ଭୁବନେଶ୍ୱର,୩ା୧୧(ବ୍ୟୁରୋ): ସତ୍ୟ ନଗର ଲେଡିଜ୍ ଫୋରମ ପକ୍ଷରୁ ଧନତେରସ ଅବସରରେ ସତ୍ୟନଗର କାଳୀମନ୍ଦିର ଛକଠାରେ ସମୂହ ଦୀପଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଦୀପଦାନ କାର୍ଯ୍ୟକ୍ରମ କରୋନା ମହାମାରୀରେ ସମାଜର ଯେଉଁ ବିଶିଷ୍ଟ ବ୍ୟକ୍ତିମାନେ ପ୍ରାଣ ହରାଇଛନ୍ତି ସେମାନଙ୍କ ଆତ୍ମାର ସଦଗତି ନିମନ୍ତେ ଆୟୋଜିତ ହୋଇଥିଲା। ଫୋରମ୍ର ସମ୍ପାଦିକା ଅନୁରାଧା ଦାଶଙ୍କ ଆନୁକୂଲ୍ୟରେ ଏହି କାର୍ଯ୍ୟକ୍ରମ ପରିଚାଳନା କରାଯାଇଥିଲା। ଏଥିରେ ଅତିଥି ଭାବେ ଟ୍ରାଫିକ ଏସିପି ବିଷ୍ଣୁ ପାତ୍ରଙ୍କ ସମେତ ବହୁ ସମାଜସେବୀ ଯୋଗଦେଇ କରୋନା ଯୋଦ୍ଧାଙ୍କ ବିଷୟରେ ନିଜର ମନ୍ତବ୍ୟ ଦେବା ସହ ତାଙ୍କ ଅମର ଆତ୍ମାର ସଦ୍ଗତି କାମନା କରିଥିଲେ।
