ଟେକ୍ସାସ,୨୬ ।୩: କ୍ୟାପିଟଲ ହିଂସା ମାମଲାର ଯାଞ୍ଚ ସହିତ ପର୍ନ ଷ୍ଟାର ମାମଲା ପର୍ଯ୍ୟନ୍ତ ଯାଞ୍ଚ ମଧ୍ୟ ଦେଇ ଗତି କରୁଥିବା ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ଶନିବାର ରାଷ୍ଟ୍ରପତି ନିର୍ବାଚନ ଅଭିଯାନ କ୍ରମରେ ଟେକ୍ସାସର ୱାକୋରେ ରାଲି କରିଛନ୍ତି । ସେଠାରେ ସେ କହିଛନ୍ତି, ମୁଁ ଓ ଆପଣମାନେ କିଛି ବର୍ଷ ହେବ ଆମେରିକାକୁ ଧ୍ୱଂସ କରିବାକୁ ଚେଷ୍ଟା କରୁଥିବା ଦୁର୍ନିତିଗ୍ରସ୍ତ, ନଷ୍ଟ ହୋଇଯାଇଥିବା ଏବଂ ଦୁଷ୍ଟ ଶକ୍ତିର ସମ୍ମୁଖୀନ ହେଉଛେ । ଆମେରିକାକୁ ନଷ୍ଟ କରିବାକୁ ଚେଷ୍ଟା ହେଉଛି । ହେଲେ ଆମେରିକା ପୁଣିଥରେ ସ୍ୱତନ୍ତ୍ର ରାଷ୍ଟ୍ର ହେବ!
ୱାକୋ ଆଞ୍ଚଳିକ ବିମାନ ବନ୍ଦରରେ ଡୋନାଲ୍ଡ ଟ୍ରମ୍ଫଙ୍କ ସମାବେଶ ୨୦୨୪ ରାଷ୍ଟ୍ରପତି ରେସ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ । ଏବେ ଟ୍ରମ୍ଫ ୨୦୨୦ରେ ନିର୍ବାଚନ ସମୟରେ ଗୁପ୍ତ ଅର୍ଥ କାରବାର ଯାଞ୍ଚର ସମ୍ମୁଖୀନ ହେଉଛନ୍ତି । ଏହାସହ ୬ ଜାନୁୟାରୀ, ୨୦୨୧ରେ ହୋଇଥିବା କ୍ୟାପିଟଲ ହିଂସାକୁ ନେଇ ବି ଟ୍ରମ୍ଫଙ୍କୁ ଯାଞ୍ଚର ସାମ୍ନା କରିବାକୁ ପଡୁଛି ।
