ଜେରୁଜେଲମ,୧ ।୧: ସାରା ବିଶ୍ୱରେ କରୋନା ଭାଇରସର ନୂଆ ଭାରିଏଣ୍ଟ ଓମିକ୍ରନ୍ ତାଣ୍ଡବ ରଚୁଛି । ଏପଟେ ଇସ୍ରାଏଲରେ ପ୍ରଥମ ‘ଫ୍ଲୋରୋନା’ ସଂକ୍ରମିତ ଚିହ୍ନଟ ହେବା ପରେ ଏବେ ବିଶ୍ୱବାସୀଙ୍କ ଚିନ୍ତା ଦୁଇଗୁଣା ହୋଇଯାଇଛି । ଫ୍ଲୋରୋନା ହେଉଛି କୋଭିଡ ୧୯ ଓ ଇନଫ୍ଲୁଏଞ୍ଜାର ଡବଲ ଇନଫେକ୍ସନ । ଇସ୍ରାଏଲରେ ପ୍ରଥମ ସଂକ୍ରମିତ ମିଳିଥିବା ଖବର ଅରବ ନ୍ୟୁଜ ପକ୍ଷରୁ ଦିଆଯାଇଛି । ଇତି ମଧ୍ୟରେ ଶୁକ୍ରବାର କରୋନା ଭାଇରସ ବିରୋଧରେ ଇସ୍ରାଏଲରେ ଚତୁର୍ଥ ବୁଷ୍ଟର ଡୋଜ ଦେବାକୁ ଅନୁମତି ମିଳିଯାଇଛି । ଇସ୍ରାଏଲ ଗଣମାଧ୍ୟମର ସୂଚନା ଅନୁଯାୟୀ, ସେଠାରେ କରୋନା ଭାଇରସ ଭ୍ୟାକ୍ସିନର ତୃତୀୟ ଡୋଜ ୪ମାସ ପୂର୍ବରୁ ଦିଆଯାଇଥିଲା । ଏବେ ସେଠାରେ କରୋନା ଭାଇରସର ଓମିକ୍ରନ୍ ସଂକ୍ରମଣ ବଢିବାରେ ଲାଗିଛି ।
