ଚମ୍ପୁଆ,୧୮।୧(ଡି.ଏନ.ଏ.) କେନ୍ଦୁଝର ଜିଲା ଚମ୍ପୁଆ ଅନ୍ତର୍ଗତ ରଜିଆ ପଞ୍ଚାୟତ କାର୍ଯ୍ୟାଳୟ ଠାରେ ଖୋଲାଯାଇଥିବା ଧାନମଣ୍ଡି ବନ୍ଦ ହୋଇଯାଇଥିବା ବେଳେ ଚାଷୀଙ୍କ ମଧ୍ୟରେ ଧାନ ବିକ୍ରିକୁ ନେଇ ସନ୍ଦେହ ବଢିବାରେ ଲାଗିଛିି। ଟୋକନ ପାଇ ଚାଷୀ ଧାନ ବିକ୍ରି କରିପାରୁ ନ ଥିବା ତଥା ବିଭାଗ ପକ୍ଷରୁ ଟାର୍ଗେଟ ସରିଯାଇଥିବା ସୂଚନା ପାଇ ଚାଷୀମାନେ ଚମ୍ପୁଆ ଉପଜିଲାପାଳ ପ୍ରତାପ ପ୍ରତିମୟଙ୍କ ଦ୍ୱାରସ୍ଥ ହୋଇଥିବା ଜଣା ଯାଇଛି।
ଅନୁସାରେ ସ୍ଥାନୀୟ ଅଞ୍ଚଳରେ ପ୍ରାୟ ୩୦ରୁ ଉର୍ଦ୍ଧ୍ୱ ଚାଷୀ ଧାନ ବିକ୍ରି ପାଇଁ ଟୋକନ ପାଇଛନ୍ତି। ମାତ୍ର ଗତ ୮ ତାରିଖରୁ ଚମ୍ପୁଆ ଲ୍ୟାମ୍ପ ପକ୍ଷରୁ ଧାନ କିଣାଯାଉଥିବା ଧାନ ମଣ୍ଡି ବନ୍ଦ ହୋଇଯାଇଛି। ହେଲେ ଚାଷୀଙ୍କ ମୋବାଇଲକୁ ଧାନକିଣା ପାଇଁ ଧାର୍ଯ୍ୟ ତାରିଖ ସହ ମେସେଜ ଆସିଯାଇଛି। ତୁରନ୍ତ ଧାନ ମଣ୍ଡି ଖୋଲି ଧାନ କିଣିବାକୁ ଦାବି କରି ଚାଷୀମାନେ ଉପଜିଲାପାଳଙ୍କ ଠାରେ ଲିଖିତ ଅଭିଯୋଗ କରିଛନ୍ତି। ଏସମ୍ପର୍କରେ ଉପଜିଲାପାଳ ପ୍ରିତିମୟଙ୍କୁ ପଚାରିବାରୁ ଏ ବାବଦରେ ଆଲୋଚନା ଚାଲିଛି। ଖୁବଶୀଘ୍ର ସମାଧାନ ହେବ ବୋଲି ସେ କହିଛନ୍ତି।
