ବକ୍ସ ଅଫିସରେ ଫିଲ୍ମ ‘ସ୍ତ୍ରୀ’ ଜରିଆରେ ହୃଦୟ ଜିତିଥିବା ଶ୍ରଦ୍ଧା କପୁର ପୁଣି ବଡ଼ ପରଦାକୁ ଜବରଦସ୍ତ ଭାବେ ଏଣ୍ଟ୍ରି କରିଛନ୍ତି। ମ୍ୟାଡକ୍ ଫିଲ୍ମସର ବହୁ ପ୍ରତୀକ୍ଷିତ ଫିଲ୍ମ ‘ଇଥା’ର ଟିଜର ରିଲିଜ ହୋଇଛି। ସୋସିଆଲ ମିଡିଆରେ ପ୍ରଥମ ଝଲକ ପ୍ରକାଶ ପାଇବା ମାତ୍ରେ ଶ୍ରଦ୍ଧାଙ୍କ ମର୍ମସ୍ପର୍ଶୀ ଏବଂ ଭୟଙ୍କର ଅବତାରରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଛନ୍ତି। ଏହି ଫିଲ୍ମ କେବଳ ମନୋରଞ୍ଜନ ନୁହେଁ; ଏହା ମହାରାଷ୍ଟ୍ର ମାଟିର କାହାଣୀ ଉପରେ ପର୍ଯ୍ୟବେସିତ। ଏହା ଏକ ଏମିତି କାହାଣୀ, ଯାହା ସମସ୍ତଙ୍କ ଆଖିକୁ ଲୁହରେ ଭରିଦେବ।
ଏହି ଫିଲ୍ମଟି ପ୍ରସିଦ୍ଧ କଳାକାର ବିଠାବାଇ ନାରାୟଣଗାଭକରଙ୍କ ଜୀବନ ଉପରେ ଆଧାରିତ। ବିଠାବାଇ କୌଣସି ସାଧାରଣ କଳାକାର ନ ଥିଲେ; ସେ ତାଙ୍କର କଳା ଏବଂ ତାଙ୍କର ଘୁଙ୍ଗୁରର ତାଳ ମାଧ୍ୟମରେ ପିଢ଼ି ପିଢ଼ିର ହୃଦୟ ଜିତିଥିଲେ। କଳା ପ୍ରତି ତାଙ୍କର ଅସାଧାରଣ ଅବଦାନ ପାଇଁ, ତାଙ୍କୁ ୧୯୯୦ ମସିହାରେ ଭାରତର ରାଷ୍ଟ୍ରପତିଙ୍କ ଦ୍ୱାରା ସମ୍ମାନିତ କରାଯାଇଥିଲା। ବିଠାବାଈଙ୍କ ଜୀବନ ସଂଘର୍ଷ, ସାହସ ମିଶ୍ରଣ ଥିଲା। ତାଙ୍କ ଭୂମିକାକୁ ପରଦାରେ ଚିତ୍ରଣ କରିବା ଯେକୌଣସି ଅଭିନେତ୍ରୀଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ। ଶ୍ରଦ୍ଧା ତାଙ୍କ ଭୂମିକାକୁ ସଚଠିକ୍ ପ୍ରତିପାଦ କରିଛନ୍ତି।
ଏହି ୨ ମିନିଟ ୩ ସେକେଣ୍ଡର ଟିଜରରେ ଶ୍ରଦ୍ଧାଙ୍କ ପରିବର୍ତ୍ତନ ସବୁଠାରୁ ବଡ଼ ଆଲୋଚନାର ବିଷୟ ପାଲଟିଛି। ଟିଜରଟି ଲବଣୀର ଚମକଦାର ଦୁନିଆ ପଛରେ ଲୁଚି ରହିଥିବା ତିକ୍ତ ଏବଂ ଭୟଙ୍କର ସତ୍ୟକୁ ପ୍ରକାଶ କରେ। ବିଠାବାଈ ଯେତେବେଳେ ମଞ୍ଚ ଉପରେ ନୃତ୍ୟ କରନ୍ତି, ତାଙ୍କ ପାଦ ସ୍ପନ୍ଦନ ଏବଂ ତାଙ୍କ ଅଭିବ୍ୟକ୍ତିପୂର୍ଣ୍ଣ ମୁଖମଣ୍ଡଳର ହାବଭାବ ଦର୍ଶକଙ୍କ ହୃଦୟରେ ଗଭୀର ଭାବରେ ସ୍ପନ୍ଦିତ ହୁଏ।
ଲକ୍ଷ୍ମଣ ଉତେକରଙ୍କ ନିର୍ଦ୍ଦେଶିତ ଏହି ଫିଲ୍ମଟି ଆସନ୍ତା ଅଗଷ୍ଟ ୨୮ରେ ଥିଏଟରରେ ମୁକ୍ତିଲାଭ କରିବାକୁ ପ୍ରସ୍ତୁତ। ମହମ୍ମଦ ଜୀଶାନ ଆୟୁବ ଏବଂ ରଣଦୀପ ହୁଡା ମଧ୍ୟ ଏହି ଫିଲ୍ମରେ ଅଭିନୟ କରିବେ।
Dharitri – Odisha’s No.1 Odia Daily
