ଚିନ୍ତା ବଢ଼ାଇଲା ନୂଆ ରୂପ

ଲଣ୍ଡନ, ୨୨।୧୨: ବ୍ରିଟେନରେ କରୋନା ଭୂତାଣୁର ଏକ ପରିବର୍ତ୍ତିତ ସଂସ୍କରଣ ଦ୍ରୁତ ଗତିରେ ବ୍ୟାପିବାରେ ଲାଗିଛି। ଏହାକୁ ନେଇ ସାରା ବିଶ୍ୱରେ ଚିନ୍ତା ବଢ଼ିଯାଇଛି। ନୂଆ ସଂକ୍ରମଣକୁ ଦୃଷ୍ଟିରେ ରଖି ବ୍ରିଟିଶ ସରକାର କଡ଼ା ଲକ୍‌ଡାଉନ କଟକଣା ଜାରି କରିଛନ୍ତି। ସରକାର ସୋମବାର ଏକ ଜରୁରୀ ବୈଠକ ଡାକି ସ୍ଥିତି ସମୀକ୍ଷା କରିଛନ୍ତି। ପୂର୍ବ ଭୂତାଣୁ ତୁଳନାରେ ଏହାର ନୂଆ ସଂସ୍କରଣ ୭୦ ପ୍ରତିଶତ ଅଧିକ ସଂକ୍ରାମକ ବୋଲି ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍‌ ଜନ୍‌ସନ ଖବରଦାତା ସମ୍ମିଳନୀରେ କହିଛନ୍ତି। ଏହା ଅତି ଦ୍ରୁତ ଗତିରେ ବ୍ୟାପିଚାଲିଛି। ସେଥିପାଇଁ ସେଠାରେ ସମସ୍ତ ସ୍ଥାନୀୟ ଓ ଅନ୍ତର୍ଜାତୀୟ ଯାତାୟାତକୁ ନିଷିଦ୍ଧ କରାଯାଇଛି। ଲୋକଙ୍କୁ ଘରୁ ନ ବାହାରିବାକୁ ଏବଂ ଖ୍ରୀଷ୍ଟମାସରେ ଏକାଠି ନ ହେବାକୁ ପରାମର୍ଶ ଦିଆଯାଇଛି। ଓ୍ବେଲ୍ସ ଓ ସ୍କଟଲାଣ୍ଡରେ ମଧ୍ୟ କଟକଣାକୁ କଡ଼ାକଡ଼ି କରାଯାଇଛି। ବାଣିଜ୍ୟ ଓ ପରିବହନ ଉପରେ କଟକଣା ଲାଗିଥିବାରୁ ଖ୍ରୀଷ୍ଟମାସରେ ବ୍ରିଟେନରେ ଖାଦ୍ୟ ସଙ୍କଟ ଦେଖାଦେବା ଆଶଙ୍କା ପ୍ରକାଶ ପାଇଛି।
ବ୍ରିଟେନରେ କରୋନା ଭୂତାଣୁର ଦ୍ୱିତୀୟ ଓ ତୃତୀୟ ଲହର ଚାଲିଥିବାରୁ ଅନେକ ଦେଶ ସାମାଜିକ ଦୂରତ୍ୱ କଟକଣାକୁ ପୁଣିଥରେ କଡ଼ାକଡ଼ି କରିଛନ୍ତି। ଭୂତାଣୁର ନୂଆ ସଂସ୍କରଣ ସମ୍ପର୍କରେ ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ)କୁ ଜଣାଇଦିଆଯାଇଛି ଏବଂ ଉପଲବ୍ଧ ତଥ୍ୟ ଉପରେ ତର୍ଜମା ଚାଲିଛି ବୋଲି ଇଂଲଣ୍ଡର ମୁଖ୍ୟ ମେଡିକାଲ ଉପଦେଷ୍ଟା କ୍ରିସ୍‌ ହ୍ବିଟି କହିଛନ୍ତି। ତେବେ ନୂଆ ଭୂତାଣୁ ବ୍ରିଟେନ୍‌ ବାହାରକୁ ଯାଇଛି କି ନାହିଁ ଜଣାପଡ଼ିନାହିଁ। ଏହି ଭୂତାଣୁ ଦ୍ରୁତଗତିରେ ସଂକ୍ରମିତ ହେଉଥିବାରୁ ବହୁସଂଖ୍ୟାରେ ଲୋକେ ହସ୍ପିଟାଲରେ ଭର୍ତ୍ତି ହେଉଛନ୍ତି। ଏଭଳି ସମୟରେ ନୂଆ କଟକଣା ଲଗାଇବାର ଆବଶ୍ୟକତା ଥିବା ମୁଖ୍ୟ ବିଜ୍ଞାନ ଉପଦେଷ୍ଟା ପାଟ୍ରିକ୍‌ ଭାଲାନ୍ସ କହିଛନ୍ତି।
ବ୍ରିଟେନକୁ ଇତିମଧ୍ୟରେ ଭାରତ ସମେତ ଜର୍ମାନୀ, ଇଟାଲୀ, ବେଲ୍‌ଜିୟମ, ଫ୍ରାନ୍ସ, ଡେନ୍‌ମାର୍କ, ବୁଲଗେରିଆ, ଆଇରିଶ୍‌ ରିପବ୍ଳିକ୍‌, ତୁର୍କୀ ଏବଂ କାନାଡା ବିମାନ ଚଳାଚଳ ବନ୍ଦ କରିସାରିଲେଣି। ହଂକଂ, ଇସ୍ରାଏଲ୍‌, ଇରାନ, କ୍ରୋଏସିଆ, ଆର୍ଜେଣ୍ଟିନା, ଚିଲି, ମରକୋ ଏବଂ କୁଏତ୍‌ ମଧ୍ୟ ବ୍ରିଟେନକୁ ଟ୍ରାଭେଲ କଟକଣା ଲଗାଇଛନ୍ତି। ବ୍ରିଟେନରେ ରବିବାର ୩୫,୯୨୮ ନୂଆ ସଂକ୍ରମଣ ସହ ମୋଟ ଆକ୍ରାନ୍ତଙ୍କ ସଂଖ୍ୟା ୨୦,୪୦,୧୪୭ରେ ପହଞ୍ଚତ୍ଛି। ଦେଶରେ କରୋନା ଜନିତ ମୃତ୍ୟୁସଂଖ୍ୟା ୬୭,୪୦୧ରେ ପହଞ୍ଚତ୍ଲାଣି। ୟୁରୋପୀୟ ସଂଘର ସଦସ୍ୟ ରାଷ୍ଟ୍ରଗୁଡ଼ିକ ବ୍ରୁସେଲ୍ସଠାରେ ଏକ ବୈଠକରେ ମିଳିତ ପଦକ୍ଷେପ ସମ୍ପର୍କରେ ଆଲୋଚନା କରୁଛନ୍ତି।
ଭୂତାଣୁର ଏହି ପରିବର୍ତ୍ତିତ ସଂସ୍କରଣ ପ୍ରଥମେ ଦକ୍ଷିଣପୂର୍ବ ଇଂଲଣ୍ଡରେ ସେପ୍ଟେମ୍ବର ମାସରେ ଚିହ୍ନଟ ହୋଇଥିଲା। କ୍ରମେ ଏହା ଦ୍ରୁତ ଗତିରେ ମାଡ଼ିଚାଲି ସମଗ୍ର ଲଣ୍ଡନ ଓ ବ୍ରିଟେନର ଅନ୍ୟ ଅଞ୍ଚଳକୁ ବ୍ୟାପିଗଲାଣି। ବ୍ରିଟେନ୍‌ ପ୍ରଥମ ରାଷ୍ଟ୍ର ଭାବେ ଫାଇଜର ଟିକାକୁ ବ୍ୟବହାର ପାଇଁ ଅନୁମତି ଦେଇଥିଲା। ସେଠାରେ ଟିକାକରଣ ଚାଲିଥିବାବେଳେ ଏହା ଟିକାର ପ୍ରତିରୋଧୀ ପ୍ରଭାବ ବୋଲି ସନ୍ଦେହ କରାଯାଉଥିବାବେଳେ ବିଶେଷଜ୍ଞମାନେ ଏହାକୁ ଖଣ୍ଡନ କରିଛନ୍ତି। ଏହା ଅଧିକ ବିପଜ୍ଜନକ କିମ୍ବା ଟିକାର ପ୍ରତିରୋଧୀ ଭଳି ଲାଗୁ ନ ଥିବା ସେମାନେ କହିଛନ୍ତି।

୩୧ ଯାଏ ଭାରତକୁ ବିମାନ ବାତିଲ

ବ୍ରିଟେନରେ ନୂଆ ଭୂତାଣୁ ସଂକ୍ରମଣକୁ ନେଇ ଆତଙ୍କ ସୃଷ୍ଟି ହୋଇଥିବାବେଳେ ଭାରତ ସରକାର ବୁଧବାରଠାରୁ ଡିସେମ୍ବର ୩୧ ପର୍ଯ୍ୟନ୍ତ ସେଠାକୁ ବିମାନ ଚଳାଚଳ ବନ୍ଦ କରିଛନ୍ତି। ଏହା ପୂର୍ବରୁ ଯେଉଁ ଯାତ୍ରୀମାନେ ବ୍ରିଟେନରୁ ଭାରତ ଆସିବେ ବିମାନ ବନ୍ଦରରେ ସେମାନଙ୍କର କୋଭିଡ୍‌ ପରୀକ୍ଷାକୁ ବାଧ୍ୟତାମୂଳକ କରାଯାଇଛି। ଡିସେମ୍ବର ୨୨ ରାତି ୧୧ଟା ୫୯ରୁ ବ୍ରିଟେନକୁ ବିମାନ ଚଳାଚଳ ବନ୍ଦ ରହିବ ବୋଲି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଟୁଇଟ୍‌ କରାଯାଇଛି। ବ୍ରିଟେନରେ ନୂଆ ସଂକ୍ରମଣକୁ ନେଇ ସରକାର ସତର୍କ ରହିଛନ୍ତି। ଭୟ କରିବାର କୌଣସି କାରଣ ନାହିଁ ବୋଲି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ. ହର୍ଷ ବର୍ଦ୍ଧନ ସୋମବାର କହିଛନ୍ତି। ସଂକ୍ରମଣ ରୋକିବାକୁ ସରକାର ବର୍ଷେ ହେଲା ସମସ୍ତ ପଦକ୍ଷେପ ନେଉଛନ୍ତି। ବ୍ରିଟେନକୁ ତୁରନ୍ତ ବିମାନ ବାତିଲ କରିବା ଲାଗି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲ ଦାବି କରିଥିଲେ।


Enter your email to get our daily news in your inbox.

All Right Reserved By Dharitri.Com

ଇକୋ ରିଟ୍ରିଟ ବୁଲିଲେ କନ୍ଧମାଳ ସାଂସଦ: ଶୁଣିଲେ ଲୋକଙ୍କ ଅଭିଯୋଗ, ଦେଲେ ବଡ଼ ପ୍ରତିଶ୍ରୁତି

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): ଓଡ଼ିଶାର କଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପର୍ଯ୍ୟଟନ ଭିତ୍ତିଭୂମି ଓ ବିକାଶ ସମ୍ଭାବନାକୁ ନେଇ ଆଲୋଚନା କରିଛନ୍ତି କନ୍ଧମାଳ ସାଂସଦ ସୁକାନ୍ତ…

୫୮ ବର୍ଷ, ୨୫ ଟେଷ୍ଟ, ମାତ୍ର ୫ଟି ବିଜୟ, ନ୍ୟୁଜିଲ୍ୟାଣ୍ଡରେ ଭାରତୀୟ ଦଳର ରେକର୍ଡ ଅତ୍ୟନ୍ତ ନୈରାଶ୍ୟଜନକ

ନୂଆଦିଲ୍ଲୀ,୧୭।୧୧: T20 ସିରିଜରେ ଚମତ୍କାର ପ୍ରଦର୍ଶନ ପରେ, ଭାରତୀୟ ଦଳ ODI ସିରିଜରେ ମଧ୍ୟ ନିଜର ଦମଦାର ଫର୍ମ ବଜାୟ ରଖି ୩-୧ରେ ସିରିଜ ଜିତିନେଇଛି। ତେବେ,…

IPL ୨୦୨୭ରେ ମହମ୍ମଦ ସାମିଙ୍କୁ ମିଳିପାରେ ନୂଆ ଟିମ; ଏହି ଫ୍ରାଞ୍ଚାଇଜ ସହ ଚାଲିଛି ଆଲୋଚନା

ନୂଆଦିଲ୍ଲୀ,୧୭।୧୧: ମହମ୍ମଦ ସାମି, ଯିଏ ନିକଟରେ ଟେଷ୍ଟ କ୍ରିକେଟରୁ ବିଦାୟ ନେଇଛନ୍ତି, ସେ ଘରୋଇ କ୍ରିକେଟରେ କ୍ରମାଗତ ଭାବେ ଭଲ ପ୍ରଦର୍ଶନ କରିଆସୁଛନ୍ତି। ଆଇପିଏଲ (IPL) ରେ…

ଭଞ୍ଜନଗର ପ୍ରଶାସନ ତତ୍ପର: ପାହାଡ଼-ନଦୀକୂଳରେ ରହିବେନି ଲୋକେ

ଭଞ୍ଜନଗର, ୧୭।୧୧ (ବାବୁଲା ପ୍ରଧାନ):ବାତ୍ୟା ଅର୍ଣ୍ଣବ ଗଞ୍ଜାମ ଜିଲାବାସୀଙ୍କ ଆର୍ଥିକ ମେରୁଦଣ୍ଡକୁ ଦୋହଲାଇ ଦେଇଛି। ଏହି ବାତ୍ୟାଜନିତ ବନ୍ୟାର ୨୦ ଦିନ ନ ପୂରୁଣୁ ଆଉ ଏକ…

ବୈଭବ-ଅଭିଷେକଙ୍କ ବ୍ୟାଟରେ ହେବ ଛକା-ଚୌକା ବର୍ଷା! ତିଳକ ବର୍ମା ଅଧିନାୟକ, ଏସିଆ କପ ପାଇଁ କାତାରରେ ପହଞ୍ଚିଲା ଟିମ ଇଣ୍ଡିଆ

ନୂଆଦିଲ୍ଲୀ,୧୭।୧୧: ରାଇଜିଂ ଷ୍ଟାର୍ସ ଏସିଆ କପ ୨୦୨୬ ପାଇଁ ଟିମ ଇଣ୍ଡିଆ କାତାରରେ ପହଞ୍ଚିଛି। ତିଲକ ବର୍ମାଙ୍କ ଅଧିନାୟକତ୍ୱରେ ଖେଳିବାକୁ ଥିବା ଏହି ଦଳରେ ବୈଭବ ସୂର୍ଯ୍ୟବଂଶୀ…

ସରକାରଙ୍କ ବଡ଼ ଘୋଷଣା, ଏଣିକି ସରକାରୀ ଚାକିରି ପାଇଁ ମାଗଣା ଆବେଦନ!

କୋଲକାତା,୧୭।୧୧: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ସୋମବାର (ନଭେମ୍ବର ୧୬, ୨୦୨୬) ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ସେ କହିଛନ୍ତି ଯେ, ସରକାରୀ ନିଯୁକ୍ତି ପରୀକ୍ଷାରେ ଅଂଶଗ୍ରହଣ…

ବଡ଼ ବିପଦରୁ ବର୍ତ୍ତିଲା ପଣ୍ୟବାହୀ ଜାହାଜ: ପାରାଦୀପ ବନ୍ଦର ପକ୍ଷରୁ ତତ୍କାଳ ପଦକ୍ଷେପ

ପାରାଦୀପ,୧୭।୧୧(ଶରତ ରାଉତ): ଅଶାନ୍ତ ସମୁଦ୍ରରେ ଭୟଙ୍କର ବିପଦର ସମ୍ମୁଖୀନ ହୋଇଥିବା ଏକ ବୃହତ୍‌ ପଣ୍ୟବାହୀ ଜାହାଜକୁ ସୁରକ୍ଷିତ ଉଦ୍ଧାର କରିଛି ପାରାଦୀପ ବନ୍ଦର। ବନ୍ଦର କର୍ତ୍ତୃପକ୍ଷଙ୍କ ତ୍ୱରିତ…

ମାହିଙ୍କ ଶେଷ IPL ହେବ କି ୨୦୨୭! CSKର ରିଟେନ୍ସନ ଲିଷ୍ଟରେ ଆଜି ହେବ ବଡ଼ ଖୁଲାସା

ନୂଆଦିଲ୍ଲୀ,୧୭।୧୧: ଇଣ୍ଡିଆନ ପ୍ରିମିୟର ଲିଗ (IPL) ୨୦୨୭ ପୂର୍ବରୁ ମିନି ଅକ୍ସନ ଆୟୋଜନ ହେବାକୁ ଯାଉଛି। ଡିସେମ୍ବର ମଧ୍ୟଭାଗରେ ଅକ୍ସନ ଜରିଆରେ ସମସ୍ତ ଦଳ ନିଜ ନିଜ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?