଅନେକଙ୍କ ମନରେ ଭ୍ରାନ୍ତଧାରଣା ଥାଏ ଯେ, ପାଉଡର କଲର ଅପେକ୍ଷା ସ୍ପ୍ରେ, ଜେଲ୍‌ ଆଦି କଲର ଅଧିକ ଦାମୀ ଏବଂ ସୁରକ୍ଷିତ। ହେଲେ ଏହି ରଙ୍ଗ ଅଧିକ ଦିନ କେଶରେ ରହିବା ଲାଗି ମିଶାଯାଉଥିବା କେମିକାଲ୍‌ କେଶର ପ୍ରାକୃତିକ ମଶ୍ଚରାଇଜରକୁ ନଷ୍ଟ କରିଦିଏ। ଫଳରେ କେଶ ଅଧାରୁ ଛିଣ୍ଡିବା ଆରମ୍ଭ ହୋଇଯାଏ।
– ହେୟାର କଲର ଆଖିରେ ଲାଗିବା ଦ୍ୱାରା ରେଟିନା ଖରାପ ହେବାର ଆଶଙ୍କା ରହିଛି। କେବଳ ଏତିକି ନୁହେଁ ଏହାଦ୍ୱାରା ଶ୍ୱାସଜନିତ ସମସ୍ୟା ଉପୁଜିବାର ଆଶଙ୍କାକୁ ମଧ୍ୟ ଏଡ଼ାଇ ଦିଆଯାଇ ନ ପାରେ।


Enter your email to get our daily news in your inbox.

All Right Reserved By Dharitri.Com

୫୪ ବର୍ଷ ପରେ ପୂର୍ଣ୍ଣ ସୂର୍ଯ୍ୟପରାଗ: ଏହି ୩ ରାଶିର ଚମକିବ ଭାଗ୍ୟ

ଚଳିତ ବର୍ଷର ପ୍ରଥମ ସୂର୍ଯ୍ୟପରାଗ ୮ ଏପ୍ରିଲ ୨୦୨୪ରେ ପଡିବ। ହିନ୍ଦୁ ଧର୍ମରେ ସୂର୍ଯ୍ୟପରାଗକୁ ବହୁ ମାନ୍ୟତା ଦିଆଯାଏ। ଏହି ସୂର୍ଯ୍ୟପରାଗ ରେବତୀ ନକ୍ଷତ୍ର ଏବଂ...

‘ଏସ୍‌’ ନାମଧାରୀ ବ୍ୟକ୍ତିଙ୍କ ଏଭଳି ହୋଇଥାଏ ସ୍ବଭାବ, ଯେଉଁ କାମ କରନ୍ତି…

ନାମର ପ୍ରଥମ ଅକ୍ଷର ବ୍ୟକ୍ତିର ପ୍ରକୃତି ଏବଂ ବ୍ୟକ୍ତିତ୍ୱ ଉପରେ ପ୍ରଭାବ ପକାଇଥାଏ। କିଛି ଅକ୍ଷର ଏପରି ଥାଏ, ଆମ ଆଖପାଖରେ ଅନେକ ନାମ ସେଭଳି...

ଦରିଦ୍ର କରିଦିଏ ଏହି ୬ ଅଭ୍ୟାସ, ଆପଣଙ୍କର ନାହିଁ ତ? ଜାଣନ୍ତୁ କ’ଣ କହିଛନ୍ତି…

ମନୁଷ୍ୟ ନିଜ ଜୀବନରେ ସୁଖରେ ଜୀବନଯାପନ କରିବା ପାଇଁ ଆଚାର୍ଯ୍ୟ ଚାଣକ୍ୟ ତାଙ୍କ ନୀତଶାସ୍ତ୍ରରେ ଅନେକ ପ୍ରକାରର ନୀତି ବିଷୟରେ ବର୍ଣ୍ଣନା କରିଛନ୍ତି। ଏହା ବ୍ୟକ୍ତିଙ୍କୁ...

ହୋଲି ଓ ଜୈବ ପ୍ରାକୃତିକ ରଙ୍ଗ

ଆମେ ପାଳନ କରୁଥିବା ପ୍ରମୁଖ ପର୍ବପର୍ବାଣି ମଧ୍ୟରେ ହୋଲି ଅନ୍ୟତମ। ରଙ୍ଗର ଏହି ପର୍ବ ଆମ ଦେଶରେ ବେଶ୍‌ ଜାକଜମକରେ ପାଳନ କରାଯାଏ। ଏବେ ଆମେ...

ସୁସ୍ଥ ସ୍ବାସ୍ଥ୍ୟର ଚାବିକାଠି

ସୁସ୍ଥ ରହିବାକୁ କିଏ ବା ନ ଚାହେଁ? ତେବେ ଏହା ପଛରେ ରହିଛି ଅନେକ କାରଣ। ତନ୍ମଧ୍ୟରୁ ଏକ ସହଜ ତଥା ସରଳ ଉପାୟ ହାତପାଆନ୍ତାରେ...

ବର୍ଷର ପ୍ରଥମ  ଚନ୍ଦ୍ରଗ୍ରହଣ: ହୋଲିରେ କ’ଣ ରହିବ ପ୍ରଭାବ? ଏ ସବୁ ରାଶିର ଲୋକଙ୍କ ପାଇଁ ହେବ ଶୁଭ 

୨୦୨୪ ମାର୍ଚ୍ଚ ୨୫ରେ ବର୍ଷର  ପ୍ରଥମ ଚନ୍ଦ୍ରଗ୍ରହଣ ପଡ଼ୁଛି। ତେବେ ଏହାଭାରତକୁ ଦୃଶ୍ୟମାନ ହେବ ନାହିଁ, ବା ଏହାର କୌଣସି ପ୍ରଭାବ ଦେଖାଯିବ ନାହିଁ ।...

ହୋଲି ପୂର୍ବରୁ ତୁରନ୍ତ ଘରୁ କାଢ଼ି ଦିଅନ୍ତୁ ଏସବୁ, ଧନ-ସମୃଦ୍ଧିରେ ଉପୁଜିବ ବାଧା

ଏମିତି କିଛି ଜିନିଷ ରହିଛି; ଯାହାକୁ ଘରେ ରଖିଲେ ବାସ୍ତୁଦୋଷ ଉପୁଜିବା ସହ ନକାରାତ୍ମକ ଊର୍ଜା ବଢ଼ିଥାଏ। ସେଥିପାଇଁ ଏହି ଜିନିଷଗୁଡ଼ିକୁ ତୁରନ୍ତ ଘରୁ କାଢ଼ିଦେବା...

ସଫଳ ପୁରୁଷ ନିକଟରେ ରହିଥାଏ ଏହି ୪ ଗୁଣ, ସୁଖସମୃଦ୍ଧି ପାଦ ଚୁମେ…

ଆଚାର୍ଯ୍ୟ ଚାଣକ୍ୟ ନିଜର ନୀତିଶାସ୍ତ୍ରରେ ଜୀବନରେ ସଫଳତାର ସ୍ବାଦ ଚାଖିବା ଲାଗି ଅନେକ ଉପାୟ ବିଷୟରେ ବର୍ଣ୍ଣନା କରିଛନ୍ତି। ସେଥିରେ ସଫଳ ପୁରୁଷଙ୍କ ନିକଟରେ ଥିବା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri