ଅତିଥିଙ୍କୁ ମିଳୁନି ଆତିଥ୍ୟ

ବଇଣ୍ଡା, ୧୭ା୧୧(ପରିକ୍ଷିତ ସାହୁ)

ନେତା, ମନ୍ତ୍ରୀ, ସରକାରୀ ଅଧିକାରୀ, ପର୍ଯ୍ୟଟକ ଏବଂ ଅନ୍ୟ ଅତିଥିଙ୍କୁ ସରକାରୀ ଆତିଥ୍ୟ ପ୍ରଦାନ ପାଇଁ ବିଭିନ୍ନ ସ୍ଥାନରେ ପୂର୍ତ୍ତ ବିଭାଗର ବଙ୍ଗଳା ରହିଛି। ହେଲେ ଆବଶ୍ୟକ ଯତ୍ନ ଅଭାବରୁ ସେଥିରୁ ଅନେକ ଜରାଜୀର୍ଣ୍ଣ ହୋଇପଡ଼ୁଛି। ଫଳରେ କୋଟି କୋଟି ଟଙ୍କା ବ୍ୟୟରେ ନିର୍ମାଣ ହୋଇଥିବା ଏସବୁ ବଙ୍ଗଳାରେ ଅତିଥିଙ୍କୁ ଆତିଥ୍ୟ ପ୍ରଦାନ କରିବା ଆଉ ସମ୍ଭବ ହୋଇପାରୁ ନାହିଁ। ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡର ୩ଟି ବଙ୍ଗଳାରେ ଏବେ ଏପରି ସ୍ଥିତି ସୃଷ୍ଟି ହୋଇଛି। କିଶୋରନଗରଠାରେ ଥିବା ପୂର୍ତ୍ତ ବିଭାଗ ବଙ୍ଗଳା ଅସୁରକ୍ଷିତ ହୋଇପଡ଼ିଥିବାରୁ ଏଠାକୁ ଆସୁଥିବା ଅତିଥିମାନେ ବିଶ୍ରାମ ପାଇଁ ବାମୁର ଯାଉଛନ୍ତି। ରାଜପଥ ସମ୍ପ୍ରସାରଣ ପାଇଁ ବଇଣ୍ଡା ବଙ୍ଗଳାକୁ ଭାଙ୍ଗି ଦିଆଯାଇଥିବା ବେଳେ ନୂଆକରି ନିର୍ମାଣ କରାଯାଉ ନାହିଁ। ଆଠମଲ୍ଲିକ ବ୍ଲକ ଠାକୁରଗଡ଼ ବଙ୍ଗଳାର ଉନ୍ନତୀକରଣ ଅଧାପନ୍ତରିଆ ଅବସ୍ଥାରେ ଥିବାରୁ ଆସୁଥିବା ଅତିଥି ଅସୁବିଧାର ସମ୍ମୁଖୀନ ହେଉଛନ୍ତି।
ଆଠମଲ୍ଲିକ ଉପଖଣ୍ଡ କିଶୋରନଗର ବ୍ଲକ ସଦରରେ ଥିବା ପୂର୍ତ୍ତ ବିଭାଗ ବଙ୍ଗଳା ଭଗ୍ନ ଅବସ୍ଥାକୁ ଆସିଯାଇଛି। ଏଠାରେ କୌଣସି କର୍ମଚାରୀ ନ ଥିବାବେଳେ ରକ୍ଷଣାବେକ୍ଷଣ ମଧ୍ୟ କରାଯାଉ ନାହିଁ। ଦିନବେଳା ଏହା ପରିସରରେ ଗୋରୁ ପଶି ଚରାବୁଲା କରୁଛନ୍ତି। ସନ୍ଧ୍ୟାରେ ମଦ୍ୟପମାନେ ଆଡ୍ଡା ଜମାଉଛନ୍ତି। କେତେଜଣ ବ୍ୟକ୍ତି ଏହି ସରକାରୀ ଜାଗାରେ ଜବଦରଖଲ ମଧ୍ୟ ଆରମ୍ଭ କରିଛନ୍ତି। ଫଳରେ ବ୍ଲକକୁ ବିଭିନ୍ନ କାର୍ଯ୍ୟରେ ଆସୁଥିବା ରାଜନେତା, ମନ୍ତ୍ରୀ ଓ ଅଧିକାରୀମାନେ ୮ କିଲୋମିଟର ଦୂର ବାମୁର ପୂର୍ତ୍ତ ବିଭାଗ ବଙ୍ଗଳାରେ ରହଣି ପାଇଁ ଯାଉଛନ୍ତି। ସେହିପରି ବଇଣ୍ଡାଠାରେ ଥିବା ପୂର୍ତ୍ତ ବିଭାଗ ବଙ୍ଗଳାକୁ ୫୫ନଂ. ଜାତୀୟ ରାଜପଥ ପାଇଁ ୨୦୧୯ ଡିସେମ୍ବରରୁ ଭାଙ୍ଗି ଦିଆଯାଇଛି। ଇତିମଧ୍ୟରେ ୧୧ ମାସ ବିତିଯାଇଥିଲେ ମଧ୍ୟ ନୂତନ କୋଠା ନିର୍ମାଣ ପାଇଁ ଜାଗା ମିଳିପାରୁ ନାହିଁ। ଆଠମଲ୍ଲିକ ଉପଖଣ୍ଡର ବଇଣ୍ଡା ଏକ ଗୁରୁତ୍ୱପୂର୍ଣ୍ଣ ଅଞ୍ଚଳ ହୋଇଥିବାବେଳେ ଏପରି ସରକାରୀ ଅବହେଳା ଅସନ୍ତୋଷର କାରଣ ହୋଇଛି। ଆଠମଲ୍ଲିକ ରାଜା ଠାକୁରଗଡଠାରେ ନିର୍ମାଣ କରିଥିବା ଏକ ବଙ୍ଗଳା ୨୦୧୪ରେ ପୂର୍ତ୍ତ ବିଭାଗ ଅଧୀନକୁ ଆସିଥିଲା। ତାହାର ଉନ୍ନତୀକରଣ କରାଯାଉଥିଲେ ମଧ୍ୟ ୩୧ ଲକ୍ଷ ଟଙ୍କାର କାମ ବାକି ରହିଛି। ଅର୍ଥ ମଞ୍ଜୁର ହେଉ ନ ଥିବାରୁ ଏହା ଅଧାପନ୍ତରିଆ ଅବସ୍ଥାରେ ପଡ଼ିରହିଛି। ଏ ସମ୍ପର୍କରେ ବଇଣ୍ଡା ପୂର୍ତ୍ତ ବିଭାଗ କନିଷ୍ଠ ଯନ୍ତ୍ରୀ ହିମାଂଶୁ ଶେଖର ମହାଳିକ କୁହନ୍ତି, କିଶୋରନଗରଠାରେ ଥିବା ବଙ୍ଗଳା ସମ୍ପର୍କରେ ଅନୁଧ୍ୟାନ କରାଯିବ। ଠାକୁରଗଡ଼ ବଙ୍ଗଳା ପାଇଁ ବଳକା ଅର୍ଥ ମଞ୍ଜୁର ହୋଇ ନ ଥିବାରୁ କାମ ଆଗେଇପାରୁନାହିଁ। ବଇଣ୍ଡାଠାରେ ନିର୍ମାଣ ହେବାକୁ ଥିବା ବଙ୍ଗଳା ପାଇଁ ରାଜସ୍ବ ବିଭାଗ ପକ୍ଷରୁ ଜାଗା ଯୋଗାଇ ଦିଆଯାଉ ନ ଥିବା ମହାଳିକ ପ୍ରକାଶ କରିଛନ୍ତି।

ପୁନରୁଦ୍ଧାର ଦିଗରେ ଦୃଷ୍ଟି ଦିଆଯାଉ
କିଶୋରନଗର ଠାରେ ଥିବା ପୂର୍ତ୍ତ ବିଭାଗ ବଙ୍ଗଳାର ତଦାରଖ ହେଉ ନ ଥିବାରୁ ଏହା ଏବେ ମଦ୍ୟପଙ୍କ ଆଡ୍ଡାସ୍ଥଳୀ ପାଲଟିଛି। ଏଠାକୁ ଆସୁଥିବା ଅତିଥିମାନେ ବାମୁର ବଙ୍ଗଳା ଉପରେ ନିର୍ଭର କରୁଛନ୍ତି। ତେଣୁ କିଶୋରନଗର ବଙ୍ଗଳାର ପୁନରୁଦ୍ଧାର କରାଯାଉ।
-ଓମ୍‌ଚାନ୍ଦ ପ୍ରଧାନ
କିଶୋରନଗର
ଷୋଳପଦାର ଗୁରୁତ୍ୱ ବଢ଼ିବ
ଠାକୁରଗଡଠାରେ ଆଠମଲ୍ଲିକ ରାଜା ନିର୍ମାଣ କରିଥିବା ବଙ୍ଗଳା ଏବେ ସରକାରଙ୍କ ଅଧୀନରେ। ଅର୍ଥ ଅଭାବ ଯୋଗୁ ଉନ୍ନତୀକରଣ ବିଳମ୍ବ ହେଉଛି। ଏହା ସମ୍ପୂର୍ଣ୍ଣ ହେଲେ ଷୋଳପଦା ଅଞ୍ଚଳର ଗୁରୁତ୍ୱ ବଢିବ। ଆଠମଲ୍ଲିକକୁ ଆସୁଥିବା ପର୍ଯ୍ୟଟକ ଠାକୁରଗଡରେ ରହିପାରିବେ।
-ଗଣେଶ୍ୱର ଖୁଣ୍ଟିଆ,
ଠାକୁରଗଡ ଗ୍ରାମ ସମ୍ପାଦକ
ସମସ୍ୟା ଜଣାଇପାରୁନାହାନ୍ତି ଲୋକେ
ଜାତୀୟ ରାଜପଥ ବିଭାଗ ଅଧୀନରେ ଥିବା ବଇଣ୍ଡା ବଙ୍ଗଳା ପୂର୍ତ୍ତ ବିଭାଗ ଅଧୀନକୁ ଯାଇଥିଲା। ଏଠାରେ ମନ୍ତ୍ରୀ ତଥା ଲୋକ ପ୍ରତିନିଧିମାନେ ଅନେକ ସମୟରେ ରହୁଥିବାରୁ ଲୋକେ ସେମାନଙ୍କୁ ଭେଟି ସମସ୍ୟା ଜଣାଇପାରୁଥିଲେ। ହେଲେ ବଙ୍ଗଳା ଭଙ୍ଗାଯିବା ପରଠାରୁ ଏହା ହୋଇପାରୁନାହିଁ।
-ରମେଶ ଟିବ୍ରୁଓ୍ବାଲା, ବଇଣ୍ଡା
ପ୍ରଶାସନ ଜମି ଯୋଗାଇ ଦେଉ
ବଇଣ୍ଡାଠାରେ ପୂର୍ତ୍ତ ବିଭାଗ ବଙ୍ଗଳା ଶୀଘ୍ର ନିର୍ମାଣ ପାଇଁ ବହୁବାର ବିଭାଗୀୟ ଅଧିକାରୀଙ୍କୁ ଅବଗତ କରାଯାଇଛି। ଜାତୀୟ ରାଜପଥ କଡରେ ଏହା ନିର୍ମାଣ ହେଲେ ବଇଣ୍ଡାର ବିକାଶ ଦିଗରେ ସହାୟ ହୋଇପାରିବ। ଶୀଘ୍ର ପ୍ରଶାସନ ଜମି ଯୋଗାଇବାକୁ ପଦକ୍ଷେପ ନେଉ।
-ଗିରିଶଚନ୍ଦ୍ର ବେହେରା, ନୁନୁକାପଶି
ଖୁବ୍‌ଶୀଘ୍ର ପଦକ୍ଷେପ ନିଆଯିବ
କିଶୋରନଗର ଠାରେ ଥିବା ବଙ୍ଗଳା ଜମି ଜବରଦଖଲ ସମ୍ପର୍କରେ ବିଭାଗ ଅବଗତ ରହିଛି। ତୁରନ୍ତ ଏ ଦିଗରେ ପଦକ୍ଷେପ ନିଆଯିବ। ବଇଣ୍ଡା ଛକଠାରେ ଏକ ଜମିକୁ କିଛି ବ୍ୟକ୍ତି ଜବରଦଖଲ କରିଛନ୍ତି। ତାହା ମୁକ୍ତ କରାଯାଇ ଖୁବଶୀଘ୍ର ବଙ୍ଗଳା ନିର୍ମାଣ ପାଇଁ ପୂର୍ତ୍ତ ବିଭାଗକୁ ଯୋଗାଇ ଦିଆଯିବ।
-ଡ. ଲକ୍ଷ୍ମୀପ୍ରସାଦ ସାହୁ
ତହସିଲଦାର, କିଶୋରନଗର


Enter your email to get our daily news in your inbox.

All Right Reserved By Dharitri.Com

୮୩୧ ପଡ଼ାଗ୍ରାମକୁ ନାହିଁ ବିଦ୍ୟୁତ ସଂଯୋଗ

ଭୁବନେଶ୍ୱର,୨୨।୧୧(ବ୍ୟୁରୋ): ରାଜ୍ୟର ୮୩୧ ପଡ଼ାଗ୍ରାମ ଏପର୍ଯ୍ୟନ୍ତ ବିଦ୍ୟୁତ୍‌ ଆଲୁଅରୁ ବଞ୍ଚତ୍ତ । ସାଉଥ୍‌କୋ ଅଧୀନସ୍ଥ ଗଜପତି ଜିଲାର ୪୪୭ଟି ଗ୍ରାମ ଏବେ ବି ଅନ୍ଧାରରେ ଥିବାବେଳେ...

ଆଜି ରାଜ୍ୟରୁ ସୁସ୍ଥ ହେଲେ ୪୦ କାରୋନା ଆକ୍ରାନ୍ତ

ଭୁବନେଶ୍ୱର,୩୧।୩(ବ୍ୟୁରୋ): ରାଜ୍ୟରୁ ଗୁରୁବାର ଆଉ ୪୦ କାରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ୍‌ ୧୨ ଲକ୍ଷ ୭୮ ହଜାର...

ସିଲିଣ୍ଡରରେ ପାଣି ପୂରାଇ ଲୁଟୁଥିଲେ ଗ୍ୟାସ

ଝାରସୁଗୁଡ଼ା ଅଫିସ,୧୮ା୮: ପରିବହନ ଗାଡ଼ିରୁ ଗ୍ୟାସ୍‌ ସିଲିଣ୍ଡର ବାହାର କରି ପାଣିଭର୍ତ୍ତି ସିଲିଣ୍ଡର ବୋଝେଇ କରି ରପ୍ତାନି କରାଯାଉଥିଲା। ଏଭଳି ଅଭିନବ ଉପାୟରେ ଗ୍ୟାସ୍‌ ଚୋରି...

ଜିଲା ସଂସ୍କୃତି ପରିଷଦ ଏବଂ ଉତ୍ସବ ପ୍ରଧାନପାଟ କମିଟି ବୈଠକରେ ନିଷ୍ପତି : ଫେବୃୟାରୀ ଦ୍ୱିତୀୟ ସପ୍ତାହରେ ଉସତ୍ବ ପ୍ରଧାନପାଟ

ଦେବଗଡ,୪।୧(ଡି.ଏନ.ଏ)-ଆସନ୍ତା ଫେବୃୟାରୀ ଦ୍ୱିତୀୟ ସପ୍ତାହ ସୁଦ୍ଧା ଜିଲା ମହୋତ୍ସବ ‘ଉତ୍ସବ ପ୍ରଧାନପାଟ’ ଆୟୋଜନ କରାଯିବା। ଶୁକ୍ରବାର ଅନୁଷ୍ଠିତ ଜିଲା ସଂସ୍କୃତି ପରିଷଦ ଏବଂ ଉତ୍ସବ ପ୍ରଧାନପାଟ...

ଲକ୍‌ଡାଉନ ଯୋଗୁ ଏମ୍‌ଏସ୍‌ଏମ୍‌ଇ ପ୍ରଭାବିତ: କେନ୍ଦ୍ରୀୟ ସହାୟତା ଲୋଡ଼ିିଲା ରାଜ୍ୟ

ଭୁବନେଶ୍ୱର,୧୨।୪(ବ୍ୟୁରୋ): ବିଶ୍ୱବ୍ୟାପୀ କରୋନାଜନିତ ଭୟାବହତାକୁ ନେଇ ରାଜ୍ୟରେ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ(ଏମ୍‌ଏସ୍‌ଏମ୍‌ଇ)କ୍ଷେତ୍ର ପ୍ରାୟତଃ ବନ୍ଦ ହୋଇ ପଡ଼ିଥିବା ଯୋଗୁ ଏ କ୍ଷେତ୍ରରେ ଅଚଳାବସ୍ଥା...

ଲକ୍‌ଡାଉନ୍‌ ସତ୍ତ୍ୱେ ନିୟନ୍ତ୍ରଣକୁ ଆସୁନି କରୋନା: ଆଜି ଭୁବନେଶ୍ୱରରେ ଚିହ୍ନଟ ହେଲେ ୧୧୯୬ ନୂଆ ଆକ୍ରାନ୍ତ

ଭୁବନେଶ୍ୱର,୧୧।୫(ବ୍ୟୁରୋ): ରାଜଧାନୀରେ ଲକ୍‌ଡାଉନ୍‌ ସତ୍ତ୍ୱେ କମିବାର ନାଁ ନେଉନାହିଁ କରୋନା ସଂକ୍ରମଣ। ଗତ ୨୪ ଘଣ୍ଟା ମଧ୍ୟରେ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ୧୧୯୬ ନୂଆ...

କଳିଙ୍ଗ ନଗର ଏନକାଉଣ୍ଟର ମାମଲା:ଆହତ ସୁଶାନ୍ତ ଗିରଫ

ଭୁବନେଶ୍ୱର,୧୦।୯(ବ୍ୟୁରୋ): ଖଣ୍ଡଗିରି ଥାନା ଅଧୀନ କଳିଙ୍ଗନଗର ଏନକାଉଣ୍ଟର ଘଟଣାରେ ଆହତ ହୋଇଥିବା ଅଭିଯୁକ୍ତ ସୁଶାନ୍ତ ମାଝି ସୁସ୍ଥ ହେବା ପରେ ସୋମବାର ପୋଲିସ କୋର୍ଟ ଚାଲାଣ...

୪ ମହାନଗର ନିଗମରେ ଯୋଗାଯିବ ‘ଆକ୍ୱାଗାର୍ଡ’ ଜଳ

ଭୁବନେଶ୍ୱର,୧୭।୬(ବ୍ୟୁରୋ):ରାଜ୍ୟରେ ୪ଟି ମହାନଗର ନିଗମରେ ଖୁବ୍‌ଶୀଘ୍ର ଟ୍ୟାପ୍‌ ଯୋଗେ ୨୪ଘଣ୍ଟିଆ ବିଶୁଦ୍ଧ ପାନୀୟଜଳ ଯୋଗାଣ ଉପଲବ୍ଧ ହେବ। ଲୋକେ ସିଧାସଳଖ ଏହି ଟ୍ୟାପ୍‌ରୁ ଆକ୍ୱାଗାର୍ଡ ମାନର...

Advertisement
Archives

Model This Week