ହାଟଡିହୀ,୨୭ା୫(ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡ ବିଜେଡିର ଦୁଇ ସକ୍ରିୟ ଯୁବ ନେତାଙ୍କୁ ଚାନ୍ଦବାଲି ନିର୍ବାଚନ ସଂଯୋଜକ ଭାବେ ନିଯୁକ୍ତି ମିଳିଛି। ରାଜ୍ୟ ବିଜେଡି ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଏକ ପ୍ରେସ୍ ରିଲିଜ ଜରିଆରେ ମୋଟ୍ ୮ ଜଣଙ୍କୁ ନିଯୁକ୍ତି ଦିଆଯାଇଥିବା ପ୍ରକାଶ କରିଛନ୍ତି।
ସେମାନଙ୍କ ମଧ୍ୟରୁ ୨ ଜଣ ଆନନ୍ଦପୁର ଉପଖଣ୍ଡର ଅଟନ୍ତି। ବିଜେଡି ଯୁବ ନେତା ତଥା କେନ୍ଦୁଝର ସେଣ୍ଟ୍ରାଲ କୋଅପରେଟିଭ୍ ବ୍ୟାଙ୍କ ଡାଇରେକ୍ଟର ଦେବପ୍ରିୟ ପାତ୍ରଙ୍କୁ ଚାନ୍ଦବାଲି ବିଧାନସଭା କ୍ଷେତ୍ରର ନିର୍ବାଚନ ସଂଯୋଜକ ଭାବେ ନିଯୁକ୍ତି ଦିଆଯାଇଛି। ଦେବପ୍ରିୟ ଜଣେ ସକ୍ରିୟ ଯୁବ ନେତା ଭାବେ ବେଶ ଜଣାଶୁଣା। ପୂର୍ବରୁ ସେ ବିଭିନ୍ନ ଜିଲାରେ ଦଳ ତରଫରୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ବହନ କରି ସୂଚାରୁ ରୂପେ କାର୍ଯ୍ୟ କରି ଆସୁଛନ୍ତି। ସେହିପରି ରାକେଶ ରାମଙ୍କୁ ମଧ୍ୟ ଚାନ୍ଦବାଲି ନିର୍ବାଚନ ସଂଯୋଜକ ଭାବେ ନିଯୁକ୍ତି ମିଳିଛି। ରାକେଶ କେନ୍ଦୁଝର ଜିଲା ବିଜୁ ଯୁବ ଜନତା ଦଳ ସଭାପତି ଭାବେ ଏବେ କାର୍ଯ୍ୟ କରୁଛନ୍ତି।
