ଜୟପୁର,୬।୧୨: ଗୁଜରାଟ ପୋଲିସ ତୃଣମୂଳ କଂଗ୍ରେସର ଜାତୀୟ ମୁଖପାତ୍ର ତଥା ମମତା ବାନାର୍ଜୀଙ୍କ ନିକଟ ସାକେଟ ଗୋଖଲେଙ୍କୁ ଗିରଫ କରିଛି। ଗିରଫ ସମ୍ପର୍କରେ ସୂଚନା ଟିଏମସି ନେତା ତଥା ରାଜ୍ୟ ସଭା ଏମ୍ପି ଡେରେକ ଓ’ବ୍ରାଇନ ଦେଇଛନ୍ତି। ସେ କହିଛନ୍ତି, ସାକେଟ ଗୋଖଲେ ସୋମବାର ରାତି ୯ ଟାରେ ନୂଆଦିଲ୍ଲୀରୁ ଜୟପୁର ଅଭିମୁଖେ ଯାତ୍ରା କରିଥିଲେ। ସେ ଜୟପୁରରେ ଅବତରଣ କରିବା ମାତ୍ରେ ଗୁଜରାଟ ପୋଲିସ ତାଙ୍କୁ ଜୟପୁର ବିମାନବନ୍ଦରରୁ ଉଠାଇ ନେଇଥିଲା। ମଙ୍ଗଳବାର ଅପରାହ୍ନ ୨ଟାରେ ସାକେଟ ଗୋଖଲେ ତାଙ୍କ ମା’ଙ୍କୁ ଫେଶନ କରି ପୋଲିସ ତାଙ୍କୁ ଅହମ୍ମଦାବାଦକୁ ନେଉଥିବାର କହିଥିଲେ। ପୋଲିସ ତାଙ୍କୁ ଦୁଇ ମିନିଟର ଫୋନ କଲ କରିବାକୁ ଦେଇଥିଲା। ତା’ପରେ ଫୋନ ଜବତ କରାଯାଇଛି।
ମୋରବି ବ୍ରିଜ ଭୁଶୁଡ଼ିବା ଉପରେ ସାକେଟଙ୍କ ଟୁଇଟ୍କୁ ନେଇ ଅହମ୍ମଦାବାଦ ସାଇବର ସେଲ ସହ ମିଳିତ ଭାବେ ଏକ ମାମଲା ରୁଜୁ ହୋଇଥିଲା। ଗୋଖଲେ ଆରଟିଆଇ ମାଧ୍ୟମରେ ଦାବି କରିଥିଲେ, ମୋରବି ଗସ୍ତ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ବାଗତ, ଇଭେଣ୍ଟ ପରିଚାଳନା ଏବଂ ଫଟୋଗ୍ରାଫି ପାଇଁ ୫.୫କୋଟି ଟଙ୍କା ଖର୍ଚ୍ଚ ହୋଇଛି। ସରକାର ଏହି ଦୁର୍ଘଟଣାରେ ପ୍ରାଣ ହରାଇଥିବା ୧୩୫ ଜଣଙ୍କ ପରିବାରକୁ ମାତ୍ର ଚାରି ଲକ୍ଷ କ୍ଷତିପୂରଣ ପ୍ରଦାନ କରିଥିବାବେଳେ ଏହା ମୋଟ ପାଞ୍ଚ କୋଟି ଅଟେ। ପ୍ରଧାନମନ୍ତ୍ରୀସ୍ଙ୍କ ଇଭେଣ୍ଟ ପରିଚାଳନା ଖର୍ଚ୍ଚ ୧୩୫ ଜଣଙ୍କ ପରିବାରକୁ ଦିଆଯାଇଥିବା କ୍ଷତିପୂରଣଠାରୁ ଅଧିକ ଅଟେ।
ଡେରେକ କହିଛନ୍ତି, ଏସବୁ ତୃଣମୂଳ କଂଗ୍ରେସ ଏବଂ ବିରୋଧୀଙ୍କୁ ଚୁପ୍ ରହିବାକୁ ଦେବ ନାହିଁ। ଭାରତୀୟ ଜନତା ପାର୍ଟି ରାଜନୈତିକ ପ୍ରତିଶୋଧକୁ ଅନ୍ୟ ସ୍ତରକୁ ନେଇଯାଉଛି।
