ନୂଆଦିଲ୍ଲୀ,୩୦।୫: ୨୦୨୪ ଲୋକ ସଭା ନିର୍ବାଚନ ସମୟରେ ମୁସଲିମ ସଂରକ୍ଷଣ ପ୍ରସଙ୍ଗ ଚର୍ଚ୍ଚାରେ ରହିଛି। ବର୍ତ୍ତମାନ ସପ୍ତମ ପର୍ଯ୍ୟାୟ ତଥା ଶେଷ ପର୍ଯ୍ୟାୟ ଭୋଟ ଜୁନ ୧ରେ ଅନୁଷ୍ଠିତ ହେବ। ଏହି ସମୟରେ ଦେଶର ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ବର୍ତ୍ତମାନର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପିଏମ୍ଓର ସମ୍ମାନ ହ୍ରାସ କରିଥିବା ଅଭିଯୋଗ କରିଛନ୍ତି। ସେ କହିଛନ୍ତି ଯେ, ପିଏମ ମୋଦିଙ୍କ ଘୃଣା ଭାଷଣ ପିଏମ୍ଓର ସମ୍ମାନକୁ ହ୍ରାସ କରିଛି।
ଏହା ସହିତ ପୂର୍ବତନ ପ୍ରଧାନମନ୍ତ୍ରୀ ମଧ୍ୟ ଅସ୍ବୀକାର କରିଛନ୍ତି, ସେ କୌଣସି ସମ୍ପ୍ରଦାୟକୁ ସ୍ବତନ୍ତ୍ର ସୁବିଧା ଦେବା ବିଷୟରେ କେବେ କହିନାହାଁନ୍ତି। ଡକ୍ଟର ସିଂ ଗୁରୁବାର ପଞ୍ଜାବର ଭୋଟରଙ୍କୁ ଏକ ତିନି ପୃଷ୍ଠାର ଚିଠି ଲେଖିଛନ୍ତି ଯେଉଁଥିରେ ସେ କହିଛନ୍ତି, ଏହି ନିର୍ବାଚନ ପ୍ରଚାର ସମୟରେ ମୁଁ ରାଜନୈତିକ ଆଲୋଚନା ଉପରେ ତୀକ୍ଷ୍ଣ ନଜର ରଖିଛି। ମୋଦି ଜୀ ସବୁଠାରୁ ଘୃଣ୍ୟ ଭାଷଣ ଦେଇଛନ୍ତି, ଯାହା ସମ୍ପୂର୍ଣ୍ଣ ବିଭାଜନକାରୀ।
