ମାର୍କଣ୍ଡପୁର ପ୍ୟାକ୍ସରେ ଋଣ ଜାଲିଆତି

ଯାଜପୁର ଅଫିସ,୨୮।୧୦: ଯାଜପୁର ଜିଲାର ବହୁ ଚର୍ଚ୍ଚିତ ମାର୍କଣ୍ଡପୁର ପ୍ରାଥମିକ ସେବା ସମବାୟ ସମିତି(ପ୍ୟାକ୍ସ)ରେ ପୁଣି ଏକ ଦୁର୍ନୀତିର ତଦନ୍ତ ନିର୍ଦ୍ଦେଶ ହୋଇଛି। ଏହି ପ୍ୟାକ୍ସର ସମ୍ପାଦକ ଚାଷୀଙ୍କ ଋଣ ପାସ୍‌ବୁକ୍‌ଗୁଡ଼ିକୁ ବେଆଇନ ଭାବେ ନିଜ ପାଖରେ ରଖି ଦେଣନେଣରେ ଜାଲିଆତି କରିଥିବା ଅଭିଯୋଗ ଉପରେ ଏଭଳି ପଦକ୍ଷେପ ନିଆଯାଇଛି। ଏହି ପ୍ରକ୍ରିୟାରେ ଲକ୍ଷାଧିକ ଟଙ୍କା ଆତ୍ମସାତ୍‌ କରାଯାଇଥିବା ଅଭିଯୋଗ ହୋଇଛି। ଏହିକ୍ରମରେ ରାଜ୍ୟ ସେବା ସମବାୟ ସମିତି(କ୍ରେଡିଟ)ର ଉପନିବନ୍ଧକ ୨୬ା୧୦ା୨୦୨୧ରେ କଟକ ଡେପୁଟି ରେଜିଷ୍ଟର ଅଫ୍‌ କୋପରେଟିଭ ସୋସାଇଟି(ଡିଆର୍‌ସିଏସ୍‌)ଙ୍କୁ ତଦନ୍ତ ନିର୍ଦ୍ଦେଶ ଦେଇଛନ୍ତି। ତଦନ୍ତ ଅନୁଯାୟୀ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପରେ ବିଭାଗୀୟ ନିର୍ଦ୍ଦେଶାଳୟକୁ ଜଣାଇବାକୁ ଉକ୍ତ ନିର୍ଦ୍ଦେଶ ପତ୍ରରେ ଦର୍ଶାଯାଇଛି। ଗତ ୩ ବର୍ଷ ମଧ୍ୟରେ ଏହି ପାକ୍ସରେ ଏହା ଦ୍ୱିତୀୟ ବଡ ହରିଲୁଟ ବୋଲି ସାଧାରଣରେ ଚର୍ଚ୍ଚା ହେଉଛି।
ଅଭିଯୋଗ ଅନୁସାରେ ମାର୍କଣ୍ଡପୁର ପାକ୍ସର ଚାଷୀ ଅଜୟ କୁମାର ମୁଦୁଲି ୨୦୦୯ରେ ଖରିଫ ଚାଷ ପାଇଁ ୧୩ ହଜାର ଟଙ୍କା ଋଣ ନେଇଥିଲେ। ସେ ବିଭିନ୍ନ ସମସ୍ୟା କାରଣରୁ ଋଣ ସୁଝି ପାରି ନ ଥିଲେ। ମୂଳ ଟଙ୍କା ସୁଧ ସହ ବଢ଼ି ୧୭,୫୦୦ ଟଙ୍କା ହୋଇଥିଲା। ତେବେ ସମ୍ପାଦକଙ୍କ କହିବା ଅନୁସାରେ ତାଙ୍କୁ ଗତ ୨ା୯ା୨୦୨୦ରେ ଚାଷୀ ଅଜୟ ସମସ୍ତ ଟଙ୍କା ପରିଶୋଧ କରିଥିଲେ। କିନ୍ତୁ ସମ୍ପାଦକ ଋଣ ପରିଶୋଧର ରସିଦ ନ ଦେଇ ତାଙ୍କ ପାସ୍‌ବୁକ୍‌(ନଂ.୨୬୫୫୦)ରେ ୩୦ା୬ା୨୦୧୮ ତାରିଖରେ ମୂଳ ୧୩ ହଜାର ଓ ସୁଧ ବାବଦକୁ ୪୫୦୦ ଟଙ୍କା ଲେଖି ଦେଇଥିଲେ। ଏନେଇ ଚାଷୀ ଅଜୟଙ୍କ ମନରେ ସନ୍ଦେହ ହେବାରୁ ବାରମ୍ବାର ରସିଦ୍‌ ମାଗିବା ସତ୍ତ୍ବେ ସମ୍ପାଦକ ଦେଇ ନ ଥିଲେ। ଏହାବାଦ୍‌ ଉକ୍ତ ପାସ୍‌ବୁକ୍‌ରେ ନୂତନ ଖରିଫ୍‌ ଋଣ ୨୯ା୯ା୨୦୨୦ରେ ଉଠାଣ ହୋଇଥିବା ଲିପିବଦ୍ଧ କରିଥିଲେ। ଋଣ ଟଙ୍କା ଉଠାଣ କରିବା ପାଇଁ ଟଙ୍କା ଉଠାଣ ଫର୍ମରେ ଦସ୍ତଖତ ମଧ୍ୟ କରାଇଥିଲେ। କିଛିଦିନ ପରେ ଉଠାଣ ହୋଇଥିବା ଋଣରୁ ଚାଷୀ ଅଜୟଙ୍କୁ ମାତ୍ର ୧୦ ହଜାର ଟଙ୍କା ଦେଇଥିଲେ। ଏନେଇ ସନ୍ଦେହ ହେବାରୁ ସେ ବ୍ୟାଙ୍କ୍‌କୁ ଯାଇ ଜାଣିବାକୁ ପାଇଥିଲେ ଯେ, ତାଙ୍କ ନାମରେ ୨୧,୬୦୦ ଟଙ୍କା ଉଠାଣ ହୋଇଛି। ଏ ସଂକ୍ରାନ୍ତରେ ସେ ସମ୍ପାଦକଙ୍କୁ ପଚାରିବାରୁ ବାକି ଟଙ୍କା ପରିଶୋଧ କରିବି ଏବଂ ଅଡିଟ୍‌ ସରିଲେ ପୁରୁଣା ରସିଦ୍‌ ଏବଂ ଋଣ ପାସ୍‌ବୁକ୍‌ ଫେରସ୍ତ କରିବି ବୋଲି କହିଥିଲେ। କିନ୍ତୁ ୧ ବର୍ଷ ଅତିକ୍ରାନ୍ତ ହୋଇ ସାରିଥିଲେ ହେଁ ସେ ରସିଦ୍‌ କିମ୍ବା ପାସ୍‌ବୁକ୍‌ ଫେରସ୍ତ କରି ନ ଥିଲେ। ବରଂ ଏକ ନୂତନ ପାସ୍‌ବୁକ୍‌ ଦେଇଥିଲେ, ଯେଉଁଥିରେ ବ୍ୟାଙ୍କ ସୁପରଭାଇଜରଙ୍କ ଦସ୍ତଖତ ନ ଥିଲା। ଉକ୍ତ ପାସ୍‌ବୁକ୍‌ରେ କେବଳ ୧୯ା୯ା୨୦୨୧ ତାରିଖରେ ୨୧,୬୦୦ ଟଙ୍କା ଋଣ ଉଠାଣ ହୋଇଥିବା ଲିପିବଦ୍ଧ ହୋଇଛି। ପୁରୁଣା ରସିଦ୍‌କୁ ବର୍ତ୍ତମାନ ବ୍ୟବହାର କରାଯାଇ ବକେୟା ଥିବା ଋଣ ଖାତାରେ ପକାଇ ନୂତନ ଋଣ ଦେଇଛନ୍ତି। ପ୍ରତ୍ୟେକ ଋଣୀ ଚାଷୀଙ୍କଠାରୁ ୧୦୦୦ ଟଙ୍କା ଲେଖାଏଁ ମଧ୍ୟ ଅସୁଲି ହୋଇଛି। ଏହାବାଦ୍‌ ବାପାଙ୍କ ନାମରେ ବକେୟା ଋଣ ଥାଇ ପୁଅ ନାମରେ, ସ୍ବାମୀଙ୍କ ନାମରେ ଋଣ ବକେୟା ଥାଇ ସ୍ତ୍ରୀଙ୍କ ନାମରେ, ବାପାଙ୍କ ନାମରେ ଋଣ ବକେୟା ଥାଇ ଝିଙ୍କ ନାମରେ ଋଣ ପ୍ରଦାନ କରାଯାଇଛି। ଗତ ୨୯ା୯ା୨୦୨୦ରେ କେତେଜଣ ଚାଷୀଙ୍କ ନୂତନ ଋଣ ମଞ୍ଜୁର କରିଛନ୍ତି। ସେମାନଙ୍କ ମଧ୍ୟରୁ ଅଧିକାଂଶ ସଭ୍ୟମାନଙ୍କ ଗୁଣ୍ଠେ ଜମି ନାହିଁ, କେତେଜଣ ସଭ୍ୟଙ୍କ ଘରବାଡି ବନ୍ଧା ରଖି ସମ୍ପାଦକ ବେଆଇନ ଭାବେ ଋଣ ମଞ୍ଜୁର କରିଛନ୍ତି ବୋଲି ମଧ୍ୟ ଅଭିଯୋଗ ହୋଇଛି। ଏଥିରେ ଏକାଧିକ ଚାଷୀଙ୍କୁ ସାମିଲ କରାଯାଇ ବିପୁଳ ପରିମାଣର ଅର୍ଥ ଆତ୍ମସାତ୍‌ ହୋଇଛି। ତେଣୁ ଏହାର ସ୍ବତନ୍ତ୍ର ଅଡିଟ୍‌ କରାଗଲେ ସମ୍ପାଦକଙ୍କ କଳା କାରନାମାର ପର୍ଦ୍ଦାଫାସ ହୋଇ ପାରିବ ବୋଲି ଅଭିଯୋଗରେ ଦର୍ଶାଯାଇଥିଲା।
ମାର୍କଣ୍ଡପୁର ପାକ୍ସରେ ପୂର୍ବରୁ ଏକ ଚାଷୀ ପରିବାରର ୪ ଜଣ ସଦସ୍ୟଙ୍କ ନାମରେ ଧାନ କିଣାରେ ଲକ୍ଷାଧିକ ଟଙ୍କାର ଦୁର୍ନୀତି ହୋଇଥିଲା। ହାଇକୋର୍ଟରେ ଏନେଇ ମାମଲା ରୁଜୁ ହେବାପରେ ଅଭିଯୋଗର ବିଧିବଦ୍ଧ ତଦନ୍ତ କରାଯାଇ ସଂପୃକ୍ତ ସମ୍ପାଦକ ଏବଂ ଅନ୍ୟ କେତେଜଣ ଅଧିକାରୀଙ୍କୁ ନିଲମ୍ବିତ କରାଯାଇଥିଲା। ତେବେ ଋଣ ଜାଲିଆତି ସମ୍ପର୍କରେ ପ୍ରତିକ୍ରିୟା ନେବା ପାଇଁ ଏଆରସିଏସ୍‌ ପ୍ରଶାନ୍ତ କୁମାର ମଲ୍ଲିକଙ୍କୁ ଯୋଗାଯୋଗ କରିବାକୁ ଚେଷ୍ଟା କରାଯାଇଥିଲା ା ହେଲେ ସେ ଫୋନ କଲ ଗ୍ରହଣ କରି ନ ଥିଲେ।


Enter your email to get our daily news in your inbox.

All Right Reserved By Dharitri.Com

୨ ରାଜ୍ୟରୁ ଫେରିଲେ ୩ ୮୭ ପ୍ରବାସୀ

ରାୟଗଡା ଅଫିସ, ୩ା୬-କରୋନା ଲକ୍‌ ଡାଉନ ଯୋଗୁ ତେଲେଙ୍ଗନା ଓ ତାମିଲନାଡୁରେ ଅଟକି ଥିବା ଶ୍ରମିକ ରାୟଗଡା ଫେରିଛନ୍ତି। ମଙ୍ଗଳବାର ତାମିଳନାଡୁରୁ ୧୫୧ ଶ୍ରମିକ ଫେରିଥିବା...

ଅଣ୍ଡା ଭାଜିବା ବେଳେ ଗ୍ୟାସରୁ ଲାଗିଲା ନିଆଁ

ଚିତ୍ରଡ଼ା,୭।୭(ଡ଼ି.ଏନ୍‌.ଏ): ମୟୂଭଞ୍ଜ ଜିଲା ମୋରଡା ବ୍ଲକ ଅଧୀନ ମୋରଡା ପଞ୍ଚାୟତ ପାଞ୍ଚଗୋଛିଆ ଗ୍ରାମରେ ଅଗ୍ନିକାଣ୍ଡ ଘଟିଛି। ଗ୍ରାମର ସୁରେନ୍ଦ୍ର ସେଠୀଙ୍କ ଘରେ ଗ୍ୟାସ ସିଲିଣ୍ଡରରେ ନିଆଁ...

ହାତୀ ଉପଦ୍ରବ, ବ୍ୟାପକ ଧାନ ଫସଲ ନଷ୍ଟ

ଅମରପାଲି, ୧୦।୮ (ଡି.ଏନ.ଏ.) : ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକ ଅନ୍ତର୍ଗତ କୋଟସମଲାଇ ଗ୍ରାମରେ କିଛିଦିନ ତଳେ ହାତୀପଲ ଧାନ ପହ୍ଲା ନଷ୍ଟ କରିଥିଲେ। ଶୁକ୍ରବାର...

ଭୁବନେଶ୍ୱରରେ ଖୁବ୍‌ଶୀଘ୍ର ଡିଜିଟାଲ ଘର ନମ୍ବର

ଭୁବନେଶ୍ୱର,୧୮ା୬(ବ୍ୟୁରୋ): ରାଜଧାନୀରେ ଡିଜିଟାଲ ଡୋର୍‌ ନମ୍ବରିଂ ସିଷ୍ଟମ ପ୍ରକଳ୍ପକୁ କାର୍ଯ୍ୟକାରୀ କରିବାକୁ ପଦକ୍ଷେପ ନେଇଛି ଭୁବନେଶ୍ୱର ମହାନଗର ନିଗମ(ବିଏମ୍‌ସି)। ସହରର ପ୍ରତି ଲୋକଙ୍କ ଘରେ ଡିଜିଟାଲ...

ଦିନ ଗଡୁଛି, ବାଟ ଫିଟୁନି

ଢେଙ୍କାନାଳ ଅଫିସ, ୩୧।୧୦: ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ଖଡଗପ୍ରସାଦ ଓ କୁରୁଣ୍ଟିସ୍ଥିତ ଲାନ୍‌କୋ-ବାବନ୍ଧ ପାୱାର ପ୍ଲାଣ୍ଟ ବନ୍ଦ ହୋଇଯାଇଛି। ତେବେ କ୍ଷତିଗ୍ରସ୍ତ ପ୍ରଜାଙ୍କ ଦାବି ପୂରଣ...

ସହରାଞ୍ଚଳରେ ସମସ୍ତ ଗରିବଙ୍କୁ ଘର ଯୋଗାଣ ଉପରେ ଗୁରୁତ୍ୱ

ଭୁବନେଶ୍ୱର,୬।୧୧(ବ୍ୟୁରୋ): ରାଜ୍ୟର ସହରାଞ୍ଚଳରେ ବସବାସ କରୁଥିବା ଆର୍ଥିକ ଦୁର୍ବଳ ଶ୍ରେଣୀର ଲୋକଙ୍କ ପାଇଁ ପ୍ରାୟ ୫ ଲକ୍ଷ ଗୃହର ଆବଶ୍ୟକତା ରହିଛି। ହେଲେ ପ୍ରଧାନମନ୍ତ୍ରୀ ଆବାସ...

ଲାଞ୍ଚ ନେଇ ଧରାପଡିଲେ ମୁଖ୍ୟ କିରାଣି: ଘରୁ ମିଳିଲା ୧୩ ଲକ୍ଷରୁ ଅଧିକ ନଗଦ ଟଙ୍କା

ବାଲିଗୁଡ଼ା,୪।୧୧(ଡି.ଏନ୍‌.ଏ.): କନ୍ଧମାଳ ଜିଲା ବାଲିଗୁଡା ଆଇଟିଡିଏ ଅଫିସ ମୁଖ୍ୟ କିରାଣି ବସନ୍ତ ପାଣିଙ୍କୁ ଭିଜିଲାନ୍ସ ବିଭାଗ ଗିରଫ କରିଛି। ୨ ଲକ୍ଷ ଟଙ୍କା ସୁରକ୍ଷା ଜମା...

କାଳବୈଶାଖୀରେ ଉଡ଼ିଗଲା ସ୍କୁଲ ଆଜବେଷ୍ଟସ

ବଇଣ୍ଡା,୧୦।୬(ଡି.ଏନ.ଏ.)-ଅନୁଗୋଳ ଜିଲା କିଶୋରନଗର ଓ ଆଠମଲ୍ଲିକ ବ୍ଲକରେ ସୋମବାର ଅପରାହ୍ନରେ କାଳବୈଶାଖୀ ହୋଇଛି। ପ୍ରବଳ ବର୍ଷା ସାଙ୍ଗକୁ ପବନ ବୋହିବା ଯୋଗୁ ବହୁ କ୍ଷତି ହୋଇଛି।...

Advertisement
Archives

Model This Week