ମୁମ୍ବାଇ,୧୯।୧୨: ବିବାଦରେ ଘେରି ହୋଇଥିବା ଷ୍ଟାଣ୍ଡ୍ଅପ୍ କମେଡିଆନ ମୁନାଓ୍ବର ଫାରୁକି ଶନିବାର ମୁମ୍ବାଇରେ ଏକ ଶୋରେ ପରର୍ଫମ କରିଛନ୍ତି। ଏହି ଇଭେଣ୍ଟର ଆୟୋଜନ କରିଥିଲା ଏଆଇପିସି, ଯାହାକି କଂଗ୍ରେସର ଅଂଶ।
ବାରମ୍ବାର ଶୋ ବାତିଲ ହେବାରୁ ଗତ ମାସରେ ଭାଙ୍ଗି ପଡ଼ିଥିଲେ ୨୯ ବର୍ଷୀୟ କମେଡିଆନ। ଏପରି କି ଇନ୍ଷ୍ଟାଗ୍ରାମରେ ‘ଘୃଣା ଜିତିଗଲା, କଳାକାର ହାରିଗଲା’ ଲେଖି ଅବସର ସଙ୍କେତ ଦେଇଥିଲେ। ଏହାକୁ ସୋସିଆଲ ମିଡିଆରେ ଖୁବ୍ ସମର୍ଥନ ମିଳିଥିଲା।
ଦକ୍ଷୀଣ ପନ୍ଥୀ ଗ୍ରୁପର ଧମକ ଯୋଗୁ କିଛି ସପ୍ତାହ ମଧ୍ୟରେ ବାତିଲ ହୋଇଯାଇଥିଲା ୧୨ଟି ଶୋ। ଶନିବାର ଓ୍ବାଇବି ଚହ୍ବାନ ସେଣ୍ଟରରେ ତାଙ୍କ ଶୋ ଶେଷ ହେବା ପରେ ଏଆଇପିସି ଫଟୋ ଟୁଇଟ୍ କରି ଲୋଯାଇଛି, ମୁମ୍ବାଇରେ ଗତକାଲି ଶୋ ପରେ ଆମେ ମୁନାଓ୍ବରଙ୍କୁ ସମ୍ମାନିତ କରିଥିଲୁ। ଯେ ପର୍ଯ୍ୟନ୍ତ କଳାକାର ସମ୍ବିଧାନ ଓ ସମସ୍ତ ବିଶ୍ୱାସକୁ ମାନୁଛନ୍ତି, ସେମାନଙ୍କର ସୃଜନଶୀଳ ସ୍ବାଧୀନତା ରହିବା ଉଚିତ।
