ନୂଆଦିଲ୍ଲୀ,୧୭।୯: ଯଦି ଆପଣ ପ୍ରତିମାସରେ Mutual Fund SIP, ଇନ୍ସୁରାନ୍ସ ପ୍ରିମିୟମ୍, OTT ସବସ୍କ୍ରିପସନ୍ କିମ୍ବା ବିଜୁଳି-ମୋବାଇଲ୍ ବିଲ୍ ପରିଶୋଧ ପାଇଁ UPI AutoPay ବ୍ୟବହାର କରୁଛନ୍ତି, ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ୧୫ ଅକ୍ଟୋବର ୨୦୨୬ ରୁ UPI MDR (Merchant Discount Rate) ସମ୍ବନ୍ଧୀୟ ନୂଆ ନିୟମ ଲାଗୁ ହେବାକୁ ଯାଉଛି। ତେବେ ପ୍ରଥମରୁ ହିଁ ସ୍ପଷ୍ଟ କରିଦେବା ଉଚିତ୍ ଯେ, ସାଧାରଣ ଲୋକଙ୍କର ସବୁ UPI ପେମେଣ୍ଟ ଉପରେ କୌଣସି ଅତିରିକ୍ତ ଚାର୍ଜ ଲାଗିବ ନାହିଁ। ଏହି ନିୟମ ମୁଖ୍ୟତଃ କେତେକ ନିର୍ଦ୍ଦିଷ୍ଟ P2M (Person-to-Merchant) ଟ୍ରାଞ୍ଜାକ୍ସନ୍ ଉପରେ ଲାଗୁ ହେବ।
SIP ଓ AutoPay କରୁଥିବା ଗ୍ରାହକଙ୍କ ଉପରେ ପ୍ରଭାବ:
NPCI ର ନୂଆ ନିୟମ ଅନୁସାରେ, ଯଦି ଆପଣଙ୍କର Mutual Fund SIP, OTT ସବସ୍କ୍ରିପସନ୍ କିମ୍ବା ବିଲ୍ ପେମେଣ୍ଟ ପୂର୍ବରୁ UPI AutoPay କିମ୍ବା UPI Mandate ଜରିଆରେ ହେଉଛି, ତେବେ ଆପଣଙ୍କୁ ଚିନ୍ତା କରିବାର କୌଣସି ଆବଶ୍ୟକତା ନାହିଁ। ଏହିସବୁ ଅଟୋମେଟେଡ୍ ରିକରିଂ (Recurring) ପେମେଣ୍ଟ ଉପରେ ନୂଆ MDR ଚାର୍ଜ ଲାଗୁ ହେବ ନାହିଁ। ଅର୍ଥାତ୍ AutoPay ଟଙ୍କା ₹୨,୦୦୦ ରୁ ଅଧିକ ହୋଇଥିଲେ ମଧ୍ୟ ଆପଣଙ୍କ ଆକାଉଣ୍ଟରୁ କୌଣସି ଅତିରିକ୍ତ ଶୁଳ୍କ କଟାଯିବ ନାହିଁ।
ତେବେ, ଯଦି ଆପଣ ମ୍ୟୁଚୁଆଲ୍ ଫଣ୍ଡରେ ଏକାଥରକେ (One-time) UPI ପେମେଣ୍ଟ କରୁଛନ୍ତି, ତେବେ ତାହା କ୍ୟାପିଟାଲ୍ ମାର୍କେଟ୍ ଟ୍ରାଞ୍ଜାକ୍ସନ୍ ଅଧୀନରେ ଆସିବ। ଏଭଳି କ୍ଷେତ୍ରରେ ୦.୦୨% MDR (ସର୍ବାଧିକ ₹୩୦୦) ଧାର୍ଯ୍ୟ କରାଯାଇଛି।
ଇନ୍ସୁରାନ୍ସ ପ୍ରିମିୟମ୍ ପେମେଣ୍ଟ:
ଇନ୍ସୁରାନ୍ସ ପ୍ରିମିୟମ୍ ପାଇଁ ଭିନ୍ନ ନିୟମ ରହିଛି। ₹୨,୦୦୦ ରୁ ଅଧିକ ଇନ୍ସୁରାନ୍ସ ପେମେଣ୍ଟ ଉପରେ ୦.୪% MDR ବଦଳରେ ₹୫ ର ଫ୍ଲାଟ୍ (Flat) MDR ଲାଗୁ ହେବ। ଉଦାହରଣ ସ୍ୱରୂପ, ଆପଣ ₹୫୦,୦୦୦ ର ଇନ୍ସୁରାନ୍ସ ପ୍ରିମିୟମ୍ ଦେଲେ ମଧ୍ୟ ଆପଣଙ୍କୁ ₹୨୦୦ ର ଚାର୍ଜ ଦେବାକୁ ପଡ଼ିବ ନାହିଁ।
ସାଧାରଣ UPI ଟ୍ରାଞ୍ଜାକ୍ସନ୍ ଓ ଗ୍ରାହକଙ୍କ ସୁରକ୍ଷା:
୧୫ ଅକ୍ଟୋବରରୁ ₹୨,୦୦୦ ରୁ ଅଧିକ ନିର୍ଦ୍ଦିଷ୍ଟ P2M UPI ଟ୍ରାଞ୍ଜାକ୍ସନ୍ ଉପରେ ୦.୪% MDR ଲାଗୁ ହେବ, ଯାହା ₹୭୫,୦୦୦ କିମ୍ବା ତା’ଠାରୁ ଅଧିକ ଟ୍ରାଞ୍ଜାକ୍ସନ୍ ପାଇଁ ସର୍ବାଧିକ ₹୩୦୦ ପର୍ଯ୍ୟନ୍ତ ସୀମିତ ରହିବ। ତେବେ ସରକାର ଓ ନିୟନ୍ତ୍ରକଙ୍କ ସ୍ପଷ୍ଟୀକରଣ ଅନୁଯାୟୀ, MDR ହେଉଛି ମରଚାଣ୍ଟ (ବ୍ୟବସାୟୀ) ପେମେଣ୍ଟ ଇକୋସିଷ୍ଟମର ଏକ ଶୁଳ୍କ। ଏହାକୁ ଗ୍ରାହକଙ୍କ ଉପରେ ସିଧାସଳଖ ଟ୍ରାଞ୍ଜାକ୍ସନ୍ ଫି’ ଭାବେ ଲଦାଯିବ ନାହିଁ।
