ଚଣ୍ଡିଗଡ଼,୧୨।୭: ଜଣେ ପ୍ରାପ୍ତ ବୟସ୍କା ଯୁବତୀଙ୍କ ସହିତ ନାବାଳକ ଲିଭ୍ଇନ୍ରେ ରହିପାରିବେ। ଏନେଇ କୌଣସି ଅସୁବିଧା ନାହିଁ ବୋଲି ପଞ୍ଜାବ ହରିୟାଣା ହାଇକୋର୍ଟଙ୍କ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ରାୟ ଦିଆଯାଇଛି। ଜଣେ ୨୧ ବର୍ଷ ବୟସ୍କା ଯୁବତୀଙ୍କ ସହିତ ଲିଭ୍ଇନ୍ରେ ରହୁଥିବା ୧୯ ବର୍ଷର ନାବାଳକଙ୍କ ବିରୋଧରେ ଦାଖଲ ହୋଇଥିବା ଏକ ମାମଲାର ବିଚାର କରି କୋର୍ଟ ଏଭଳି ରାୟ ଦେଇଛନ୍ତି। ଲିଭ୍ଇନ୍ରେ ରହିବା ଲାଗି ସେମାନଙ୍କର ଅଧିକାର ରହିଛି। ଏଥିରେ କେହି ହସ୍ତକ୍ଷେପ କରିବେ ନାହିଁ। ସେମାନଙ୍କର ବିବାହକୁ ସ୍ବୀକୃତି ପ୍ରଧାନ କରାଯିବ ନାହିଁ। ମାତ୍ର ଲିଭ୍ଇନ୍ରେ ରହିବା ଅଧିକାରରୁ ସେମାନଙ୍କୁ ବଞ୍ଚିତ କରାଯିବ ନାହିଁ ବୋଲି କୋର୍ଟ କହିଛନ୍ତି। ବିଚାରପତି ଅରୁଣ କୁମାର ତ୍ୟାଗିଙ୍କ ନେତୃତ୍ୱରେ ଗଠିତ ଜଣିକିଆ ଖଣ୍ଡପୀଠ ଏହି ମାମଲାର ବିଚାର କରି ଏଭଳି ରାୟ ଦେଇଛନ୍ତି। ଏହା ସହିତ ସେମାନଙ୍କ ଜୀବନ ସୁରକ୍ଷା ଲାଗି କୋର୍ଟ ନିର୍ଦ୍ଦେଶ ଜାରି କରିଛନ୍ତି। ସୂଚନାଯୋଗ୍ୟ, ଲିଭ୍ଇନ୍ରେ ରହୁଥିବା ଯୁବତୀ ଏବଂ ସମ୍ପୃକ୍ତ ନାବାଳକ ସୁରକ୍ଷା ବ୍ୟବସ୍ଥା ନେଇ ବରିଷ୍ଠ ପୋଲିସ ଅଧିକାରୀଙ୍କୁ ଚିଠି ଲେଖିଥିଲେ। ମାତ୍ର କୌଣସି ପଦକ୍ଷେପ ଗ୍ରହଣ କରା ନ ଯିବାରୁ ସେମାନେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ।
