ସୋସିଆଲ ମିଡିଆରେ ପ୍ରତିଦିନ ବିଭିନ୍ନ ପ୍ରକାରର ଭିଡିଓ ଭାଇରାଲ ହୋଇଥାଏ। କିନ୍ତୁ ଏହି ଭିଡିଓଗୁଡ଼ିକ ମଧ୍ୟରୁ କେତେକ ଏପରି ହୋଇଥାଏ ଯାହାକୁ ଲୋକେ ବହୁତ ପସନ୍ଦ କରିଥାନ୍ତି। ଏମିତି ଭିଡିଓକୁ ଲୋକେ ବାରମ୍ବାର ଦେଖିଥାନ୍ତି। ଅଧିକାଂଶ ଲୋକ ବନ୍ୟଜନ୍ତୁ କିମ୍ବା ଗୃହପାଳିତ ପଶୁ ସହିତ ଜଡ଼ିତ ଭିଡିଓ ଦେଖିବାକୁ ପସନ୍ଦ କରନ୍ତି। ବିଶେଷକରି ହାତୀ ବିରାଟକାୟ ଜନ୍ତୁ। ଏହି ସମୟରେ ଏକ ଛୋଟ ଝିଅ ସହିତ ହାତୀର ସୁନ୍ଦର ଭିଡିଓ ଭାଇରାଲ ହେଉଛି।
Who did better? 😅 pic.twitter.com/ku6XRTTSal
— Dipanshu Kabra (@ipskabra) September 17, 2022
ପୃଥିବୀର ବୃହତ୍ତମ ପ୍ରାଣୀମାନଙ୍କ ମଧ୍ୟରେ ହାତୀ ଅନ୍ୟତମ। ଯାହାର ଓଜନ ୩ କ୍ୱିଣ୍ଟାଲରୁ ୧୦ କ୍ୱିଣ୍ଟାଲ ପର୍ଯ୍ୟନ୍ତ ହୋଇଥାଏ। ଭାଇରାଲ ହେଉଥିବା ଭିଡିଓରେ ଛୋଟ ଝିଅର ଡ୍ୟାନ୍ସ ଷ୍ଟେପ୍ ଦେଖିବା ପରେ ଏତେ ଖୁସି ଦେଖାଯାଏ ଯେ ସେ ନିଜେ ମଧ୍ୟ ସେହିଭଳି ନାଚିବାକୁ ଚେଷ୍ଟା କରୁଛି। ଲୋକମାନେ ଏହି ସୁନ୍ଦର ଭିଡିଓକୁ ବହୁତ ପସନ୍ଦ କରିଛନ୍ତି।
ଭିଡିଓରେ ଛୋଟ ଝିଅଟି ପ୍ରାଣୀ ଉଦ୍ୟାନ ବୁଲିବାକୁ ଆସିଛି। ତା’ ସାମ୍ନାରେ ଏକ ହାତୀ ଠିଆ ହୋଇଛି। ଝିଅଟି ହାତୀ ସାମ୍ନାରେ ଡ୍ୟାନ୍ସର କିଛି ଷ୍ଟେପ୍ ଦେଖାଉଛି। ହାତୀଟି ଝିଅଟିର ଷ୍ଟେପ୍ ଦେଖି ସେପରି କରୁଛି। ଯାହା ଖୁବ୍ ଚମତ୍କାର ଢଙ୍ଗରେ। ହାତୀଟି ତା’ ବଡ଼ବଡ଼ କାନ ହଲାଉଛି। କୁନିଝିଅଟି ଏହା ଦେଖି ଖୁସି ହେଉଛି। ଉଭୟଙ୍କ ଗତିବିଧି ଦେଖି ସେଠାରେ ଉପସ୍ଥିତ ଥିବା ଲୋକମାନେ ମଧ୍ୟ ଖୁସି ହେଉଛନ୍ତି।
ଭିଡିଓକୁ ଆଇପିଏସ୍ ଦୀପାଂଶୁ କାବ୍ରା ତାଙ୍କ ଟୁଇଟରରେ ଶେୟାର କରି ଏକ ମଜାଳିଆ କ୍ୟାପଶନ ଲେଖିଛନ୍ତି, କିଏ ଭଲ ନାଚିଲା? ଭିଡିଓକୁ ବର୍ତ୍ତମାନ ସୁଦ୍ଧା ୩୪ ହଜାରରୁ ଅଧିକ ଥର ଦେଖାଯାଇଥିବା ବେଳେ ୧୫୦୦ରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି। ଲୋକମାନେ ଏହା ଉପରେ ମଧ୍ୟ ମନ୍ତବ୍ୟ ଦେଇଛନ୍ତି। କିଛି ଲୋକ କହିଛନ୍ତି, ଏହି ଭିଡିଓ ସେମାନଙ୍କ ମନୋବଳକୁ ସତେଜ କରିଥିବାବେଳେ କିଛି ଲୋକ କହିଛନ୍ତି ଦୁହେଁ ବହୁତ ଭଲ ଡ୍ୟାନ୍ସ କରିଛନ୍ତି।
