ନୂଆଦିଲ୍ଲୀ,୩୦।୮:ମହାମାରୀ ସମୟରେ ସହରାଞ୍ଚଳଗୁଡିକରେ ଇ-କମର୍ସ କମ୍ପାନୀଗୁଡିକର କାରବାର ବେଶ୍ ଉନ୍ନତ ରହିଥିବା ଜଣାପଡିଛି। ସହରାଞ୍ଚଳରେ ଗତ ୩ ମାସରେ ଇ-କମର୍ସ ଗ୍ରାହକଙ୍କ ସଂଖ୍ୟା ୨ ଗୁଣ ବଢିଛି। ଇ-କମର୍ସର ପ୍ରାୟ ୫୦% ନୂଆ ଗ୍ରାହକ ଟାୟାର ୧ ଏବଂ ୨ ସହରରୁ ଯୋଡ଼ି ହୋଇଥିବା କନ୍ସଲଟିଂ ଫାର୍ମ କାଣ୍ଟର ପକ୍ଷରୁ ସୂଚନା ଦିଆଯାଇଛି। ଗ୍ରାହକଙ୍କ ପାଇଁ ଆମାଜନ ଏବଂ ଗୁଗଲ ଭରସାଯୋଗ୍ୟ ପ୍ଲାଟ୍ଫର୍ମ ହୋଇପାରିଛି। କ୍ରୟ କରିବା ପୂର୍ବରୁ ଲୋକମାନେ ଏହି ପ୍ଲାଟ୍ଫର୍ମ ଉପରେ ବେଶି ନିର୍ଭର କରୁଥିବା ଜଣାପଡିଛି। ମହାମାରୀ ପୂର୍ବରୁ ସହରାଞ୍ଚଳରେ ୨୨% ସକ୍ରିୟ ଗ୍ରାହକ ରହିଥିଲେ। ମାତ୍ର ବର୍ତ୍ତମାନ ଏହା ୪୨%କୁ ବୃଦ୍ଧି ଘଟିଛି। ଲୋକମାନେ ଗ୍ରସେରି , ଘରକରଣା ସାମଗ୍ରୀ, ପର୍ସନାଲ କେୟାର, ବିୟୁଟି ପ୍ରଡକ୍ଟ, ମୋବାଇଲ,ଓ୍ବେରଲେସ ଏବଂ ଆସୋସୋରିଜ ବର୍ଗରେ ବେଶି ସାମଗ୍ରୀ କିଣିଥିବା ନଜରକୁ ଆସିଛି।
