Posted inଖେଳ

ସିରିଜ ବିଜୟ ଲକ୍ଷ୍ୟରେ ଇଂଲଣ୍ଡ: ଷ୍ଟୋକ୍ସଙ୍କ ସ୍ଥାନ ନେଲେ ଏହି ଖେଳାଳି

ସାଉଥାମ୍ପଟନ, ୧୨।୮- ଇଂଲଣ୍ଡ ଓ ପାକିସ୍ତାନ ମଧ୍ୟରେ ଦ୍ୱିତୀୟ କ୍ରିକେଟ ଟେଷ୍ଟ ସ୍ଥାନୀୟ ରୋଜ ବାଓଲ ଷ୍ଟାଡିୟମରେ ଗୁରୁବାର ଆରମ୍ଭ ହେବ। ମାଞ୍ଚେଷ୍ଟରଠାରେ ଅନୁଷ୍ଠିତ ପ୍ରଥମ ଟେଷ୍ଟରେ ଇଂଲଣ୍ଡ ୩ ଉଇକେଟରେ ବିଜୟ ହାସଲ କରି ୩ ମ୍ୟାଚ ବିଶିଷ୍ଟ ସିରିଜରେ ୧-୦ରେ ଅଗ୍ରଣୀଲାଭ କରିଛି। ତେଣୁ ଏହି ଟେଷ୍ଟ ପାକିସ୍ତାନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଅନ୍ୟ ପକ୍ଷରେ ଇଂଲଣ୍ଡ ବିଜୟଧାରା ଜାରି ରଖି ଆଗୁଆ ସିରିଜ କବ୍‌ଜା କରିବା ଲକ୍ଷ୍ୟରେ ରହିଛି। ପ୍ରଥମ ଟେଷ୍ଟର ଦ୍ୱିତୀୟ ଇନିଂସରେ ଏକଦା ଖରାପ ସ୍ଥିତିରେ ଥିଲେ ହେଁ ସଫଳ ପ୍ରତ୍ୟାବର୍ତ୍ତନ କରିଥିବାରୁ ଦଳର ମନୋବଳ ବଢ଼ିଯାଇଛି।
ଇଂଲଣ୍ଡ ଦଳରେ ବେନ୍‌ ଷ୍ଟୋକ୍ସଙ୍କ ସ୍ଥାନରେ ଓଲି ରବିନସନଙ୍କୁ ସାମିଲ କରାଯାଇଛି। ପାରିବାରିକ କାରଣରୁ ଷ୍ଟୋକ୍ସ ନ୍ୟୁଜିଲାଣ୍ଡ ଯାଇଛନ୍ତି। ଫଳରେ ଜ୍ୟାକ କ୍ରଲି ତୃତୀୟ ନମ୍ବରରେ ବ୍ୟାଟିଂ ପାଇଁ ଆସିବେ। ବୋଲିଂ ଲାଇନ୍‌ଅପ୍‌ରେ ଇଂଲଣ୍ଡ ରୋଟେଶନ ପଦ୍ଧତି ଅବଲମ୍ବନ କରୁଛି। ତେଣୁ ଆଗାମୀ ମ୍ୟାଚ ପାଇଁ ଦଳରେ ପରିବର୍ତ୍ତନ ହୋଇପାରେ। ଜେମ୍ସ ଆଣ୍ଡରସନଙ୍କ ଫର୍ମ ଭଲ ନାହିଁ। ତେଣୁ ତାଙ୍କୁ ବିଶ୍ରାମ ଦିଆଯାଇ ସାମ୍‌ କୁରାନ କିମ୍ବା ରବିନସନଙ୍କୁ ସାମିଲ କରାଯାଇପାରେ। ସେହିପରି ଓ୍ବେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟ ପରେ ମାର୍କ ଉଡ୍‌ ଆଉ ଖେଳିବା ସୁଯୋଗ ପାଇ ନାହାନ୍ତି। ଆଗାମୀ ମ୍ୟାଚରେ ସେ ଜୋଫ୍ରା ଆର୍ଚରଙ୍କ ସ୍ଥାନ ନେଇପାରନ୍ତି। ରବିନସନ, କୁରାନ ଓ ଉଡ୍‌ ବୁଧବାର ଦୀର୍ଘସମୟଧରି ଅଭ୍ୟାସ କରୁଥିବା ଦେଖିବାକୁ ମିଳିଥିଲା।


ଇଂଲଣ୍ଡ ଅଧିନାୟକ ଜୋ ରୁଟ୍‌ଙ୍କ ପରି ପାକିସ୍ତାନ ଅଧିନାୟକ ଆଝାର ଅଲୀ ଦକ୍ଷତା ଅନୁସାରେ ଖେଳିପାରି ନାହାନ୍ତି। ସିରିଜକୁ ପ୍ରତ୍ୟାବର୍ତ୍ତନ ପାଇଁ ଆଗାମୀ ଟେଷ୍ଟ ଜିତିବା ଜରୁରୀ ଥିବାରୁ ଭ୍ରମଣକାରୀ ଦଳ ଅଧିନାୟକଙ୍କ ବ୍ୟାଟ୍‌ରୁ ଏକ ବଡ଼ ଇନିଂସ ନିଶ୍ଚିତ ଆଶା କରିବ। ମାଞ୍ଚେଷ୍ଟରର ଓଲ୍ଡ ଟ୍ରାଫୋର୍ଡ ଗ୍ରାଉଣ୍ଡରେ ପାକିସ୍ତାନ ୨ ସ୍ପିନରଙ୍କୁ ନେଇ ଖେଳିଥିଲା। ରୋଜ ବାଓଲରେ ୨ ସ୍ପିନରଙ୍କୁ ନେଇ ପଡ଼ିଆକୁ ଓହ୍ଲାଇବ ନା ଜଣେ ଅତିରିକ୍ତ ବ୍ୟାଟ୍ସମ୍ୟାନଙ୍କୁ ଖେଳାଇବ ତାହା ବିଚାର୍ଯ୍ୟ। ଅତିରିକ୍ତ ବ୍ୟାଟ୍ସମ୍ୟାନ ରଣନୀତି ଅବଲମ୍ବନ କଲେ ଫଓ୍ବଦ ଆଲମ ୧୧ ବର୍ଷ ବ୍ୟବଧାନରେ ପ୍ରଥମ ଟେଷ୍ଟ ଖେଳିବା ସୁଯୋଗ ପାଇବେ। ଫାଷ୍ଟ ବୋଲିଂ ଲାଇନ୍‌ଅପ୍‌ରେ ମଧ୍ୟ ଦଳ ପରିବର୍ତ୍ତନ କରିପାରେ। ଓ୍ବାର୍ମଅପ୍‌ ମ୍ୟାଚରେ ସୋହେଲ ଖାଁ ୨ ଥର ୫ ଉଇକେଟ ସଫଳତା ପାଇଥିଲେ। ଫାହିମ ଅଶ୍ରଫ୍‌ଙ୍କ ରୂପରେ ମଧ୍ୟ ବିକଳ୍ପ ଉପଲବ୍ଧ। ତେଣୁ ଏ କ୍ଷେତ୍ରରେ ଟିମ୍‌ ମ୍ୟାନେଜମେଣ୍ଟ କେଉଁ ପ୍ରକାର ରଣନୀତି ଅବଲମ୍ବନ କରୁଛି ତା ଉପରେ ନଜର ରହିଛି।
ସାଉଥାମ୍ପଟନ ସର୍ଫେସ ଚଳିତ ସିଜନରେ ସ୍ଲୋ ରହୁଥିବାରୁ ବ୍ୟାଟିଂ ପାଇଁ ସହଜ ହେଉନାହିଁ। ଗତ ଓ୍ବେଷ୍ଟଇଣ୍ଡିଜ ବିପକ୍ଷ ପ୍ରଥମ କ୍ରିକେଟ ଟେଷ୍ଟର ପ୍ରଥମ ଇନିଂସରୁ ହିଁ ଏହା ପ୍ରତୀୟମାନ ହୋଇଥିଲା। ଏହି ଟେଷ୍ଟ ଅବସରରେ ପାଗ ଖରାପ ରହିବା ପୂର୍ବାନୁମାନ କରାଯାଉଛି। ଘଡ଼ଘଡ଼ି ବିଜୁଳି ସହ ଦ୍ୱିତୀୟ ଏବଂ ତୃତୀୟ ଦିବସରେ ବର୍ଷା ହେବାର ସମ୍ଭାବନା ରହିଛି। ଫଳରେ ତାପମାତ୍ରା କମିବ ଏବଂ ଖେଳିବା ସହଜ ହେବନାହିଁ।
ସମ୍ଭାବ୍ୟ ଇଂଲଣ୍ଡ ଦଳ: ଜୋ ରୁଟ୍‌(ଅଧିନାୟକ), ରୋରି ବନର୍‌ସ, ଡୋମିନିକ୍‌ ସିବ୍‌ଲେ, ଜ୍ୟାକ୍‌ କ୍ରଲି, ଓଲି ପୋପ୍‌, ଜେସ୍‌ ବଟଲର, କ୍ରିସ୍‌ ଓ୍ବକ୍ସ, ଡୋମିନିକ୍‌ ବେସ୍‌, ମାର୍କ ଉଡ୍‌, ଷ୍ଟୁଆର୍ଟ ବ୍ରଡ୍‌, ସାମ୍‌ କୁରାନ।
ସମ୍ଭାବ୍ୟ ପାକିସ୍ତାନ ଦଳ: ଆଝାର ଅଲୀ(ଅଧିନାୟକ), ଶାନ ମାସୁଦ, ଆବିଦ ଅଲୀ, ବାବର ଆଜମ, ଅସଦ ସଫିକ୍‌, ଫଓ୍ବତ ଆଲମ, ମହମ୍ମଦ ରିଜଓ୍ବାନ, ୟାସିର ଶାହା, ମହମ୍ମଦ ଆବାସ, ଶାହିନ ଶାହ ଆଫ୍ରିଦୀ, ନଇମ ଶାହା।
ଖେଳ ଆରମ୍ଭ: ଅପରାହ୍ନ ୩ଟା ୩୦
ପ୍ରସାରଣ: ସୋନି ସିକ୍ସ


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ରାଜ୍ୟଗୋଷ୍ଠୀ ଟିଟି: ଅନଲାଇନରେ ଟିକେଟ ବିକ୍ରି ଆରମ୍ଭ

କଟକ ଅଫିସ,୧୨ା୭-ଆସନ୍ତା ୧୭ରୁ ଜବାହାରଲାଲ ନେହେରୁ ଇନଡୋର ଷ୍ଟାଡିୟମରେ ହେବାକୁ ଥିବା ଟେବୁଲ ଟେନିସ ରାଜ୍ୟଗୋଷ୍ଠୀ କ୍ରୀଡ଼ାର ୨୧ତମ ସଂସ୍କରଣ ପାଇଁ ଅନଲାଇନ ଟିକେଟ ବିକ୍ରି...

‌ବିଦେଶରେ ରହିଛି ଏହି ଭାରତୀୟ କ୍ରିକେଟରଙ୍କ ନାଁରେ ରାସ୍ତା

ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର, ଅଧିନାୟକ ବିରାଟ କୋହଲି ଏବଂ ୧୯୮୩ ବିଶ୍ୱକପ୍‌ ବିଜେତା ଅଧିନାୟକ କପିଲ ଦେବ ନାଁରେ ବିଦେଶରେ ରାସ୍ତା ରହିଛି। ଅଷ୍ଟ୍ରେଲିଆର ପଶ୍ଚିମ...

କେକେଆର୍‌ର ବିଜୟ ପରେ ଶାହାରୁଖ ଲେଖିଲେ ଏମିତି

ମୁମ୍ବାଇ,୭।୪: ଆଇପିଏଲ୍‌ ୨୦୨୨ରେ ବୁଧବାର ଖେଳାଯାଇଥିବା ମ୍ୟାଚକୁ କୋଲକାତା ନାଇଟ୍‌ ରାଇଡର୍ସ(କେକେଆର୍‌) ୫ ଉଇକେଟରେ ଜିତି ନେଇଛି। ଲଢ଼ୁଆ ବ୍ୟାଟିଂ ଯୋଗୁ ଦଳ ମୁମ୍ବାଇ ଇଣ୍ଡିଆନ୍ସଠାରୁ...

ପ୍ରଥମ ଟେଷ୍ଟ:ଫଲୋଅନ ଏଡ଼ାଇଲା ପାକିସ୍ତାନ

ମାଉଣ୍ଟ ମାଉଗାନୁଇ,୨୯।୧୨(ଏପି): ଟପ୍‌ ଅର୍ଡର ବ୍ୟାଟ୍ସମ୍ୟାନଙ୍କ ବିଫଳତା ପରେ ନୂଆ ଟେଷ୍ଟ ଅଧିନାୟକ ମହମ୍ମଦ ରିଜ୍‌ଓ୍ବାନ ଓ ଫହିମ ଆଶ୍ରଫ ଲଢୁଆ ବ୍ୟାଟିଂ କରି ଘରୋଇ...

ପ୍ରେମରେ ଉବୁଟୁବୁ ଏହି କ୍ରିକେଟର୍‌: ଗର୍ଲଫ୍ରେଣ୍ଡଙ୍କ ସହ କଲେ ପାର୍ଟି

ଭାରତୀୟ କ୍ରିକେଟରମାନେ ବଲିଉଡ ସୁନ୍ଦରୀଙ୍କ ପ୍ରେମରେ ପଡ଼ିବା କିଛି ନୂଆ କଥା ନୁହେଁ। ପୂର୍ବରୁ ଅନେକ କ୍ରିକେଟର ବଲିଉଡ ଅଭିନେତ୍ରୀଙ୍କୁ ଭଲ ପାଇ ବିବାହ କରିଛନ୍ତି।...

୮୪ ବଲ୍‌ରେ ଫାଇନାଲ୍‌ ଆଭିମୁଖ୍ୟ ବଦଳାଇଦେଲା ନ୍ୟୁଜିଲାଣ୍ଡ

ସାଉଥମ୍ପଟନ,୨୧।୬: ବିଶ୍ୱ ଟେଷ୍ଟ ଚାମ୍ପିଅନସିପ୍‌ର ଫାଇନାଲରେ ନ୍ୟୁଜିଲାଣ୍ଡ ନିଜର ଆଭିମୁଖ୍ୟକୁ କଡାକଡି କରିଛି। ମ୍ୟାଚର ତୃତୀୟ ଦିନରେ ଦଳ ୮୪ ଟି ବଲରେ ୩୬ ରନ...

ଦିନିକିଆରୁ ଅବସର ନେଇ ପାରନ୍ତି ଧୋନୀ: ଶାସ୍ତ୍ରୀ

ନୂଆଦିଲ୍ଲୀ, ୯।୧- ଭାରତୀୟ କ୍ରିକେଟ୍‌ ଦଳର ବରିଷ୍ଠ ଖେଳାଳି ମହେନ୍ଦ୍ର ସିଂ ଧୋନୀଙ୍କ ଭବିଷ୍ୟତ କ୍ୟାରିୟରକୁ ନେଇ ନାନା ଆଲୋଚନା ଚାଲିଛି। ଗତବର୍ଷ ଇଂଲଣ୍ଡରେ ଅନୁଷ୍ଠିତ...

ଆଇସିସି ଟି୨୦: କୋହଲି, ରୋହିତଙ୍କ ର଼୍ୟାଙ୍କିଙ୍ଗ୍‌ରେ ଉନ୍ନତି

ଦୁବାଇ, ୨୫।୩(ପି.ଟି.)- ବୁଧବାର ପ୍ରକାଶିତ ଆଇସିସି ଟି୨୦ ର଼୍ୟାଙ୍କିଙ୍ଗ୍‌ରେ ଟିମ୍‌ ଇଣ୍ଡିଆ ଅଧିନାୟକ ବିରାଟ କୋହଲି ଓ ଉପ ଅଧିନାୟକ ରୋହିତ ଶର୍ମାଙ୍କ ଉନ୍ନତି ହୋଇଛି।...

Advertisement
Archives

Model This Week