ଭୁବନେଶ୍ୱର, ୮।୮: ‘ମେଟଲ ମିଟ’ର ଦଶମ ସଂସ୍କରଣ ଶନିବାର ଆରମ୍ଭ ହୋଇଯାଇଛି। ଓଡ଼ିଶା ପୋଷ୍ଟ ‘ମେଟଲ ମିଟ’ର ଜୁନିୟର ବର୍ଗ ଏକତ୍ରିତ ହେଉଥିବାବେଳେ ପ୍ରଥମ ଲଢ଼େଇ ନିକଟବର୍ତ୍ତୀ ହେଉଛି। ପିଲାଙ୍କ ମଧ୍ୟରେ ଚାପ ବୃଦ୍ଧି ପାଉଛି। ଏହି ଅବସରରେ ପିଲାଙ୍କୁ ଉତ୍ସାହିତ କରିଛନ୍ତି ଓଡ଼ିଶାପୋଷ୍ଟ ଏବଂ ଧରିତ୍ରୀର ସମ୍ପାଦକ ତଥାଗତ ସତପଥୀ । ସେ କହିଛନ୍ତି, କୁଇଜିଂ ଏକ ଏପରି କଳା, ଯାହା ମାଧ୍ୟମରେ ଜଣେ ନିଜକୁ ନିଜେ ଆବିଷ୍କାର କରିପାରେ ଏବଂ କୁଇଜିଂରେ ପୁରସ୍କାର ଅପେକ୍ଷା ଜ୍ଞାନ ଆହରଣ, ଜିଜ୍ଞାସା ଓ ନିଜକୁ ଚିହ୍ନିବା ଅଧିକ ଗୁରୁତ୍ୱପୂର୍ଣ୍ଣ। ସେ ଆହୁରି କହିଛନ୍ତି ଯେ, ନିକଟରେ ଭାରତର ଯୁବପିଢ଼ି ଅହିଂସା ଓ ଶାନ୍ତିପୂର୍ଣ୍ଣ ପଥର ଶକ୍ତିକୁ ପ୍ରଦର୍ଶନ କରିଛି। ଏବେ Gen-Zଙ୍କ ପାଳି। କୁଇଜିଂ ମାଧ୍ୟମରେ ଯୁବପିଢ଼ି ନିଜର ବୁଦ୍ଧିମତ୍ତା, ଜିଜ୍ଞାସା ଓ ତୀକ୍ଷ୍ଣ ଚିନ୍ତନଶକ୍ତିକୁ ପ୍ରଦର୍ଶନ କରିବା ଆବଶ୍ୟକ। ଏହି ଗୁଣଗୁଡ଼ିକ କେବଳ କୁଇଜିଂ କ୍ଷେତ୍ରରେ ନୁହେଁ, ଜୀବନରେ ମଧ୍ୟ ସଫଳତା ହାସଲ କରିବାରେ ଯୁବପିଢ଼ିକୁ ସହାୟକ ହେବ ବୋଲି ତଥାଗତ ସତପଥୀ ମତପ୍ରକାଶ କରିଛନ୍ତି।
