କୋଭିଡ୍‌ ରୋଗୀ ଓ କଳା କବକ

ଫଙ୍ଗସ୍‌କୁ ଓଡ଼ିଆରେ କବକ କୁହାଯାଏ। ଏହା ଗୋଟିଏ ସୁବିଧାବାଦୀ ସୂକ୍ଷ୍ମ ଜୀବ। ଅନ୍ୟ ରୋଗରୁ ଶରୀରର ରୋଗ ପ୍ରତିରୋଧକ ଶକ୍ତି କମିଗଲେ ଫଙ୍ଗସ୍‌ର ସଂଖ୍ୟା ବୃଦ୍ଧି ହୁଏ। ଏମାନେ ଓଦା ସ୍ଥାନରେ ରହିଥିବା ଜିନିଷ ଉପରେ ଉତ୍ପନ୍ନ ଶିଉଳି। କୋଭିଡ୍‌-୧୯ ରୋଗୀର ଦୁର୍ବଳତାର ସୁଯୋଗ ନେଇ ଆକ୍ରମଣ କରୁଥିବା ଫଙ୍ଗସ୍‌ର ନାମ ‘ମ୍ୟୁକରମାଇକୋସିସ୍‌’। ଏହାର ଜୀବକୋଷ ବାୟୁରେ ଭାସୁଥାଏ। ରୋଗୀର ନାକବାଟେ ଦେହରେ ପ୍ରବେଶ କରେ। କୋଭିଡ୍‌ ରୋଗୀ ବହୁଦିନ ଡାକ୍ତରଖାନାରେ ରହି ଆଣ୍ଟିବାୟୋଟିକ, ଷ୍ଟେରଏଡ୍‌ ସହିତ ନାକରେ ନଳୀ ସାହାଯ୍ୟରେ ଅମ୍ଳଜାନ ନିଏ। ଭୂତାଣୁ ଫୁସ୍‌ଫୁସ୍‌ରେ ପ୍ରଦାହ କରି ପୂଯ, ରକ୍ତ ଜମା କରିଦିଏ। ଫଳରେ ଅକ୍ସିଜେନ ବିଭିନ୍ନ ଅଙ୍ଗକୁ ଯାଇପାରେ ନାହିଁ। ରୋଗୀ ନିଃଶ୍ୱାସ ନେବାରେ କଷ୍ଟ ହୁଏ। ଭେଣ୍ଟିଲେଟର ଉପରେ ନିର୍ଭର କରେ। ରୋଗୀର ରୋଗ ପ୍ରତିରୋଧ କ୍ଷମତା ହ୍ରାସ ଘଟେ। ଏହାର ସୁଯୋଗ ନେଇ ମ୍ୟୁକରମାଇକୋସିସ୍‌ ଫଙ୍ଗସ୍‌ ସଂକ୍ରମଣ ହୁଏ ଓ ଅନେକ ଭୟଙ୍କର ଲକ୍ଷଣ ପ୍ରକାଶ ପାଏ। ନାକ ଓ ପାଟିର ତାଳୁ କଳା ପଡ଼େ। ସେଥିପାଇଁ ଏହାକୁ ‘କଳା ଫଙ୍ଗସ୍‌’ କୁହାଯାଏ।
କଳା କବକ ସଂକ୍ରମଣ ଗୋଟିଏ ବିରଳ ଓ ଗୁରୁତର ରୋଗ। ସାଧାରଣ କଥାବାର୍ତ୍ତାରେ ଏହାକୁ ‘ବ୍ଲାକ ଫଙ୍ଗସ୍‌’ କୁହାଯାଏ। ଭାରତର କେତେକ ରାଜ୍ୟରେ କୋଭିଡ୍‌-୧୯ ରୋଗୀଙ୍କଠାରେ ଏହା ଦେଖିବାକୁ ମିଳୁଛି। ପ୍ରଥମେ ଚର୍ମରେ ଦେଖାଯାଏ ଓ ପରେ ଫୁସ୍‌ଫୁସ୍‌ ଏବଂ ମସ୍ତିଷ୍କ ସଂକ୍ରମଣ କରେ। ଦିଲ୍ଲୀ, ମହାରାଷ୍ଟ୍ର ଓ ଗୁଜରାଟରେ କୋଭିଡ୍‌ ରୋଗୀଙ୍କଠାରେ ଏହି କବକ ସଂକ୍ରମଣ ହେବାର ପ୍ରମାଣ ସହିତ ଉପଦେଶାବଳୀ କେନ୍ଦ୍ର ସରକାରଙ୍କ ଦ୍ୱାରା ରାଜ୍ୟମାନଙ୍କୁ ଜାରି ହୋଇଛି।
କୋଭିଡ୍‌-୧୯ ରୋଗୀର କଳା କବକ ସଂକ୍ରମଣର ଲକ୍ଷଣଗୁଡ଼ିକ ହେଉଛି ନାକ ଓ ଆଖି ଚାରିପଟେ ଲାଲ ପଡ଼ି ବିନ୍ଧା ହେବା, ଜ୍ୱର- ମୁଣ୍ଡବିନ୍ଧା କାଶ ସହିତ ନିଃଶ୍ୱାସ ନେବାରେ କଷ୍ଟ ହେବା ଇତ୍ୟାଦି। ରକ୍ତ ବାନ୍ତି ହୋଇପାରେ। ସ୍ବାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ଅନୁଯାୟୀ ରୋଗୀର ନିମ୍ନ ଲକ୍ଷଣଗୁଡ଼ିକ ଦେଖାଦେଲେ ‘ମ୍ୟୁକରମାଇକୋସିସ୍‌’ ସଂକ୍ରମଣ ସନ୍ଦେହ କରାଯିବ। (୧) ନାକ ଚୁଣ୍ଟି ହେବା, ପାଣି ବୋହିବା ଓ କଳା ଦେଖାଯିବା। (୨) ମୁହଁର ହାଡ଼ ବିନ୍ଧା ହେବା, ମୁହଁର ଗୋଟିଏ ପାଖରେ ଯନ୍ତ୍ରଣା ହେବା, ଫୁଲିବା ଓ ବଧିରା ଲାଗିବା। (୩) ଦାନ୍ତ ହଲିବା ଓ ତଳ ପାଟି ହାଡ଼ ବିନ୍ଧିବା। (୪) ଚର୍ମ ଲାଲ ପଡ଼ି କୁଣ୍ଡାଇ ହେବା। (୫) ଛାତିରେ ଯନ୍ତ୍ରଣା ଓ ନିଃଶ୍ୱାସ ନେବାରେ କଷ୍ଟ ହେବା। ଏହି ଫଙ୍ଗସ୍‌କୁ ଚିହ୍ନିବା ପାଇଁ ଉପଯୁକ୍ତ ତୁରନ୍ତ ପରୀକ୍ଷା ବାଞ୍ଛନୀୟ।
ମ୍ୟୁକରମାଇକୋସିସ୍‌ ଚିକିତ୍ସା ପାଇଁ ଉଦ୍ଦିଷ୍ଟ ଔଷଧ ସେବନ ଆବଶ୍ୟକ। ଅସ୍ତ୍ର ଚିକିତ୍ସା (ଅପରେଶନ) ମଧ୍ୟ କରାଯାଇପାରେ। ଡାଇବେଟିସ ରୋଗୀର ରକ୍ତ ଶର୍କରା ସ୍ବାଭାବିକ କରିବା ପାଇଁ ଡାକ୍ତରଙ୍କ ପରାମର୍ଶରେ ଇନ୍‌ସୁଲିନ ଓ ବଟିକା ଦିଆଯିବା ଉଚିତ। ଷ୍ଟେରଏଡ୍‌ ଓ ଶରୀରର ଇମ୍ୟୁନ ସିଷ୍ଟମ୍‌କୁ ଦବେଇ ଦେବା ପାଇଁ ବ୍ୟବହୃତ ଔଷଧ ସେବନ ବନ୍ଦ କରିଦେବା ଅନିବାର୍ଯ୍ୟ। ଦେହର ଜଳୀୟ ଅଂଶ ସ୍ବାଭାବିକ ରଖିବା ପାଇଁ ସାଲାଇନ ଦେବା ଆବଶ୍ୟକ ପଡ଼ିବ। ଏହାର ଚାରି ସପ୍ତାହ ପରେ କବକ ମାରିବା ପାଇଁ ‘ଆମ୍ପୋଟେରିସିନ’ ଇଞ୍ଜେକ୍ସନ ଦିଆଯାଇ ପାରିବ। ଏହି ଫଙ୍ଗସ୍‌ ସଂକ୍ରମଣରେ ଉପର ଦାନ୍ତ ମାଢ଼ି ଓ ଆଖି ନଷ୍ଟ ହୋଇଯାଇପାରେ। ଖାଦ୍ୟ ଚୋବାଇବା ଓ ଗିଳିବାରେ କଷ୍ଟ ହୁଏ।
କଳା କବକ ଗୋଟିଏ ବିରଳ ରୋଗ। ରୋଗୀକୁ ପ୍ରଭାବିତ କରୁଥିବା କାରଣଗୁଡ଼ିକ ହେଉଛି, ଡାଇବେଟିସ, ଷ୍ଟେରଏଡ୍‌ ଔଷଧ ବ୍ୟବହାର, ବହୁଦିନ ଆଇସିୟୁରେ ରହିବା, ଅଙ୍ଗ ପ୍ରତିରୋପଣ ଓ କ୍ୟାନ୍‌ସର ଚିକିତ୍ସା ଇତ୍ୟାଦି। ଏହି ରୋଗରୁ ରକ୍ଷା ପାଇବା ପାଇଁ ବିଶେଷଜ୍ଞମାନଙ୍କ ଉପଦେଶ ହେଉଛି ମାସ୍କ ବ୍ୟବହାର କରିବା, ଜୋତା, ଫୁଲପ୍ୟାଣ୍ଟ ଓ ଶାର୍ଟ ସହିତ ଗ୍ଲୋଭ୍‌ସ ପିନ୍ଧି ବଗିଚା କାମ କରିବା। ଫଳରେ ମାଟିରେ ରହିଥିବା ଫଙ୍ଗସ୍‌ ଦେହରେ ପଶିପାରିବ ନାହିଁ। ଧୂଳି ଓ ମାଟି ସଂସ୍ପର୍ଶରେ ଆସିଲେ ବ୍ରସ ସାହାଯ୍ୟରେ ଦେହ ସଫା କରିବା। ଅବଶ୍ୟ ଜୀବାଣୁ ଜନିତ ରୋଗ ଅପସରି ଗଲାଣି, ଭୂତାଣୁ ଭୟାନକ ହେଲାଣି, ତାହା ସହିତ କଳା କବକ ଦାଉ ସାଧିଲାଣି। ଏଥିପାଇଁ ଔଷଧ ନାହିଁ। ପ୍ରତିଷେଧକ ବ୍ୟବସ୍ଥା ବାଞ୍ଛନୀୟ।

ଡା. ଦ୍ୱିଜେଶ କୁମାର ପଣ୍ଡା
-ନିଦାନ ଓ ଅଣୁଜୀବ ବିଶେଷଜ୍ଞ
୧୨, ଆଚାର୍ଯ୍ୟ ବିହାର, ଭୁବନେଶ୍ୱର
ମୋ: ୯୪୩୮୪୭୦୭୭୭


Enter your email to get our daily news in your inbox.

All Right Reserved By Dharitri.Com

QUAD ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି-ଟ୍ରମ୍ପଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ବୈଠକ, ଚାଇନାକୁ ଲାଗିପାରେ ଝଟକା

ନୂଆଦିଲ୍ଲୀ,୧୭।୧୧: ଆମେରିକା, ଚାଇନା ଏବଂ ରୁଷିଆକୁ ନେଇ ହେବାକୁ ଥିବା ଉଚ୍ଚସ୍ତରୀୟ ବୈଠକଗୁଡ଼ିକ ପୂର୍ବରୁ, ‘କ୍ୱାଡ’ (Quad) ସଦସ୍ୟ ରାଷ୍ଟ୍ରଗୁଡ଼ିକର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବାକୁ…

ଶତକ ମାରିବା ପରେ ପକେଟରୁ ଚିଠି ବାହାର କଲେ ଏହି କ୍ରିକେଟର: ଚିଠି ପଢିଲେ ହୋଇଯିବେ ଭାବବିହ୍ବଳ

ଜୋହାନ୍ସବର୍ଗ,୧୭।୧୧: କ୍ରିକେଟ ପଡ଼ିଆରେ ଅନେକ ଖେଳାଳି ନିଜ ଅନନ୍ୟ ଅନ୍ଦାଜରେ ଶତକ ପାଳନ କରିଥାନ୍ତି। କିନ୍ତୁ ବାଂଲାଦେଶର ଉଇକେଟ୍‌କିପର ବ୍ୟାଟର ଲିଟନ ଦାସ ଏଥର ନିଜ ଶତକକୁ…

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?