ନାସିକ,୮ ।୧୦: ମହାରାଷ୍ଟ୍ରର ନାସିକରେ ଶୁକ୍ରବାର ରାତିରେ ଏକ ବଡ ଅଘଟଣ ଘଟିଛି । ଏଠାରେ ଏକ ଚଳନ୍ତା ବସରେ ନିଆଁ ଲାଗିଯାଇଥିବା ଜଣାପଡିଛି । ଘଟଣା ନାସିକ-ଔରଙ୍ଗାବାଦ ରାସ୍ତାର ନାନ୍ଦୁରନାକା ନାମକ ସ୍ଥାନରେ ହୋଇଛି । ମିଳିଥିବା ସୂଚନା ଅନୁଯାୟୀ ନିଆଁରେ ଅନେକେ ପୋଡି ହୋଇଯାଇଛନ୍ତି । ଡେପୁଟି କମିଶନର ପୋଲିସ ଅମୋଲ ତାମ୍ବେ ଘଟଣା ସମ୍ପର୍କରେ ସୂଚନା ଦେଇ କହିଛନ୍ତି ନିଆଁରେ ପୋଡିହୋଇ କେତେ ଜଣଙ୍କର ମୃତ୍ୟୁ ହୋଇଛି । ଏବେ ମୃତକଙ୍କ ସଂଖ୍ୟା ୮ ରହିଥିବା କୁହାଯାଇଛି । ଆହତଙ୍କୁ ଚିକିତ୍ସା ପାଇଁ ପଠାଯାଇଥିବା ବେଳେ ଅନେକେ ଗୁରୁତର ରହିଛନ୍ତି । ତେଣୁ ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି ଅନୁମାନ କରାଯାଉଛି ।
ନାସିକ ପୋଲିସ କହିଛି ଶୁକ୍ରବାର ରାତିରେ ଏକ ବସରେ ନିଆଁ ଲାଗିଯିବା ଫଳରେ ଏବେ ପର୍ଯ୍ୟନ୍ତ ୧୧ ଜଣଙ୍କ ମୃତ୍ୟୁ ହୋଇଛି । ମୃତାହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଡାକ୍ତରଙ୍କ ରିପୋର୍ଟ ପରେ ସଠିକ ମୃତାହତଙ୍କ ସଂଖ୍ୟା ଜଣାପଡିବ ବୋଲି ପୋଲିସ କହିଛି । ସୂଚନା ମୁତାବକ ୟମତମାଲରୁ ମୁମ୍ବାଇ ଯାଇଥିବା ବସରେ ନିଆଁ ଲାଗିଯାଇଛି ।
