ଟୋକିଓ: ମଦକୁ ନେଇ ବିଭିନ୍ନ ଦେଶରେ ଭିନ୍ନ ପ୍ରକାର ନିୟମ ଲାଗୁ କରାଯାଇଛି। ମୁଖ୍ୟତଃ ଯୁବପିଢ଼ିଙ୍କୁ ଏ ପ୍ରକାର ନିଶା ଦ୍ରବ୍ୟରୁ ଦୂରରେ ରଖିବା ପାଇଁ ଏହି ନିୟମ ଲାଗୁ ହୋଇଥାଏ। କିନ୍ତୁ ଜାପାନରେ ମଦର ଚାହିଦା ବଢ଼ାଇବା ପାଇଁ ସ୍ବତନ୍ତ୍ର ପ୍ରକାର ପ୍ରତିଯୋଗିତାର ଆୟୋଜନ କରାଯାଇଛି। ଏହି ପ୍ରତିଯୋଗିତାର ନାମ ‘ଦ ଶେକ୍ ଭିଭା!’ ତେବେ ଜାପାନର ନ୍ୟାଶନାଲ ଟାକ୍ସ ଏଜେନ୍ସି ପକ୍ଷରୁ ଏହାର ଆୟୋଜନ କରାଯାଇଛିି।
୩୯ ବୟସ ବର୍ଗର ଯୁବିପିଢ଼ି ଏଥିରେ ସାମିଲ ହୋଇପାରିବେ। ଯେଉଁମାନେ ଜାପାନରେ ରହୁ ନାହାନ୍ତି ସେମାନେ ମଧ୍ୟ ଏଥିରେ ଅଂଶ ଗ୍ରହଣ କରିପାରିବେ। ଏନେଇ ତିଆରି ହୋଇଥିବା ସ୍ବତନ୍ତ୍ର ଓ୍ବେବ୍ ସାଇଟ୍କୁ ଯାଇ ଡକ୍ୟୁମେଣ୍ଟ ସବ୍ମିଟ୍ କରିବାକୁ ପଡ଼ିବ। ବିଭିନ୍ନ ରକମର ମଦ ଯେମିତି, ଆଓ୍ବାମୋରି, ବିୟର, ହ୍ବିସକି, ସେକ୍ ଇତ୍ୟାଦି ପ୍ରତିଯୋଗୀଙ୍କ ପାଇଁ ଉପଲବ୍ଧ କରାଯିବ। ଦେଶରେ ଘରୋଇ ମଦ ବଜାର ସଙ୍କୁଚିତ ହେବାରେ ଲାଗିଛି। ଏହାର ମୁଖ୍ୟ କାରଣ ହେଉଛି ଯୁବପିଢ଼ିଙ୍କ ମଧ୍ୟରେ ମଦର ଚାହିଦା ବୃଦ୍ଧି। ଅନ୍ୟପଟେ ଦେଶରେ ଜନ୍ମହାର କମିବା, ବୟସ ବୃଦ୍ଧି ଓ କରୋନା କାରଣରୁ ଲୋକଙ୍କ ଜୀବନ ଶୈଳୀରେ ପରିବର୍ତ୍ତନ ଆସିଛି। ୨୦୨୧ରେ ପ୍ରକାଶ ପାଇଥିବା ରିପୋର୍ଟ ଅନୁସାରେ ଜାପାନ ଯୁବପିଢ଼ି ମଦ ବଦଳରେ କମ୍ ମୂଲ୍ୟରେ ବିକ୍ରି ହେଉଥିବା ନିଶାଦ୍ରବ୍ୟ ଯେମିତି, ସ୍ପାର୍କଲିଙ୍ଗ୍ ଲକ୍ୱୋର୍, ଚୁହାଇ ଇତ୍ୟାଦି ପିଇବାରେ ଲାଗିଛନ୍ତି। ମଦ ବିକ୍ରିରୁ ଦେଶକୁ ଆସୁଥିବା ରାଜସ୍ବରେ ହ୍ରାସ ଘଟିଛି। ପାଖାପାଖି ୧୧୨.୪ ବିଲିୟନ୍ ୟେନ୍ ଅର୍ଥାତ୍ ୨୦୧୯ରେ ଆଦାୟ ରାଜସ୍ବର ୧୦ ପ୍ରତିଶତ କମ୍ ହୋଇଥିବା କୁହାଯାଉଛି। ବୟର୍ ଟାକ୍ସ ରେଭେନ୍ୟୁ ୧୩୨.୩ ୟେନ୍ କମିଛି। ଆୟୋଜିତ ପ୍ରତିଯୋଗିତାର ଫାଇନାଲ କମ୍ପିଟିଶନ୍ ନଭେମ୍ବର ୧୦ରେ ଟୋକିଓଠାରେ ଅନୁଷ୍ଠିତ ହେବ।
