ଅଭାବୀ ସଂସାରର ଚାହିଦା ମେଣ୍ଟାଉଛି ପାଣି ସାରୁ

ମହାକାଳପଡ଼ା,୧୮ା୬(ଡି.ଏନ.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର ବହୁ ଅଭାବୀ ଲୋକମାନଙ୍କର ଚାହିଦା ମେଣ୍ଟାଉଛି ପାଣି ସାରୁ। ଏହି ସାରୁକୁ ଅଭାବୀ ଶ୍ରେଣୀର ଲୋକେ ମୁଖ୍ୟ ଖାଦ୍ୟ ରୂପେ ଗ୍ରହଣ କରିଥାନ୍ତି। ଏହି ପାଣି ସାରୁକୁ ସ୍ଥାନୀୟ ବ୍ୟବସାୟୀମାନେ ନିକଟ ପାରାଦୀପ ଅଞ୍ଚଳର ଅଠରବାଙ୍କୀ, ଘନଗଳିଆ, ସାର କାରଖାନା ନିକଟ ମହାନଦୀ ପାର୍ଶ୍ୱ ବଣବୁଦାରୁ ସଂଗ୍ରହ କରନ୍ତି। ସେହିପରି ବ୍ଲକର ଲୁଣା, ଗୋବରୀ, ରାମଚଣ୍ଡୀ ଗଳିଆ ନଦୀପାର୍ଶ୍ୱ ବଣବୁଦା ମୂଳେ ଏହି ସାରୁ ମିଳେ। ଏହି ସାରୁଗୁଡ଼ିକ କାଠଗଣ୍ଡି ଭଳି ଦେଖିବାକୁ ମୋଟା। ଏହାର ଫୁଲ ଖୁବ୍‌ ସ୍ବାଦିଷ୍ଠ। ଆମିଷ, ନିରାମିଷ ଆଦି ଖାଦ୍ୟ ପ୍ରସ୍ତୁତିରେ ମୁଖ୍ୟ ଭୂମିକା ତୁଲାଇଥାଏ। ଏଥିରେ ପ୍ରଚୁର ପରିମାଣରେ ଜୀବସାର ରହିଥିବାରୁ ଭିଟାମିନ ଅଭାବ ପୂରଣ କରିଥାଏ। ବ୍ୟବସାୟୀମାନେ ଏହି ପାଣି ସାରୁକୁ କିଲୋ ପ୍ରତି ୩୦ରୁ ୪୦ ଟଙ୍କାରେ ବିକ୍ରି କରିଥାନ୍ତି। ବ୍ଲକର ବଙ୍ଗୀୟ ଅଧ୍ୟୁଷିତ ଅଞ୍ଚଳର ରାମନଗର, ଖରିନାସୀ, ଜମ୍ବୁ, ବେଣାକନ୍ଧା, ଜଗରୀ ଜୋର, ତନ୍ତିଆପାଳ, ବତିଘର ଖୋଳା ହାଟ ଆଦିରେ ବହୁଳ ଭାବେ ବିକ୍ରୟ ହୋଇଥାଏ। ବିଶେଷକରି ଅଭାବୀ ଶ୍ରେଣୀର ଶ୍ରମିକମାନେ ଅଧିକ ପରିମାଣରେ କିଣ କିଣି କରିଥାନ୍ତି। ବର୍ଷା ଋତୁକୁ ଛାଡ଼ିଦେଲେ ଅବଶିଷ୍ଟ ସବୁ ଋତୁମାନଙ୍କରେ ଏହା ଉପଲବ୍ଧ ହୋଇଥାଏ। ଏହି ଗଛର ପତ୍ର, କାଣ୍ଡ, ଫୁଲ ବିଭିନ୍ନ ବ୍ୟଞ୍ଜନରେ ବ୍ୟବହାର କରାଯାଏ। ତେବେ ଏହି ଅଞ୍ଚଳର ବାଲିଆ, ଦୋରସା, ପଟୁ ମିଶ୍ରିତ ପଙ୍କୁଆ ମାଟିର ଉର୍ବରତାରେ ଖୁବ୍‌କମ୍‌ ଦିନରେ ଗଛଟି ହୃଷ୍ଟପୁଷ୍ଟ ହୋଇ ବିକ୍ରି ଉପଯୋଗୀ ହୋଇଥାଏ। ସ୍ଥାନୀୟ ଭାଷାରେ ଏହାକୁ କଚୁ ବୋଲି କୁହାଯାଇଥାଏ। ଏହି ପାଣି ସାରୁ ପ୍ରତି ଆଗ୍ରହ ପ୍ରକାଶ କରି ସ୍ଥାନୀୟ ବଙ୍ଗୀୟ ଅଧ୍ୟୁଷିତ ଅଞ୍ଚଳର ଚାଷୀମାନେ ନିଜ ବାଡି ବଗିଚା ପୋଖରୀ ହୁଡାରେ ଚାଷ କରିବା ଆରମ୍ଭ କଲେଣି। ଉଦ୍ୟାନ ବିଭାଗ ପକ୍ଷରୁ ଉପଯୁକ୍ତ ତାଲିମ, ଚାଷ ପ୍ରତି ପ୍ରୋତ୍ସାହନ ରାଶି ଯୋଗାଇ ଦେବାର ବ୍ୟବସ୍ଥା କରାଗଲେ ସ୍ଥାନୀୟ ଚାଷୀମାନେ ଆତ୍ମନିର୍ଭରଶୀଳ ହେବା ସହ ଅନେକ ଯୁବତୀଯୁବକ ସିଧାସଳଖ ଲାଭ ଉଠାଇ ପାରିବେ। ଏହି ପାଣି ସାରୁ ଚାଷ ପାଇଁ ଆମ ଅଞ୍ଚଳର ଜଳବାୟୁ ବେଶ୍‌ ଅନୁକୂଳ ବୋଲି ସାମାଜିକ କର୍ମୀ ସୁବାସ ଚନ୍ଦ୍ର ସ୍ବାଇଁ କହିଛନ୍ତି। ଏହି ପାଣି ସାରୁ ଅଧିକ ମାତ୍ରାରେ କୋଲକାତା, କାନ୍ଥି ଆଦି ସ୍ଥାନକୁ ଚାଲାଣ କରାଯାଉଛି ବୋଲି ସ୍ଥାନୀୟ ବ୍ୟବସାୟୀ କହିଛନ୍ତି। ସେଠାରେ କିଲୋ ପ୍ରତି ୧୦୦ଟଙ୍କାରୁ ଅଧିକ ମୂଲ୍ୟରେ ବିକ୍ରି ହେଉଛି ବୋଲି ଜଣେ ବ୍ୟବସାୟୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri