ପୁରୁଷୋତ୍ତମପୁର,୧୫।୮(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅଧୀନ ବାଘଲା ଗ୍ରାମ ପୋଖରୀରେ ବୁଡି ଜଣେ ବ୍ୟକ୍ତିଙ୍କ ସୋମବାର ମୃତ୍ୟୁ ଘଟିଛି। ମୃତକ ହେଲେ ଆଙ୍ଗୁ ଗ୍ରାମର ଯୋଗୀ ନାହାକ(୫୦)।
ଯୋଗୀ କୌଣସି କାର୍ଯ୍ୟରେ ବାଘଲା ଗ୍ରାମକୁ ଯାଇ ଆଉ ଘରକୁ ଫେରି ନ ଥିଲେ। ପରିବାର ଲୋକେ ଖୋଜାଖୋଜି କରୁଥିବା ବେଳେ ସୋମବାର ସକାଳେ ବାଘଲା ପୋଖରୀରେ ମୃତଦେହ ଭାସୁଥିବାର ଖବର ପାଇଥିଲେ। ଏନେଇ ବାଘଲା ଗ୍ରାମବାସୀ ପୁରୁଷୋତ୍ତମପୁର ଅଗ୍ନିଶମ ଓ ପୋଲିସକୁ ଖବର ଦେଇଥିଲେ। ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛନ୍ତି। ପରେ ଥାନା ଏସ୍ଆଇ ରାଜେଶ କୁମାର ଛତ୍ରିଆ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଏକ ଅପମୃତ୍ୟୁ ମାମଲା(ନଂ.୧୭/୨୨) ରୁଜୁ କରି ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇଛନ୍ତି।
