ଥିରୁଭାନନ୍ତପୁରମ୍,୩।୧୧: ସୁନା ସ୍ମଗଲିଂ ଆତଙ୍କବାଦୀ କାର୍ଯ୍ୟକଳାପ ନୁହେଁ। ଏହା ଦ୍ୱାରା ଦେଶର ଆର୍ଥିକ ସ୍ଥିତି ଖରାପ ହେବାର ଆଶଙ୍କା ରହିଥାଏ। ମାତ୍ର ଦେଶର ସୁରକ୍ଷା ଉପରେ ପ୍ରଶ୍ନ ଚିହ୍ନ ଲାଗି ନ ଥାଏ ବୋଲି କେରଳ ହାଇକୋର୍ଟ କହିଛନ୍ତି। ଏହା ସହିତ କୋର୍ଟ ସୁନା ସ୍ମଗଲିଂ ଘଟଣାରେ ଅଭିଯୁକ୍ତା ସ୍ବପ୍ନା ସୁରେଶ ଏବଂ ଅନ୍ୟ ୭ ଜଣଙ୍କ ଜାମିନ ମଞ୍ଜୁର କରିଛନ୍ତି। ୨୦୨୦ରେ ସେମାନଙ୍କ ବିରୋଧରେ ଅଭିଯୋଗ ଅଣାଯାଇଥିଲା। ସେମାନେ ୩୦.୪୨୨ କିଲୋଗ୍ରାମ୍ ସୁନା ଆଣୁଥିଲେ। ଏହାର ଆନୁମାନିକ ମୂଲ୍ୟ ୧୪.୮୨ କୋଟି ଟଙ୍କା ବୋଲି ଆକଳନ କରାଯାଇଥିଲା।
୨୦୨୧ ମାର୍ଚ୍ଚ ୧୪ରେ ସ୍ବତନ୍ତ୍ର କୋର୍ଟ ସେମାନଙ୍କ ଜାମିନ ଆବେଦନ ନାମଞ୍ଜୁର କରିଥିଲେ। ପରେ ସେମାନେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।
ବିଚାରପତି କେ. ବିନୋଦ ଚନ୍ଦ୍ରା ଏବଂ ସି. ଜୟଚନ୍ଦ୍ରନଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏହି ମାମଲାର ବିଚାର କରି ଏଭଳି ରାୟ ଦେଇଛନ୍ତି। ସ୍ମଗଲଙ୍କୁ ଆତଙ୍କବାଦୀ କୁହାଯାଇ ପାରିବ ନାହିଁ ବୋଲି କୋର୍ଟ କହିଛନ୍ତି।