ଦାରିଙ୍ଗବାଡ଼ି,୭।୭(ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ବନାଞ୍ଚଳରେ ଜଙ୍ଗଲ ସୁରକ୍ଷା ଓ ଉଜୁଡିଯାଇଥିବା ଜଙ୍ଗଲର ପୁନଃରୁଦ୍ଧାର ପାଇଁ ବ୍ୟାପକ ପଦକ୍ଷେପ ନିଆଯାଉଛି। ଉକ୍ତ ବନାଞ୍ଚଳର ସିମନବାଡି ସେକ୍ସନର ବାଡାବାଙ୍ଗା ପଞ୍ଚାୟତ ଗଦଡ଼ି ଜଙ୍ଗଲର ଉଜୁଡିଯାଇଥିବା ୫୦ ହେକ୍ଟର ଜମି ଚି଼ହ୍ନଟ କରାଯିବା ସହ ଚାରା ରୋପଣ ପାଇଁ ସମସ୍ତ ପ୍ରସ୍ତୁତି କରାଯାଇ ସୋମବାର ଠାରୁ ଚାରା ରୋପଣ କାର୍ଯ୍ୟ ଆରମ୍ଭ କରାଯାଇଛି। ପ୍ରଥମ ଦିନରେ ୧ ହଜାର ଚାରା ରୋପଣ କରାଯାଇଥିଲା। ମୋଟ ୧୦ ହଜାର ଚାରା ରୋପଣ କରାଯିବାକୁ କ୍ଷେତ୍ର ପ୍ରସ୍ତୁତ କରାଯାଇଛି। ଏଥିରେ ବିଭିନ୍ନ ପ୍ରକାର ମୂଲ୍ୟବାନ ଔଷଧୀୟ ବୃକ୍ଷ ତଥା ଅଁଳା, ହରିଡ଼ା, ବାହାଡା, କରଞ୍ଜ,ମହାନିମ୍ବ,ପାହାଡି ଶିଶୁ, ବାଲି ଶିଶୁ ଅଶ୍ୱସ୍ତ, ଅର୍ଜୁନ, ଅଶୋକ, ଜାମୁ,ମେହେଗାନି,ଭଳି ବହୁ ଔଷଧୀୟ ବୃକ୍ଷ ଯାହାକି ସାଧାରଣ ଲୋକଙ୍କ ସୱାସ୍ଥ୍ୟ ପାଇଁ କାର୍ଯ୍ୟରେ ଆସିବ। ତାକୁ ପ୍ରାଧାନ୍ୟ ଦେଇଛି ବିଭାଗ ବୋଲି ଦାରିଙ୍ଗବାଡି ବନାଞ୍ଚଳ ଅଧିକାରୀ ମାଧବ ଚନ୍ଦ୍ର ବେହେରା କହିଛନ୍ତି ।
ସେହିପରି ଉକ୍ତ ବନାଞ୍ଚଳ ଅଧୀନ ବୁଡ଼ାଗୁଡା ସେକ୍ସନରେ ବନପାଳ ମନ୍ମଥ ପରିଛା ଙ୍କ ତତ୍ୱାବଧାନରେ ଗୁମିକିଆ ପଞ୍ଚାୟତ କିଲୁକୁପା ଜଙ୍ଗଲରେ ୫ ହେକ୍ଟର ଜମିରେ ୮ ହଜାର ଚାରା ରୋପଣ କରାଯିବ ବୋଲି ବନପାଳ ପରିଛା କହିଛନ୍ତି। ଏଥିପାଇଁ କ୍ଷେତ୍ର ପ୍ରସ୍ତୁତ କାର୍ଯ୍ୟ ଶେଷ ହୋଇଛି। ଏବେ ଚାରା ରୋପଣ କାର୍ଯ୍ୟ କରାଯିବ ବୋଲି ସେ କହିଛନ୍ତି।
ପ୍ରକାଶ ଯେ ଦାରିଙ୍ଗବାଡି ବନାଞ୍ଚଳରେ ୩ଟି ସେକ୍ସନରେ ୧ ଲକ୍ଷ ୮୦ ହଜାର ଚାରା ଉତ୍ପାଦନ କରାଯାଇଛି ଏବଂ ବିକ୍ରୟ କରାଯିବା ସହ ଲୋକଙ୍କୁ ୧ ଟଙ୍କାରେ ଚାରା ଯୋଗାଇ ଦିଆଯାଉଛି। ମା’ଙ୍କ ନାମରେ ଗଛଟିଏ କାର୍ଯ୍ୟକ୍ରମ ମାଧ୍ୟମରେ ଲୋକଙ୍କୁ ବ୍ୟାପକ ଗଛ ଲଗାଇବା ଓ ତାର ଯତ୍ନ ନେବାକୁ ସଚେତନ କରାଯାଇଛି। ଗଦଡ଼ିର ବୃକ୍ଷ ରୋପଣ କାର୍ଯ୍ୟକ୍ରମରେ ସିମନବାଡି ସରପଞ୍ଚ ଅମିତା ପ୍ରଧାନ ମୁଖ୍ୟ ଅତିଥିଭାବେ ଯୋଗଦେଥିବା ବେଳେ ବନାଞ୍ଚକ ଅଧିକାରୀ ମାଧବ ଚନ୍ଦ୍ର ବେହେରା, ସିମନବାଡି ବନପାଳ ବନିତା ପ୍ରଧାନ, ବନରକ୍ଷୀ ସଂଜୀବ ବେହେରା, ବନରକ୍ଷୀ ସଦାଶିବ ଦିଗାଲ,ଦାରିଙ୍ଗବାଡି ବନପାଳ ସରୋଜ ମଙ୍ଗରାଜ,ବୁଡ଼ାଗୁଡା ବନପାଳ ମନ୍ମଥ ପରିଛା, ଆକାଉଣ୍ଟଟେଣ୍ଟ ସୁକାନ୍ତ ମହାପାତ୍ର,ବନରକ୍ଷୀ ବିଶ୍ୱଜିତ ମିଶ୍ର,ଶ୍ରୀକାନ୍ତ ପଧାନ,ରାହୁଲ ଦିଗାଲ,ସୌଭାଗ୍ୟ ରଞ୍ଜନ ସାମଲ,
ସମୀର ନାୟକ ପ୍ରମୁଖ ଉପସ୍ଥିତ ରହି ବୃକ୍ଷରୋପଣ କାର୍ଯ୍ୟକ୍ରମକୁ କାର୍ଯ୍ୟକାରୀ କରିଥିଲେ। ଏଥି ସହ ଗଦଡ଼ି ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରୀଛାତ୍ର ଏବଂ ଗ୍ରାମବାସୀ ମଧ୍ୟ ସାମିଲ ହୋଇଚାରା ରୋପଣ କରିଥିଲେ।
