ଲୋଇସିଂହା,୮।୮(ସୁଶାନ୍ତ ବାରିକ):ବଲାଙ୍ଗୀର ଜିଲା ଲୋଇସିଂହା ଏନ୍ଏସି ଅଧୀନର ୨ଜଣ ଦିବ୍ୟାଙ୍ଗ ଲୋଇସିଂହା ଢୋଲମହୁଲର କାଳିଆ ବଗର୍ତ୍ତି ଓ ବାଞ୍ଜିପାଲି ଗ୍ରାମର ସେବକ ସାହୁଙ୍କ ଦୃଷ୍ଟିହୀନ ସ୍ତ୍ରୀ ଲୋଇସିଂହା ତହସିଲରୁ ପଲିଥିନ ପାଇବା ପାଇଁ ବାରମ୍ବାର ଯାଇ ନିରାଶ ହେବାକୁ ପଡୁଥିବା ଅଭିଯୋଗ ହୋଇଥିଲା। ଏନେଇ ସାମାଜିକ କର୍ମୀ ସରୋଜ ବିଶ୍ୱାଳ ସାମାଜିକ ଗଣମାଧ୍ୟମ ଜରିଆରେ ପ୍ରଶାସନର ଦୃଷ୍ଟି ଆକର୍ଷଣ କରିବା ସହ ଏସଂକ୍ରାନ୍ତରେ ଗୁରୁବାର ଧରିତ୍ରୀରେ ତହସିଲରୁ ପଲିଥିନ ପାଇବା ପାଇଁ ଦିବ୍ୟାଙ୍ଗ ହଟହଟା ଶୀର୍ଷକ ଏକ ଖବର ପ୍ରକାଶ ପାଇଥିଲା। ଶୁକ୍ରବାର ଲୋଇସିଂହା ଆର୍ଆଇ (ରାଜସ୍ବ ନିରୀକ୍ଷକ)ସୁବ୍ରତ ରଞ୍ଜନ ଭୋଇ ଉଭୟଙ୍କ ଘରକୁ ଯାଇ ପଲିଥିନ ପ୍ରଦାନ କରିଥିବା ଜଣାପଡିଛି।
Dharitri – Odisha’s No.1 Odia Daily
