ବମ୍ବେ: ବିବାହ ବନ୍ଧନରେ ଆବଦ୍ଧ ହୋଇଛନ୍ତି ଟେଲି ପରଦାର ଲୋକପ୍ରିୟ ଅଭିନେତ୍ରୀ ଦଲଜିତ କୌର। ପ୍ରେମିକ ନିଖିଲ ପଟେଲଙ୍କ ହାତ ଧରିଛନ୍ତି ସେ। କିଛି ଦିନ ଧରି ତାଙ୍କର ବିବାହ ଉତ୍ସବ ଚାଲିଥିବା ବେଳେ ଅଭିନେତ୍ରୀ ବିବାହ ଶେଷ ହୋଇଥିବା ନେଇ ପ୍ରଶଂସକଙ୍କୁ ଜଣାଇଛନ୍ତି। ବିବାହ ଫଟୋ ଶେୟାର କରି ଦଲଜିତ କହିଛନ୍ତି, ଏକ ନୂଆ ଅଧ୍ୟାୟର ଆରମ୍ଭ। ସୋସିଆଲ ମିଡିଆରେ ସେ କରିଥିବା ପୋଷ୍ଟରେ ତାଙ୍କ ଖୁସି ସ୍ପଷ୍ଟ ବାରି ହୋଇ ପଡ଼ୁଛି। ତେବେ ଏହି ବିବାହରେ ଦଲଜିତଙ୍କ ପରିବାରଲୋକେ ଏବଂ ବନ୍ଧୁମାନେ କେବଳ ସାମିଲ ହୋଇଥିଲେ।
ଏକ ବନ୍ଧୁଙ୍କ ପାର୍ଟିରେ ନିଖିଲଙ୍କୁ ଭେଟିଥିଲେ ଦଲଜିତ। ଉଭୟଙ୍କ ମଧ୍ୟରେ ସନ୍ତାନକୁ ନେଇ କଥାବାର୍ତ୍ତା ଲାଗି ରହିଥିଲା। ପରେ ଏହି ବନ୍ଧୁତା ପ୍ରେମରେ ପରିବର୍ତ୍ତିତ ହୋଇଥିଲା। ପ୍ରଥମ ବିବାହରୁ ନିଖିଲଙ୍କୁ ୨ ଝିଅ ଥିବା ବେଳେ ଦଲଜିତଙ୍କର ପ୍ରଥମ ବିବାହରୁ ଜଣେ ପୁଅ ଅଛନ୍ତି। ଦୁହେଁ ପରସ୍ପରର ଅତିତକୁ ସ୍ବିକାର କରି ନୂଆ ଆରମ୍ଭ କରିବାକୁ ନିଷ୍ପତ୍ତି ନେଇଛନ୍ତି। ବିବାହ ପରେ ନବ ବିବାହିତ ଦମ୍ପତିଙ୍କୁ ଶୁଭେଚ୍ଛାର ସୁଅ ଛୁଟୁଛି।
