ଲଣ୍ଡନ, ୧୦ା୮(ଏପି): ଟେନିସ ଖେଳାଳି ଆନ୍ଦ୍ରେଜ ମାର୍ଟିନ ଏକ ପ୍ରତିଯୋଗିତା ବେଳେ ହୋଇଥିବା ଡୋପ୍ ଟେଷ୍ଟରେ ବିଫଳ ହେବାରୁ ମଙ୍ଗଳବାର ତାଙ୍କୁ ସସ୍ପେଣ୍ଡ କରାଯାଇଛି। ସ୍ଲୋଭାକିଆର ଏହି ୩୨ ବର୍ଷୀୟ ଖେଳାଳିଙ୍କର ଗତ ଜୁନ୍ରେ ତାଙ୍କ ଦେଶର ଏକ ଦ୍ୱିତୀୟ ପାହ୍ୟା ଟୁର୍ନାମେଣ୍ଟ ବେଳେ ଡୋପ୍ ଟେଷ୍ଟ କରାଯାଇଥିଲା। ତାଙ୍କଠାରୁ ସଂଗ୍ରହ କରାଯାଇଥିବା ସାମ୍ପଲରେ ଏସ୍ଏଆର୍ଏମ୍ ଏସ୍-୨୨ (ଏକ ପ୍ରକାର ସିନ୍ଥେଟିକ୍ ପଦାର୍ଥ) ଠାବ କରାଯାଇଥିଲା, ଯାହାକି ପୁରୁଷ ହରମୋନ ବୃଦ୍ଧିରେ ସହାୟକ ହୋଇଥାଏ। ୨୦୨୦ରେ ମାର୍ଟିନ ତାଙ୍କ କ୍ୟାରିୟରର ଶ୍ରେଷ୍ଠ ର଼୍ୟାଙ୍କିଙ୍ଗ ୯୩ତମ ସ୍ଥାନ ହାସଲ କରିଥିଲେ। ପଜିଟିଭ ଟେଷ୍ଟ ବେଳେ ସେ ୧୯୧ତମ ସ୍ଥାନରେ ରହିଥିଲେ। ତାଙ୍କ କ୍ୟାରିୟରର ବିଜୟ ପରାଜୟ ରେକର୍ଡ ୨୭-୩୮ ରହିଛି। ଚଳିତବର୍ଷ ପ୍ରତିଟି ଗ୍ରାଣ୍ଡସ୍ଲାମ ଟେନିସ ଟୁର୍ନାମେଣ୍ଟର କ୍ୱାଲିଫାଇଂ ରାଉଣ୍ଡରୁ ସେ ବିଦାୟ ନେଇଛନ୍ତି। ମାମଲା ବିଚାରଧୀନ ଥିବାରୁ ଇଣ୍ଟରନ୍ୟାଶନାଲ ଟେନିସ ଇଣ୍ଟିଗ୍ରିଟି ଏଜେନ୍ସି (ଆଇଟିଆଇଏ) ତାଙ୍କୁ ବର୍ତ୍ତମାନ ଇଭେଣ୍ଟରେ ଖେଳିବା ଓ ଉପସ୍ଥିତକୁ ବାରଣ କରିଛି।
