ପାଟଣା,୨୧।୬( ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ରାଜନଗର ସ୍ଥିତ ପ୍ରାଚୀନ ଦଧିବାମନ ଜିଉ, ମଲ୍ଲୀପଶି, ଟାଙ୍ଗରପଡା ଓ ସରାସକୋଲାସ୍ଥିତ ଚତୁର୍ଦ୍ଧାମୂର୍ତ୍ତିଙ୍କ ଘୋଷଯାତ୍ରା ମଙ୍ଗଳବାର ନୀତିକାନ୍ତିରେ ସମ୍ପନ୍ନ ହୋଇଛି। ଦଧିବାମନ ଜିଉଙ୍କ ରଥରେ ପରୀକ୍ଷା ଦୁର୍ଯ୍ୟୋଧନ ମିଶ୍ର ଛେରା ପହଁରା କରିଥିଲେ। ଦେତ୍ତୋର ବିଭାଗ ପକ୍ଷରୁ ଅତିରିକ୍ତ ତହସିଲଦାର ଶରଣ କୁମାର ଜେନାଙ୍କ ସହ ପଣ୍ଡିତ ପ୍ରଦୀପ କୁମାର ମିଶ୍ର ରଥଯାତ୍ରା ପରିଚାଳନା କରିଥିଲେ। ୨୨ ଜଣ ବିଭିନ୍ନ ନିଯୋଗର ସେବାୟତଙ୍କ ସହଯୋଗରେ ରଥ ମାଉସୀମା ମନ୍ଦିରରେ ପହଞ୍ଚିଛି। ଆଇନ ଶୃଙ୍ଖଳା ରକ୍ଷା ପାଇଁ ୨ସେକ୍ସନ ଫୋର୍ସ ସହ, ପାଟଣା ବିଡ଼ିଓ ଶିବ ଶଙ୍କର ମୁର୍ମୁ, ଚମ୍ପୁଆ ଏସ ଡିପିଓ ରାମରାଇ ମୁର୍ମୁ , ତୁରୁମୁଙ୍ଗା ଥାନାଧିକାରୀ ମଦନ ମୋହନ ନାଏକ, ଥାନା କାର୍ମଚାରୀ ମୁତୟନ ହୋଇଛନ୍ତି। ରଥଯାତ୍ରା ର ଧାରା ବିବରଣୀକୁ ଶିକ୍ଷାବିତ୍ ଅକ୍ଷୟ ନାରାୟଣ ମିଶ୍ର ଓ କୈବଲ୍ୟ ସାହୁ ପ୍ରଦାନ କରିଥିଲେ। ସେହିପରି ମଲ୍ଲୀପଶିିରେ ପାର୍ଥ ସାରଥୀ ବେଜଙ୍କ ତତ୍ୱବାଧାନରେ ରାଜା ରବିନାରାୟଣ ସିଂ ଛେରା ପହଁରା କରିଥିଲେ। ମଲ୍ଲୀପଶିରେ ଶ୍ରୀ ଜୀଉଙ୍କ ଦେବ ନୀତି ସମ୍ପନ୍ନ ହେବା ପରେ ୩ ରଥ ଟଣା ଯାଇଥିଲା। ସୁଭଦ୍ରାଙ୍କ ରଥକୁ କେବଳ ମହିଳାମାନେ ଟାଣି ଥିଲେ। ରାତିି ହୋଇଯିବାରୁ ତିନି ଠାକୁରଙ୍କ ରଥ ଅଧା ବାଟରେ ଅଟିକିଥିଲା। ଆଇନ ଶୃଙ୍ଖଳା ରକ୍ଷା ପାଇଁ ଘଟଗାଁ ଏସ ଡିପିଓ , ପାଟଣା ଥାନାଧିକାରୀ ମନୋରଂଜନ ପ୍ରଧାନ ଗୋଟିଏ ସେକ୍ସନ ଫୋର୍ସ ସହ ଆଇନ ଶୃଙ୍ଗଳା ରକ୍ଷା କରିଥିଲେ। ରାଜନଗରରେ ୧୫ହଜାରରୁ ଉଦ୍ଧର୍ବ ଭକ୍ତଙ୍କ ସମାଗମ ହୋଇଥିବାବେଳେ ମଲ୍ଲୀପଶିରେ ୧୨ ହଜାରରୁ ଉଦ୍ଧର୍ବ ଭକ୍ତଙ୍କ ସମାଗମ ହୋଇଥିଲା। ସେହିଭଳି ସରାସକୋଲା ଓ ଟାଙ୍ଗରପଡାରେ ରଥ ଯାତ୍ରା ଶାନ୍ତି ଶୃଙ୍ଖଳାର ସହ ସମ୍ପନ୍ନ ହୋଇଛି।
