ପଟ୍ଟାଙ୍ଗି,୨୫।୪(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ୍ ଅଧିନରେ ଥିବା ସେରୁବନ୍ଧ ଖଣି ପାହାଡ଼ ନିକଟ ବର୍ତ୍ତି କ୍ଷତିଗ୍ରସ୍ତ ଗ୍ରାମବାସୀଙ୍କୁ କଂଗ୍ରେସ ଦଳର ଏକ କେନ୍ଦ୍ରୀୟସ୍ତରୀୟ କମିଟି ସାକ୍ଷାତ କରି ଫେରି ଯାଇଥିଲେ ମଧ୍ୟ ପ୍ରକୃତ ଖଣି ସ୍ଥାନକୁ ପରିଦର୍ଶନ ନ କରି ଲୋକଙ୍କୁ ଏକାଠି କରି ଆଲୋଚନା କରି ଫେରି ଯାଇଛନ୍ତି।
ସୂଚନା ମୁତାବକ, ରାଜ୍ୟ ସଭାପତି ଭକ୍ତ ଦାସଙ୍କ ନେତୃତ୍ୱରେ ଦଳର ଜିଲା ସଭାପତି ରୁପକ୍ ତୁରୁକଙ୍କ ସହଯୋଗରେ ରାଜ୍ୟ ପ୍ରଭାରୀ ଅଜୟ ଲାଲୁ, ଜାତୀୟ ଆଦିବାସୀ ମଙ୍ଗଳ ଅଧ୍ୟକ୍ଷ ଶ୍ରୀକାନ୍ତ ବରିଆ, MP ସପ୍ତଗିରୀ ଉଲକା, ବିଧାୟକ ରାମଚନ୍ଦ୍ର କାଡାମ୍ , ବିଧାୟକ ଲକ୍ଷ୍ମୀପୁର ପବିତ୍ର ସାଉଁତା ପ୍ରମୁଖ ଉପସ୍ଥିତ ରହିଥିଲେ। ଏହି ଅବସରରେ ଗତଦିନରେ ଜଳ ଜଙ୍ଗଲ ଜମି ପାଇଁ ଲଢେ଼ଇ କରି ଜେଲ୍ ଯାଇଥିବା ସ୍ଥାନୀୟ ବ୍ଲକର ସେରୁବନ୍ଧ ସଭାପତି ରବି ଖରା, ନୁଆଗାଁ ପୁର୍ବତନ ସରପଞ୍ଚ ସିତ୍ରୁ ପାଙ୍ଗି, ବରିଷ୍ଠ କଂଗ୍ରେସ ନେତା ସାମ୍ବା ପାଙ୍ଗି, ମାଳି ପର୍ବତ ସୁରକ୍ଷା ସମିତି ସଭାପତି ବିଜୟ ଖିଲ ପ୍ରମୁଖଙ୍କୁ ରାଜ୍ୟ ପ୍ରଭାରୀ ଲଲ୍ଲୁ ଉତ୍ତରୀୟ ଓ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧନା ଜଣାଇ ଏମିତି ଲଡୁଆଙ୍କୁ ସଲାମ୍ ଜଣାଇବା ସହ ଏମାନଙ୍କ ପରି ଜଣେ ଲଢ଼ୁଆ ସଂଗ୍ରାମୀ ଆଗକୁ ଆସି ଲଢ଼ିଲେ କୈଣସି କମ୍ପାନୀ ମଧ୍ୟ ଆଗକୁ ଆସିବା ପାଇଁ ସାହାସ କରିବ ନାହିଁ ବୋଲି ନିଜ ଅଭିଭାଷଣରେ ଆହ୍ୱାନ ଦେଇ କଂଗ୍ରେସ ଦଳର ବର୍ତ୍ତମାନର ବିଧାୟକ କାଡାମ୍, MP ଉଲାକା ଏବଂ ଲକ୍ଷ୍ମୀପୁର ବିଧାୟକ ସାଉଁତା ବିଧାନସଭା ଓ ସଂସଦରେ ଲଢେ଼ଇ କରି ତୁମ ମାନଙ୍କର ସ୍ୱର ଉତ୍ତୋଳନ କରିବେ ବୋଲି ବୁଝାଇଥିଲେ । ଏହିପରି କି ତୁମ ମାନଙ୍କ ଲଢେ଼ଇ ପଛରେ କଂଗ୍ରେସ ରହିଛି ରହିଥିବ ବୋଲି ପ୍ରକାଶ କରିଥିଲେ । ଏହି ସମୟରେ ବାଲଡା ନାଗେଶ୍ୱରୀ, ମାଳି ପର୍ବତ ସୁରକ୍ଷା ସମିତି ପରି ବିଭିନ୍ନ ସଙ୍ଗଠନ ଉପସ୍ଥିତ ରହିଥିଲେ ।
