ଦାରିଙ୍ଗବାଡି,୨୬।୩(ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ପର୍ଯ୍ୟଟନକ୍ଷେତ୍ରକୁ ବିଶ୍ୱସ୍ତରୀୟ କରାଯିବା ପାଇଁ ପ୍ରଶାସନ ଅଣ୍ଟା ଭିଡିଛି। ଗୋଟିଏ ସପ୍ତାହରେ ପୁଣି ପ୍ରଶାସନ ପକ୍ଷରୁ ଦାରିଙ୍ଗବାଡିକୁ ସ୍ବଚ୍ଛ ଓ ସୁନ୍ଦର କରିବାକୁ ସଫେଇ କରାଯାଇଛି। ଏଥିପାଇଁ ବିଡ଼ିଓ ପ୍ରୀତିରଞ୍ଜନ ରଥ ନିଜେ ଝାଡୁ ଧରି ସଫେଇ କରିବା ସହ ବ୍ୟବସାୟୀ ଓ ସାଧାରଣ ଲୋକଙ୍କୁ ପ୍ଲାଷ୍ଟିକ ବ୍ୟବହାର କରିବାକୁ ନା’ କହିବା ସହ ଦୋକାନ ବାହାରେ ଅଳିଆ ଆବର୍ଜନାକୁ ଡଷ୍ଟବିନରେ ପକାଇବାକୁ ସଚେତନ କରାଇଥିଲେ। ବିଡ଼ିଓ ରଥଙ୍କ ନେତୃତ୍ୱରେ ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ, ବ୍ଲକ କର୍ମଚାରୀ, ଯୁବ ସଂଘ ଏହି ସଫେଇରେ ସାମିଲ ହୋଇଥିଲେ। ଦାରିଙ୍ଗବାଡିର ଚାରିଛକ ଅଞ୍ଚଳରୁ ତିନି ଛକ ପର୍ଯ୍ୟନ୍ତ ଏହି ସଫେଇ କରାଯାଇଛି। ପ୍ରତ୍ୟେକ ଗୁରୁବାର ଏଭଳି ଅଭିଯାନ ଜାରି ରହିବ ବୋଲି ବିଡ଼ିଓ କହିଛନ୍ତି।
Dharitri – Odisha’s No.1 Odia Daily
