ନୂଆଦିଲ୍ଲୀ,୨୬।୨: ଦିଲ୍ଲୀର ମଦ ଦୁର୍ନୀତି ମାମଲାରେ ଦୀର୍ଘ ୮ ଘଣ୍ଟାର ପଚରାଉଚରା ପରେ ସିବିଆଇ ମନୀଷ ସିସୋଡିଆଙ୍କୁ ଗିରଫ କରିଛି। ସିସୋଡିଆ ରବିବାର ଏକ୍ସାଇଜ ପଲିସି ସ୍କାମରେ ସିବିଆଇ ଯାଞ୍ଚରେ ଯୋଗ ଦେଇଥିଲେ। ସେ ସକାଳ ୧୧.୧୦ରେ ସିବିଆଇ ମୁଖ୍ୟାଳୟରେ ପହଞ୍ଚିଥିଲେ। ଯାଞ୍ଚରେ ଯୋଗଦେବା ପୂର୍ବରୁ ସେ ଅନ୍ୟ ଦଳର ନେତା ସଞ୍ଜୟ ସିଂ ଏବଂ ସୌରଭ ଭରଦ୍ୱାଜଙ୍କ ସହ ପୂଜାପାଠ କରିବା ପାଇଁ ରାଜଘାଟକୁ ଯାଇଥିଲେ।
ଏହାପୂର୍ବରୁ ସିସୋଡିଆ ହିନ୍ଦୀରେ ଟୁଇଟ କରି ଆଜି ସିବିଆଇ ମୁଖ୍ୟାଳୟକୁ ଯାଇ ମୁଁ ତଦନ୍ତରେ ସମ୍ପୂର୍ଣ୍ଣ ସହଯୋଗ କରିବି। ଲକ୍ଷ ଲକ୍ଷ ପିଲାଙ୍କ ପ୍ରେମ ଏବଂ କୋଟି କୋଟି ଦେଶବାସୀଙ୍କ ଆଶୀର୍ବାଦ ଆମ ସହିତ ଅଛି। ମୋତେ କିଛି ମାସ ଜେଲରେ ରହିବାକୁ ପଡିଲେ ମୋତେ ଫରକ ପଡିବ ନାହିଁ। ମୁଁ ଦେଶ ପାଇଁ ଫାଶୀ ଖୁଣ୍ଟରେ ଝୁଲିଥିବା ଭଗତ ସିଂଙ୍କ ଅନୁଗାମୀ। ଏଭଳି ମିଥ୍ୟା ଅଭିଯୋଗ ହେତୁ ଜେଲ ଯିବା ଏକ ଛୋଟ କଥା।
ସିସୋଡିଆଙ୍କୁ ପୂର୍ବରୁ ଫେବୃଆରୀ ୧୯ରେ ସିବିଆଇରେ ହାଜର ହେବାକୁ କୁହାଯାଇଥିଲା, କିନ୍ତୁ ସେ ଏହି ଯାଞ୍ଚରେ ଯୋଗ ଦେଇ ନ ଥିଲେ ଏବଂ ବଜେଟ୍ ପାଇଁ ଏକ ସପ୍ତାହ ସମୟ ମାଗିଥିଲେ। ସିବିଆଇ ତାଙ୍କ ଅନୁରୋଧକୁ ଗ୍ରହଣ କରି ଯାଞ୍ଚରେ ଯୋଗଦେବା ପାଇଁ ଫେବୃଆରୀ ୨୬ରେ ତାଙ୍କୁ ଦ୍ୱିତୀୟ ନୋଟିସ ଜାରି କରିଥିଲା।
