ଜଳେଶ୍ୱର, ୨୪।୮(ଡି.ଏନ.ଏ.): ସୁବର୍ଣ୍ଣରେଖା ବନ୍ୟାର ୩ୟ ଦିନରେ ଜଳେଶ୍ୱର ବ୍ଲକର ୨୬ଶହ ହେକ୍ଟର ଜମି ବନ୍ୟାଜଳରେ ବୁଡ଼ିଯାଇଥିବା ବେଳେ ୫ ପଞ୍ଚାୟତ ୧୬ ଗାଁର ଦୁର୍ଦ୍ଦଶା ଅବର୍ଣ୍ଣନୀୟ ା ଗାଁ ଦାଣ୍ଡରେ ପାଣିର ସୁଅ ଚାଲିଛି। ୪୦ ହଜାର ଗୃହପାଳିତ ପ୍ରାଣୀ ଭୋକଉପାସରେ ରହିଛନ୍ତି। ବନ୍ୟାଞ୍ଚଳରେ ଥିବା ୮୩୫ ନଳକୂପ ମଧ୍ୟରୁ ୩୩ଟି ପାଣିରେ ବୁଡି ରହିଥିବା ବେଳେ କେତେକ ସ୍ଥାନରେ ପିଇବା ପାଣି ସମସ୍ୟା ଦେଖା ଦେଇଛି। ଜିଲାପାଳଙ୍କ ନିର୍ଦ୍ଦେଶରେ ପାଉଚପାଣି ବଣ୍ଟାଯାଉଛି ା
ଜଳେଶ୍ୱର ବ୍ଲକର ୨୮ ପଞ୍ଚାୟତର ୧୪୯ ଗାଁ ୨ଦିନ ଧରି ବୁଡି ରହିବା ପରେ ସୁବର୍ଣ୍ଣରେଖା ନଦୀର ଜଳସ୍ତର ହ୍ରାସ ପାଇଥିଲେ ମଧ୍ୟ ମଙ୍ଗଳବାର ସନ୍ଧ୍ୟା ସୁଦ୍ଧା ୭ ପଞ୍ଚାୟତର ୪୦ ଗାଁରେ ପାଣି ଜମି ରହିଛି ା କିନ୍ତୁ ୫ ପଞ୍ଚାୟତର ୧୬ ଗାଁରେ ପରିସ୍ଥିତି ଜଟିଳ ରହିଛି। ବାଇଗଣବାଡିଆ, ପଶ୍ଚିମବାର୍ଡ, ଝାଡପିମ୍ପଳ, ଗଡସାହି ବାଲିଆପାଳ ଓ ପାଇକସିଦା ପଞ୍ଚାୟତକୁ ଯୋଗାଯୋଗ ବିଚ୍ଛିନ୍ନ ହୋଇଛି ା ଅତିରିକ୍ତ ଜିଲାପାଳ ନୀଲୁ ମହାପାତ୍ରଙ୍କ ପରାମର୍ଶ କ୍ରମେ ମଙ୍ଗଳବାର ଜିଲାପାଳ ୨୫୦ କୁଇଣ୍ଟାଲ ଦାନା ଜଳେଶ୍ୱର ବ୍ଲକକୁ ଯୋଗାଇଛନ୍ତି ା ଏଡିଭିଓ ଡ. ରଞ୍ଜନ ଦାସ ଓ ଭିଏଏସ୍ ସୁନୀଲ କୁମାର ଭୂୟାଁ ଏହି ଦାନା ବଣ୍ଟନ କରିଛନ୍ତି। ପାଣି ବୁଡିଯାଇଥିବା ଗାଁ ଗୁଡିକରେ ୮୩୫ ନଳକୂପ ଓ ୩୨ ପିଇବା ପାଣି ପ୍ରକଳ୍ପ ଥିବା ବେଳେ ସେଥିରୁ ୩୩ ନଳକୂପ କ୍ଷତିଗ୍ରସ୍ତ ହୋଇଛି ା ବନ୍ୟା ଅଞ୍ଚଳରେ ଥିବା ବିଭିନ୍ନ ପୋଖରୀ ବୁଡିଯିବାର ଫଳରେ ମାଛ ଚାଷୀ କ୍ଷତିର ସମ୍ମୁଖୀନ ହୋଇଛନ୍ତି ା ପୂର୍ତ୍ତ ବିଭାଗର ୨ ରାସ୍ତା ଓ ଗ୍ରାମ ଉନ୍ନୟନ ବିଭାଗର ୩୬ ରାସ୍ତାର ବ୍ୟାପକ କ୍ଷତି ଘଟିଛି ା ଏବେବି ଶ୍ରୀରାମପୁର, ଶିଖରପୁର, ଚମାର ଗାଁ, ନେତୁଆ, ସମ୍ପତ୍ତିଆ, ଖାଲିନା, ବାଇଗଣବାଡିଆ, ଖୁଲୁଡା, ଝାଡପିମ୍ପଳ, ନଛିମପୁର, ବର୍ତ୍ତନା, ପାଇକସିଦା, ରାୟାଁରାମଚନ୍ଦ୍ରପୁର ପଞ୍ଚାୟତର ୨୬୦୦ ହେକ୍ଟର ଜମି ପାଣି ଘେରରେ ରହିଥିବା ବେଳେ ୫ଶହ ପରିବା ଚାଷୀଙ୍କ ସର୍ବସ୍ବ ଉଜୁଡିଯାଇଛି ା ଗ୍ରାମାଞ୍ଚଳରେ କେତେକ ଘରଦ୍ୱାର ଭାଙ୍ଗିଥିବା ବେଳେ ରାଜସ୍ବ ବିଭାଗ ଓ ବ୍ଳକ ଅଧିକାରୀ ମିଳିତ ଉଦ୍ୟମରେ ୬ଟି ଟିମ୍ ବିଭିନ୍ନ ସ୍ଥାନ ବୁଲି କ୍ଷୟକ୍ଷତି ଆକଳନ କରୁଥିବା ତହସିଲଦାର ସ୍ମୃତିରଞ୍ଜନ ମଲ୍ଲିକ ଓ ବିଡିଓ ପୁନମ ରାଉତ ସୂଚନା ଦେଇଛନ୍ତି ା ୫୦ଟି କଚାଗୃହ ଭାଗିଥିବା ପ୍ରାଥମିକ ରିପୋର୍ଟରୁ ଜଣାଯାଇଛି ା ପଯର୍ୟଟନ ମନ୍ତ୍ରୀ ଅଶ୍ୱିନୀ ପାତ୍ର ପାଇକସିଦା, କେଶପୁରା, ବାଲିକବାଡ. ଚିତ୍ମିଶ୍ରା, ଖଳାବାଡିଆ ଓ ଉତ୍ତରପଡା ବନ୍ୟାଞ୍ଚଳ ବୁଲି ପରିସ୍ଥିତି ଅନୁଧ୍ୟାନ କରିଛନ୍ତି ା ତାଙ୍କ ସହିତ ବ୍ଳକ ଅଧ୍ୟକ୍ଷ ମାନସ ଜେନା, ଉପାଧ୍ୟକ୍ଷା ସଂଜିତା ସେନାପତି, ସରପଞ୍ଚ ସରସ୍ବତୀ ସେଠୀ, ସମିତି ସଦସ୍ୟା ନମିତା ଜେନା, ଜିଲାପରିଷଦ ଉପାଧ୍ୟକ୍ଷା ଅନୁସୂୟା ପ୍ରଧାନ, ଜିଲାପରିଷଦ ସଦସ୍ୟା ମିନତୀ ଜେନା, ମଧୁସୂଦନ ସେନାପତି, ବନବିହାରୀ ଦାସ ପ୍ରମୁଖ ଉପସ୍ଥିତ ଥିଲେ ା
