ବଲାଙ୍ଗୀରରେ କାରବାର, ୟୁପିରୁ ନିୟନ୍ତ୍ରଣ

ବଲାଙ୍ଗୀର ଅଫିସ, ୨୬।୩: ବଲାଙ୍ଗୀର ଜିଲା ଡାକମଣ୍ଡଳର ବିଭିନ୍ନ ପଦବୀ ପାଇଁ ଆବେଦନ କରିଥିବା କେତେଜଣ ପ୍ରାର୍ଥୀ ଜାଲ୍‌ ସାର୍ଟିଫିକେଟ୍‌ ଦେଇଥିବା ସନ୍ଦେହ କରି ଡାକ ଅଧୀକ୍ଷକ ଟାଉନ୍‌ ଥାନାରେ ଅଭିଯୋଗ କରିଥିଲେ। ପ୍ରାରମ୍ଭିକ ଯାଞ୍ଚ ପରେ ୩୭ ପ୍ରାର୍ଥୀଙ୍କ ସାର୍ଟିଫିକେଟ ଜାଲ୍‌ ବୋଲି ସନ୍ଦେହ କରାଯାଇଥିଲା। ଏହାପରେ ବଲାଙ୍ଗୀର ଏସ୍‌ପି ନୀତିନ କୁଶଲକର ଏକ ସ୍ବତନ୍ତ୍ର ଟିମ୍‌ ଗଠନ କରି ଘଟଣାର ତଦନ୍ତ ନିର୍ଦ୍ଦେଶ ଦେଇଥିଲେ। ପୋଲିସ ଟିମ୍‌ ଏହି ଘଟଣାର ତଦନ୍ତ ଆରମ୍ଭ କରିବା ପରେ ଆଳୁ ଖୋଳୁ ଖୋଳୁ ମହାଦେବ ବାହାରିଲା ପରି ଏହା ଏକ ଆନ୍ତଃରାଜ୍ୟ ଜାଲ୍‌ ସାର୍ଟିଫିକେଟ ରାକେଟ୍‌ ବୋଲି ସ୍ପଷ୍ଟ ହୋଇଛି। ବଲାଙ୍ଗୀର ସହରର ଏକ କୋଚିଂ ସେଣ୍ଟର ଏହି ଜାଲ୍‌ ସାର୍ଟିଫିକେଟ୍‌ର କାରବାର ଚାଲିଥିବାବେବେ ଏହାର ମାଷ୍ଟରମାଇଣ୍ଡ ଉତ୍ତରପ୍ରଦେଶ(ୟୁପି)ରୁ ରହି ଏହାକୁ ନିୟନ୍ତ୍ରଣ କରୁଥିବା ଜଣାପଡ଼ିଛି।
ସ୍ବତନ୍ତ୍ର ପୋଲିସ ଟିମ୍‌ ଏହି ଜାଲ୍‌ ସାର୍ଟିଫିକେଟ ରାକେଟର ମୂଳ କେନ୍ଦ୍ର ବଲାଙ୍ଗୀର-ପାଟଣାଗଡ଼ ମୁଖ୍ୟରାସ୍ତା କଡ଼ରେ ଥିବା କୋଚିଂ ସେଣ୍ଟର ‘ରିଲାଏନ୍ସ ଏଜୁକେଶନ କମ୍ପ୍ଳେକ୍ସ’ରେ ଶନିବାର ଚଢ଼ାଉ କରିଥିଲା। ସେଠାରୁ ବ୍ୟାପକ ମାତ୍ରାରେ ଜାଲ୍‌ ସାର୍ଟିଫିକେଟ, ଦେଶର ବିଭିନ୍ନ ସ୍ଥାନର ଜଣାଶୁଣା ଶିକ୍ଷାନୁଷ୍ଠାନର ସିଲ୍‌, ଷ୍ଟାମ୍ପ, ବିଭିନ୍ନ ରଙ୍ଗର ପ୍ରିଣ୍ଟର କଲର, ପ୍ରିଣ୍ଟର୍ସ ଓ ଜେରକ୍ସ ମେଶିନ, କମ୍ପ୍ୟୁଟର, ହାର୍ଡଡିସ୍କ, ଡାଏରି, ୩ ଲକ୍ଷରୁ ଊର୍ଦ୍ଧ୍ୱ ଟଙ୍କା, ବିଭିନ୍ନ ବିଶ୍ୱବିଦ୍ୟାଳୟ ଏବଂ ଶିକ୍ଷା ଅଧିକାରୀଙ୍କ ଅଫିସକୁ ଲେଖାଯାଇଥିବା ଚିଠି ଓ ଅନ୍ୟାନ୍ୟ କାଗଜପତ୍ର, ଅନେକ ଲୋକଙ୍କ ଫଟୋ ଏବଂ କାଗଜପତ୍ର ଜବତ କରିଛି।
ଏସ୍‌ଡିପିଓ ତୋଫାନ ବାଗ କହିଛନ୍ତି, ଡାକବିଭାଗ ପଦବୀରେ ଜାଲ୍‌ ସାର୍ଟିଫିକେଟ କାରବାର ନେଇ ଅଭିଯୋଗ ଆସିବା ପରେ ଏସ୍‌ପି କୁଶଲକରଙ୍କ ନିର୍ଦ୍ଦେଶରେ ତନାଘନା ଆରମ୍ଭ ହୋଇଥିଲା। କେତେକ ସନ୍ଦିଗ୍ଧଙ୍କୁ ପଚରାଉଚରା ପରେ ବଲାଙ୍ଗୀର ରିଲାଏନ୍ସ ଏଜୁକେଶନ କମ୍ପ୍ଲେକ୍ସ କୋଚିଂ ସେଣ୍ଟରରେ ଜାଲ୍‌ ସାର୍ଟିଫିକେଟ କାରବାର ଚାଲିଥିବା ସୁରାକ୍‌ ମିଳିବା ପରେ ସେଠାରେ ଚଢ଼ାଉ କରାଯାଇଛି। ଏଠାରେ ଦେଶର ବିଭିନ୍ନ ବିଶ୍ୱବିଦ୍ୟାଳୟ, ବୋର୍ଡର ଜାଲ୍‌ ସାର୍ଟିଫିକେଟ ତିଆରି ହେଉଥିଲା। ନକଲି ଷ୍ଟାମ୍ପ ଓ ସିଲ୍‌ ଲଗାଯାଇ ସମ୍ପୂର୍ଣ୍ଣ ଅରିଜିନାଲ ଭଳି ସାର୍ଟିଫିକେଟ କରାଯାଉଥିବା ଜଣାପଡ଼ିଛି। ଅନେକ ସାର୍ଟିଫିକେଟ, ମାର୍କଶିଟ୍‌ ପେପର ଜବତ କରାଯାଇଛି ବୋଲି ସେ କହିଛନ୍ତି। ଜବତ କରାଯାଇଥିବା ଡାଏରିରେ ଯେଉଁମାନେ ଏଠାରୁ ସାର୍ଟିଫିକେଟ ନେଇଛନ୍ତି ସେମାନଙ୍କ ନାମ, ଠିକଣା ଏବଂ କି ଚାକିରି କରୁଛନ୍ତି ତାହା ଲେଖାଯାଇଥିବା ଜଣାପଡ଼ିଛି। ଉତ୍ତରପ୍ରଦେଶର ବୋର୍ଡ, ବୁନ୍ଦେଲଖଣ୍ଡର ବିଭିନ୍ନ ଉଚ୍ଚ ଶିକ୍ଷାନୁଷ୍ଠାନ, ମିରଟ୍‌ ସହ ଦେଶର ପ୍ରାୟ ଅନେକ ଜଣାଶୁଣା ଶିକ୍ଷାନୁଷ୍ଠାନର ଜାଲ୍‌ ସାର୍ଟିଫିକେଟ ଏଠାରୁ ମିଳୁଥିବା ଜଣାପଡ଼ିଛି। ଡିଷ୍ଟାନ୍ସ ଏଜୁକେଶନ କୋର୍ସ ନାରେ ଏଠାରେ ଫ୍ରାଞ୍ଚାଇଜ୍‌ ଅଣାଯାଇ ପାଠ ପଢ଼ାଯାଉଥିବା ଏବଂ ସାର୍ଟିଫିକେଟ ମିଳୁଥିବା କୁହାଯାଇଥିଲା। ଅନେକ ଲୋକ ଏଭଳି କୋର୍ସ କରି ସାର୍ଟିଫିକେଟ ପାଇଛନ୍ତି। ତେବେ ଯେଉଁମାନଙ୍କୁ ତତ୍‌କ୍ଷଣାତ୍‌ ସାର୍ଟିଫିକେଟ ଆବଶ୍ୟକ ହେଉଥିଲା ସେମାନଙ୍କୁ ଜାଲ୍‌ ସାର୍ଟିଫିକେଟ ଏଠାରୁ ତିଆରି କରାଯାଇ ଦିଆଯାଉଛି। ଏଥିପାଇଁ ୫୦ ହଜାରରୁ ଊର୍ଦ୍ଧ୍ୱ ଟଙ୍କା ନିଆଯାଉଥିବା ଜଣାପଡ଼ିଛି। ଏହି ରିଲାଏନ୍ସ ଏଜୁକେଶନ କମ୍ପ୍ଲେକ୍ସର ଡାଇରେକ୍ଟର ମନୋଜ ମିଶ୍ର, ସହଯୋଗୀ ଆଲୋକ ଉଦ୍‌ଗାତାଙ୍କୁ ଅଟକ ରଖି ପୋଲିସ ପଚରାଉଚରା ଜାରି ରଖିଛି। ସେମାନଙ୍କଠାରୁ ପୋଲିସ ବହୁ ଗୁରୁତ୍ୱପୂର୍ଣ୍ଣ ସୂଚନା ପାଇଥିବା ଜଣାପଡ଼ିଛି। ୟୁପିର ରାକେଶ ଚୌହାନ ନାମକ ଜଣେ ଦଲାଲ ଏହାର ମାଷ୍ଟରମାଇଣ୍ଡ ବୋଲି କୁହାଯାଉଛି। ଜାଲ୍‌ ସାର୍ଟିଫିକେଟ କାରବାରରେ ସମ୍ପୃକ୍ତ ଜିଲା, ରାଜ୍ୟ ତଥା ରାଜ୍ୟ ବାହାର ଅନେକ ଦଲାଲଙ୍କ ସମ୍ପର୍କରେ ପୋଲିସକୁ ସୂଚନା ମିଳିଛି। ଏହି ଜାଲ୍‌ ସାର୍ଟିଫିକେଟର ଚେର ଅନ୍ୟ ଜିଲା ଏବଂ ରାଜ୍ୟକୁ ବ୍ୟାପୀ ଥିବାରୁ ଏହା ବହୁ କୋଟି ଟଙ୍କାର ରାକେଟ ବୋଲି ଅନୁମାନ କରାଯାଉଛି। ପୋଲିସ ଜିଲାର ପାଟଣାଗଡ଼, ବେଲପଡ଼ା ଏବଂ ଅନ୍ୟାନ୍ୟ ସ୍ଥାନରେ ଚଢ଼ାଉ କରି ଅନ୍ୟ ୮ ଜଣଙ୍କୁ ଅଟକ ରଖି ପଚରାଉଚରା କରିଛି। ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି ବୋଲି କୁହାଯାଇଛି। ଘଟଣା ସମ୍ପର୍କରେ ରିଲାଏନ୍ସ ଏଜୁକେଶନ କମ୍ପ୍ଳେକ୍ସର ଡାଇରେକ୍ଟର ମିଶ୍ରଙ୍କୁ ପଚରାଯିବାରୁ ଆଇନ ତା’ ବାଟରେ ଯିବ କହିଥିଲେ।


Enter your email to get our daily news in your inbox.

All Right Reserved By Dharitri.Com

ତ୍ରିରଙ୍ଗା ପ୍ରତି ଅପମାନ ଦେଖି ତୁରନ୍ତ ସୁରକ୍ଷା ଅଧିକାରୀଙ୍କ ନିକଟକୁ ଗଲେ ମହମ୍ମଦ ସିରାଜ; ୫ମ ଦିନିକିଆ ମ୍ୟାଚର ଭିଡିଓ ହେଉଛି ଭାଇରାଲ

ନୂଆଦିଲ୍ଲୀ,୧୬।୧୧: ନ୍ୟୁଜିଲ୍ୟାଣ୍ଡ ବିପକ୍ଷ ପଞ୍ଚମ ଦିନିକିଆ ମ୍ୟାଚରେ ମହମ୍ମଦ ସିରାଜଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଥିଲା। ଏହି ମ୍ୟାଚରେ ସେ ଦୁଇଟି ୱିକେଟ ନେଇ ଦଳର ବିଜୟରେ…

ଆଜି ଓଡ଼ିଶା ଆସିବେ ଉପରାଷ୍ଟ୍ରପତି

ଭୁବନେଶ୍ୱର,୧୬।୧୧ (ରବିନାରାୟଣ ଜେନା): ଉପରାଷ୍ଟ୍ରପତି ସି. ପି. ରାଧାକ୍ରିଷ୍ଣନ ସୋମବାର ବିଧାନସଭାରେ ଗୃହର ସଦସ୍ୟମାନଙ୍କ ପାଇଁ ହେବାକୁ ଥିବା ଦିନିକିଆ ଓରିଏଣ୍ଟେଶନ କାର୍ଯ୍ୟକ୍ରମକୁ ଉଦ୍‌ଘାଟନ କରିବେ। ଏଥିପାଇଁ…

ଆସିଆନ (ASEAN) ଶିଖର ସମ୍ମିଳନୀ ପାଇଁ ମନିଲାରେ ଏକତ୍ରିତ ହେବେ ବହୁ ନେତା, ଆଜି ଯାତ୍ରା କରିବେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ/ମନିଲା,୧୬।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନି ଦିନିଆ ଗସ୍ତରେ ସୋମବାର (ନଭେମ୍ବର ୧୬) ଫିଲିପାଇନ୍ସର ରାଜଧାନୀ ମନିଲାରେ ପହଞ୍ଚିବେ। ନିଜ ଗସ୍ତ ସମୟରେ ସେ ବାର୍ଷିକ ଭାରତ-ଆସିଆନ…

ଏଇ ଭାରତରେ

ରାଜସ୍ଥାନ ଥର୍‌ ମରୁଭୂମିରେ ଓଟମାନେ ଖାଦ୍ୟ ପାଇଁ ଚାରଣ ଭୂମି ଉପରେ ନିର୍ଭର କରିଥାନ୍ତି। ଏହା ହ୍ରାସ ପାଇଲେ ଓଟ ପାଳନ କରିବା କଷ୍ଟକର ହୋଇଯିବ। ଏଣୁ…

ଶିକୁଳିରେ ଗଣମାଧ୍ୟମ

ଭାରତରେ ମୁକ୍ତ ଏବଂ ଉତ୍ତରଦାୟିତ୍ୱସମ୍ପନ୍ନ ଗଣମାଧ୍ୟମର ଭୂମିକା ଅବସରରେ ପ୍ରତିବର୍ଷ ନଭେମ୍ବର ୧୬ ତାରିଖରେ ଜାତୀୟ ପ୍ରେସ୍‌ ଦିବସ ପାଳନ କରାଯାଏ । ଏହି ଦିନଟି ପ୍ରେସ୍‌…

ଡିଜିଟାଲ ମୃଗତୃଷ୍ଣା ନା ପ୍ରଗତିର ଦ୍ବାର

ଭୁବନେଶ୍ୱର ଜଟଣୀଠାରେ ପ୍ରଧାନମନ୍ତ୍ରୀଙ୍କ ଦ୍ୱାରା ଉଦ୍‌ଘାଟିତ ରିଜର୍ଭ ବ୍ୟାଙ୍କର ୧୬୯ କୋଟି ଟଙ୍କାର ଟାୟାର-୪ ଡାଟା ସେଣ୍ଟର ଓ ସାଇବର ପ୍ରଶିକ୍ଷଣ ଅନୁଷ୍ଠାନ ଏବଂ କଟକ ନରାଜର…

ନ୍ୟୁଜିଲ୍ୟାଣ୍ଡରେ ଶେଷଥର ପାଇଁ ନ ଚାହୁଁଥିବା ରେକର୍ଡ କଲେ ରୋହିତ ଶର୍ମା ହେଉଛି ଚର୍ଚ୍ଚା

ନୂଆଦିଲ୍ଲୀ,୧୬।୧୧: ଭାରତ ପାଞ୍ଚ ମ୍ୟାଚ ବିଶିଷ୍ଟ ଦିନିକିଆ ସିରିଜକୁ ୩-୧ରେ ଜିତି ନେଇଛି। ସମ୍ଭବତଃ ଏହା ଥିଲା ଶେଷ ଥର ପାଇଁ, ଯେତେବେଳେ ରୋହିତ ଶର୍ମା ଏବଂ…

ବାତ୍ୟା ଆନ୍ଧ୍ର ଉପକୂଳ ମୁହାଁ ହେଲେ ବି ଓଡ଼ିଶା ଉପରେ ଦେଖାଇବ ପ୍ରଭାବ, ଆଜି ସନ୍ଧ୍ୟା ସୁଦ୍ଧା…

ଭୁବନେଶ୍ୱର, ୧୬ା୧୧ (ବନ୍ଦନା ସେଠୀ): ପୁଣି ଘାରିଲା ବାତ୍ୟା ଭୟ। ଇତିମଧ୍ୟରେ ଦକ୍ଷିଣ-ପୂର୍ବ ବଙ୍ଗୋପସାଗରରେ ସକ୍ରିୟ ଥିବା ସ୍ପଷ୍ଟ ଚିହ୍ନିତ ଲଘୁଚାପ ଅଧିକ ଘନୀଭୂତ ହୋଇ ରବିବାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?