ନୂଆଦିଲ୍ଲୀ,୧୧।୯: ଅନଲାଇନ ସପିଂ ପ୍ରେମୀଙ୍କ ପାଇଁ ବଡ଼ ଖବର। ଫ୍ଲିପକାର୍ଟର ବର୍ଷର ସବୁଠୁ ବଡ଼ ଫେଷ୍ଟିଭ ସେଲ Big Billion Days 2026 ଖୁବଶୀଘ୍ର ଆରମ୍ଭ ହେବାକୁ ଯାଉଛି। ଆସନ୍ତା ମାସରେ ଆୟୋଜିତ ହେବାକୁ ଥିବା ଏହି ମେଗା ସେଲରେ ସ୍ମାର୍ଟଫୋନ, ଇଲେକ୍ଟ୍ରୋନିକ୍ସ, ହୋମ ଆପ୍ଲାଏନ୍ସ ଓ ଅନ୍ୟାନ୍ୟ ସାମଗ୍ରୀ ଉପରେ ବଡ଼ ଡିସ୍କାଉଣ୍ଟ ମିଳିପାରେ।
X ୟୁଜର୍ @X_Up_date ଫ୍ଲିପକାର୍ଟ ମୋବାଇଲ ଆପ୍ର ଏକ ସ୍କ୍ରିନ୍ସଟ ଶେୟାର କରିଛନ୍ତି। ଏଥିରେ Big Billion Days Sale 2026ର ଟିଜର୍ ଦେଖିବାକୁ ମିଳିଛି। ଲିକ୍ ହୋଇଥିବା ତଥ୍ୟ ଅନୁସାରେ, ଭାରତରେ ଏହି ମେଗା ସେଲ ଅକ୍ଟୋବର ୯ରୁ ଆରମ୍ଭ ହୋଇପାରେ।
ସେହିପରି Flipkart Plus ସଦସ୍ୟଙ୍କୁ ଅକ୍ଟୋବର ୮ରୁ ଅର୍ଲି ଆକ୍ସେସ ମିଳିବାର ସମ୍ଭାବନା ରହିଛି। ଅର୍ଥାତ୍ ସାଧାରଣ ଗ୍ରାହକଙ୍କ ତୁଳନାରେ Plus ମେମ୍ବରମାନେ ଗୋଟିଏ ଦିନ ପୂର୍ବରୁ ସେଲରେ ଡିଲ କିଣିପାରିବେ। ଲିକ୍ ହୋଇଥିବା ସ୍କ୍ରିନ୍ସଟରେ ବ୍ୟାଙ୍କ ଅଫର୍ର ସଙ୍କେତ ମଧ୍ୟ ମିଳିଛି। ଚୟନିତ Axis Bank ଓ ICICI Bank କାର୍ଡ ଜରିଆରେ ପେମେଣ୍ଟ କଲେ ଗ୍ରାହକଙ୍କୁ ୧୦ ପ୍ରତିଶତ ଇନଷ୍ଟାଣ୍ଟ ଡିସ୍କାଉଣ୍ଟ ମିଳିପାରେ।
ତେବେ ଏହି ଅଫର୍ ପାଇଁ ସର୍ବନିମ୍ନ କାରବାର ରାଶି, ସର୍ବାଧିକ ଡିସ୍କାଉଣ୍ଟ ସୀମା ଏବଂ କେଉଁ କାର୍ଡଗୁଡ଼ିକ ଯୋଗ୍ୟ ହେବ, ସେନେଇ ସମ୍ପୂର୍ଣ୍ଣ ତଥ୍ୟ ଏପର୍ଯ୍ୟନ୍ତ ସାମ୍ନାକୁ ଆସିନାହିଁ।
ଗତବର୍ଷ ଅର୍ଥାତ୍ ୨୦୨୫ରେ ଫ୍ଲିପକାର୍ଟର Big Billion Days Sale ସେପ୍ଟେମ୍ବର ୨୩ରୁ ଆରମ୍ଭ ହୋଇଥିଲା। Plus ଏବଂ Black ମେମ୍ବରମାନଙ୍କୁ ୨୪ ଘଣ୍ଟା ପୂର୍ବରୁ ଅର୍ଲି ଆକ୍ସେସ ମିଳିଥିଲା।
ଗତବର୍ଷ Apple, Samsung ଓ Motorola ଭଳି ବ୍ରାଣ୍ଡର ସ୍ମାର୍ଟଫୋନ ସହିତ PC, ଲାପଟପ, ଟିଭି ଓ ଅନ୍ୟାନ୍ୟ ଇଲେକ୍ଟ୍ରୋନିକ୍ସ ଉପରେ ଆକର୍ଷଣୀୟ ଡିଲ ଦିଆଯାଇଥିଲା। ଏହା ସହିତ ଫ୍ଲାସ ଡିଲ, ଲିମିଟେଡ ଟାଇମ ଅଫର୍ ଓ Rush Hour Discount ମଧ୍ୟ ଗ୍ରାହକଙ୍କୁ ମିଳିଥିଲା।
ଗତବର୍ଷ ମଧ୍ୟ ଚୟନିତ ପ୍ରଡକ୍ଟ ଉପରେ Axis Bank ଓ ICICI Bank କାର୍ଡଧାରୀଙ୍କୁ ୧୦% ଇନଷ୍ଟାଣ୍ଟ ଡିସ୍କାଉଣ୍ଟ ମିଳିଥିଲା। ତେଣୁ ଏଥରର Big Billion Days Saleରେ ମଧ୍ୟ ଗ୍ରାହକଙ୍କୁ ବଡ଼ ଅଫର୍ ମିଳିବ ବୋଲି ଆଶା କରାଯାଉଛି।
ଉପରୋକ୍ତ ସେଲ ତାରିଖ ଓ ଅଫର୍ ସମ୍ପର୍କିତ ତଥ୍ୟ ଲିକ ହୋଇଥିବା ସ୍କ୍ରିନ୍ସଟ ଉପରେ ଆଧାରିତ। ଫ୍ଲିପକାର୍ଟ ପକ୍ଷରୁ ଅଫିସିଆଲ ଘୋଷଣା ହେବା ପରେ ତାରିଖ ଓ ଅଫର୍ରେ ପରିବର୍ତ୍ତନ ହୋଇପାରେ
ଆପଣଙ୍କୁ କହିରଖୁଛୁ ଯେ, ଏହି ସେଲ ସମୟରେ ଗ୍ରାହକଙ୍କ ନଜର iPhone 17 ଉପରେ ରହିବ। ଏଥର କମ୍ପାନୀ ଦାମ୍ରେ ବଡ଼ ପରିବର୍ତ୍ତନ କରିଛି। ପ୍ରତିବର୍ଷ ନୂଆ iPhone ଲଞ୍ଚ ହେବା ପରେ ପୁରୁଣା ମଡେଲର ଦାମ କମିଥାଏ। କିନ୍ତୁ ଏଥର iPhone 17ର ଦାମ ୮୨,୯୯୦ ଟଙ୍କାରୁ ବଢ଼ାଇ ପ୍ରାୟ ୧ ଲକ୍ଷ ଟଙ୍କା କରାଯାଇଛି।
ଏଭଳି ସ୍ଥିତିରେ ଫ୍ଲିପକାର୍ଟର Big Billion Days Sale ସମୟରେ iPhone 17 କେତେ ଦାମରେ ଉପଲବ୍ଧ ହେବ, ତାହା ଉପରେ ଏବେ ସମସ୍ତଙ୍କ ନଜର ରହିବ।
