ଇସ୍ଲାମାବାଦ,୧୨ ।୧୦: ଫାଇନାନାସିଆଲ୍ ଆକ୍ସନ ଟାସ୍କ ଫୋର୍ସ(ଏଫ୍ଏଟିଏଫ୍)ବୈଠକର କିଛି ସପ୍ତାହ ପୂର୍ବରୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କୁ ବଡ ଝଟକା ଲାଗିଛି । ମନି ଲଣ୍ଡ୍ରିଂ ଓ ଟେରର ଫଣ୍ଡିଂ ବିରୋଧରେ ପାକିସ୍ତାନ ଦ୍ୱାରା କରାଯାଉଥିବା ଉପାୟ ପର୍ଯ୍ୟାପ୍ତ ନୁହେଁ । ଏଫ୍ଏଟିଏଫ୍ର କ୍ଷେତ୍ରୀୟ ଅଧିକାରୀ ପାକିସ୍ତାନକୁ ଏହା୍ସହ ଫଲୋ ଅପ୍ ତାଲିକାରେ ରଖିଛନ୍ତି । ସୂଚନାଯୋଗ୍ୟ, ୨୧-୨୩ ଅକ୍ଟୋବର ମଧ୍ୟରେ ଏଫ୍ଏଟିଏଫ୍ର ବୈଠକ ଅନୁଷ୍ଠିତ ହେବାର ଅଛି । ତା’ପୂର୍ବରୁ ପାକିସ୍ତାନକୁ ଏହା ଏକ ଝଟକା ବୋଲି କୁହାଯାଉଛି । ଡନ୍ ର ରିପୋର୍ଟ ଅନୁଯାୟୀ, ଏସିଆ ପାସିଫିକ ଗୁପ୍(ଏପିଜି) ଆଧାରରେ ଟେରର ଫଣ୍ଡିଂ ଓ ମନି ଲଣ୍ଡ୍ରିଂକୁ ଶେଷ କରିବାକୁ ଏଫ୍ଏଟିଏଫ୍ ପକ୍ଷରୁ ଦିଆଯାଇଥିବା ଟେକନିକର ବ୍ୟବହାର ପାକିସ୍ତାନ୍ ଖୁବ୍ କମ୍ କରିଛି । ଏପିଜି କହିଛି ପାକିସ୍ତାନ ଏଫ୍ଏଟିଏଫ୍ ପକ୍ଷରୁ ଦିଆଯାଇଥିବା ୪୦ ସୁପାରିଶ ମଧ୍ୟରୁ କେବଳ ୨ଟିରେ କାମ କରିଛି । ଏହାକୁ ଦେଖି ଏପିଜି ଘୋଷଣା କରିଛି ଯେ ପାକିସ୍ତାନ ଏନହାନ୍ସଡ ଫଲୋ ଅପ୍ ଲିଷ୍ଟରେ ରହିବ । ଏହାସହ ସମସ୍ତ ୪ ସୁପାରିଶ ଉପରେ ପାକିସ୍ତାନୁ ରିପୋର୍ଟ ମଗାଯାଇଛି ।
