ବିଷମକଟକ,୨୬ା୨(ଡି.ଏନ୍.ଏ.): ରାୟଗଡ଼ା ଜିଲା ବିଷମକଟକ ନିର୍ବାଚନମଣ୍ଡଳୀ ଅନ୍ତର୍ଗତ କଲ୍ୟାଣସିଂହପୁର ବ୍ଲକର ରାଇଲିମା ଗ୍ରାମ ୧୪ ନମ୍ବର ବୁଥ୍ରେ ଶୁକ୍ରବାର ସାନି ମତଦାନ ହୋଇଛି। ଏହି ବୁଥ୍ରେ ରାଇଲିମା, ତଳମୁଶୁଡ଼ି ଓ ଉପରମୁଶୁଡ଼ି ଗ୍ରାମର ଡଙ୍ଗରିଆ ଭୋଟର ଉତ୍ସାହର ସହ ମତ ସାବ୍ୟସ୍ତ କରିଥିଲେ। ଭୋଟର ତାଲିକାରେ ୧୯୯ ଜଣଙ୍କ ନାମ ରହିଥିବାବେଳେ ୧୫୦ ଜଣ ଭୋଟ ଦେଇଛନ୍ତି। ସେଥିମଧ୍ୟରୁ ୯୯ ମହିଳା ଏବଂ ୫୧ ପୁରୁଷ ଭୋଟର ରହିଛନ୍ତି।
ତୃତୀୟ ପର୍ଯ୍ୟାୟ ଭୋଟ ଗ୍ରହଣବେଳେ ତଳମୁଶୁଡ଼ି ଓ ଉପରମୁଶୁଡ଼ି ଗ୍ରାମବାସୀଙ୍କ ନାମ ଭୋଟର ତାଲିକାରେ ନ ଥିବାରୁ ସେମାନେ ଭୋଟ ଦେଇପାରି ନ ଥିଲେ। ଫଳରେ ଉତ୍ତ୍ୟକ୍ତ ଗ୍ରାମବାସୀ ଭୋଟବାକ୍ସ ଉଠାଇନେଇଥିଲେ। ଏ ବିଷୟରେ ଜିଲା ପ୍ରଶାସନଠାରୁ ଅବଗତ ହେବାପରେ ନିର୍ବାଚନ ଆୟୋଗଙ୍କ ନିର୍ଦ୍ଦେଶରେ ଏହି ଦୁଇ ଗ୍ରାମର ୭୦ ଭୋଟରଙ୍କ ନାମ ତାଲିକାରେ ଯୋଡ଼ାଯାଇଥିଲା। ରାଇଲିମା ୧୪ ନଂ. ବୁଥ୍ରେ ସାନି ମତଦାନ ଶାନ୍ତିପୂର୍ଣ୍ଣଭାବେ ହୋଇଥିବା ରାୟଗଡ଼ା ଉପଜିଲାପାଳ ପ୍ରତାପ ଚନ୍ଦ୍ର ପ୍ରଧାନ ସୂଚନା ଦେଇଛନ୍ତି।
