ମହିଳାଙ୍କ ହାତରେ ମୋସାଦ୍‌

ଜେରୁଜେଲମ୍‌,୨୦ା୮: ଇସ୍ରାଏଲ୍‌ର ଜାତୀୟ ଗୋଇନ୍ଦା ସଂସ୍ଥା ‘ମୋସାଦ୍‌’ର ସର୍ବୋଚ୍ଚ ପଦରେ ପ୍ରଥମ ଥର ପାଇଁ ଦୁଇଜଣ ମହିଳାଙ୍କୁ ନିଯୁକ୍ତି ମିଳିଛି। ଏନେଇ ମୋସାଦ୍‌ ସ୍ପାଏ ଏଜେନ୍ସି ପକ୍ଷରୁ ଘୋଷଣା କରାଯାଇଛି। ତେବେ ଜାରି କରାଯାଇଥିବା ଫଟୋରେ ସମ୍ପୃକ୍ତ ମହିଳାଙ୍କ ମୁହଁକୁ ଲୁଚାଇ ଦିଆଯାଇଛି।
ପକ୍ଷରୁ ଗୁରୁବାର ହେବ୍ର୍ୟୁ ଭାଷାରେ ଜାରି ଏକ ବିରଳ ପ୍ରେସ୍‌ ରିଲିଜ୍‌ରେ କୁହାଯାଇଛି ଯେ, ନୂଆ ଗୋଇନ୍ଦା ନିର୍ଦ୍ଦେଶକ ପଦରେ ଜଣେ ମହିଳାଙ୍କୁ ନିଯୁକ୍ତି ଦିଆଯାଇଛି। ସମ୍ପୃକ୍ତ ମହିଳାଙ୍କ ନାମ ଆଲେଫ୍‌ ବୋଲି ମୋସାଦ୍‌ ସ୍ପଷ୍ଟ କରିଛି। ଏଥିସହ ମୋସାଦ୍‌ର ଇରାନ ଡେସ୍କ ମୁଖ୍ୟ ପଦ ମଧ୍ୟ ଜଣେ ମହିଳା ସମ୍ଭାଳିଛନ୍ତି, ଯାହାଙ୍କ ନାମ କୁଫ୍‌। ଇସ୍ରାଏଲ୍‌ ଇତିହାସରେ ଦୁଇଜଣ ମହିଳାଙ୍କୁ ଗୋଇନ୍ଦା ସଂସ୍ଥାର ସର୍ବୋଚ୍ଚ ପଦରେ ନିଯୁକ୍ତ କରାଯିବାର ଏହା ହେଉଛି ପ୍ରଥମ ଘଟଣା। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାରି ବିବୃତିରେ କୁହାଯାଇଛି, ଆଲେଫ୍‌ ଦୀର୍ଘ ୨୦ ବର୍ଷ ଧରି ଇଣ୍ଟେଲିଜେନ୍ସ ଏଷ୍ଟାବ୍ଲିଶମେଣ୍ଟରେ ଜଡ଼ିତ ଅଛନ୍ତି। ଇସ୍ରାଏଲ୍‌ ଡିଫେନ୍ସ ଫୋର୍ସେସ୍‌ (ଆଇଡିଏଫ୍‌)ରେ ସାମରିକ ଗୋଇନ୍ଦା ମୁଖ୍ୟ ପଦ ପାହ୍ୟାରେ ତାଙ୍କୁ ନୂଆ ନିଯୁକ୍ତି ଦିଆଯାଇଛି। ଇରାନର ଆଣବିକ କାର୍ଯ୍ୟକ୍ରମ, ବୈଶ୍ୱିକ ଆତଙ୍କବାଦ ନିରୋଧୀ ଅପରେଶନ ଏବଂ ଆରବ ଦୁନିଆ ସହ ସମ୍ପର୍କ ସ୍ବାଭାବିକ କରିବା ଭଳି ଦାୟିତ୍ୱ ଆଲେଫ୍‌ଙ୍କ ଉପରେ ନ୍ୟସ୍ତ କରାଯାଇଛି। ଦୁଇମାସ ତଳେ ଏକ ପୁରସ୍କାର ବିତରଣ ଉତ୍ସବରେ ଯୋଗଦେଇ ଆଲେଫ୍‌ ମୋସାଦ୍‌ରେ ଯୋଗଦେବା ପାଇଁ ମହିଳାମାନଙ୍କୁ ଆହ୍ବାନ ଦେଇଥିଲେ। ସେହିପରି ମୋସାଦ୍‌ର ଇରାନ ଡେସ୍କ ମୁଖ୍ୟ କୁଫ୍‌ଙ୍କୁ ଅପରେଶନାଲ, ଟେକ୍ନୋଲୋଜିକାଲ ଓ ଇଣ୍ଟେଲିଜେନ୍ସ ଶାଖାଗୁଡ଼ିକ ମଧ୍ୟରେ ସମନ୍ବୟ ରକ୍ଷାକରିବା ଦାୟିତ୍ୱ ଦିଆଯାଇଛି। ନାଫ୍‌ଟାଲି ବେନେଟେ ପ୍ରଧାନମନ୍ତ୍ରୀ ଥିବାବେଳେ ତାଙ୍କ ସହ ଉଭୟେ କାମ କରିଥିଲେ। ଉଭୟଙ୍କ ନିଯୁକ୍ତିକୁ ନାଫ୍‌ଟାଲି ଟୁଇଟରରେ ‘ଏକ ବିରାଟ ନିଯୁକ୍ତି’ କହି ପ୍ରଶଂସା କରିବା ସହ ଉଭୟଙ୍କୁ ଅଭିନନ୍ଦନ ଜଣାଇଛନ୍ତି। ମୋସାଦ୍‌ ମୁଖ୍ୟ ଡାଭିଡ୍‌ ବର୍ନେଆ ମଧ୍ୟ ଏହି ପଦକ୍ଷେପକୁ ସ୍ବାଗତ କରିଛନ୍ତି। ଏହା ପୂର୍ବରୁ ୩୦ ବର୍ଷ ତଳେ ଆଲିଜା ମଗେନ୍‌ଙ୍କୁ ମୋସାଦ୍‌ରେ ଉପନିର୍ଦ୍ଦେଶିକା ରୂପେ ନିଯୁକ୍ତି ଦିଆଯାଇଥିଲା। କିନ୍ତୁ ଡାଇରେକ୍ଟର ପଦରେ ମହିଳାଙ୍କ ଏହା ହେଉଛି ପ୍ରଥମ ନିଯୁକ୍ତି।

ମୋସାଦ୍‌ କ’ଣ

ମୋସାଦ୍‌ ହେଉଛି ଇସ୍ରାଏଲ୍‌ର ଜାତୀୟ ଗୋଇନ୍ଦା ସଂସ୍ଥା। ଇସ୍ରାଏଲ୍‌ ପାଇଁ ଗୋଇନ୍ଦା ତଥ୍ୟ ସଂଗ୍ରହ, ଗୁପ୍ତ ଅପରେଶନ ଓ ଆତଙ୍କବାଦ ନିରୋଧୀ ଅଭିଯାନରେ ଏହି ଏଜେନ୍ସି ଗୁରୁତ୍ୱପୂର୍ଣ୍ଣ ଭୂମିକା ନେଇଥାଏ। ଏହାର ନିର୍ଦ୍ଦେଶକ କେବଳ ପ୍ରଧାନମନ୍ତ୍ରୀଙ୍କ ନିକଟରେ ଉତ୍ତରଦାୟୀ ରହିଥାନ୍ତି। ମୋସାଦର ବାର୍ଷିକ ବଜେଟ ପ୍ରାୟ ୧୦ ବିଲିୟନ୍‌ ଶେକେଲ୍ସ (୨.୭୩ ବିଲିୟନ୍‌ ଆମେରିକୀୟ ଡଲାର)। ଉକ୍ତ ହାଇପ୍ରୋଫାଇଲ ଗୋଇନ୍ଦା ସଂସ୍ଥାରେ ପ୍ରାୟ ୭,୦୦୦ ଲୋକ ପ୍ରତ୍ୟକ୍ଷ ଭାବେ କାର୍ଯ୍ୟରତ ଥିବାରୁ ଏହାକୁ ବିଶ୍ୱର ଅନ୍ୟତମ ବୃହତ୍‌ ଗୁପ୍ତଚର ଏଜେନ୍ସି ବିବେଚନା କରାଯାଏ। ୧୯୪୯ ଡିସେମ୍ବର ୧୩ରେ ତତ୍କାଳୀନ ପ୍ରଧାନମନ୍ତ୍ରୀ ଡାଭିଡ୍‌ ବେନ୍‌-ଗୁରିଓନ୍‌ଙ୍କ ସୁପାରିସ କ୍ରମେ ସେଣ୍ଟ୍ରାଲ ଇନ୍‌ଷ୍ଟିଚ୍ୟୁଟ୍‌ ଫର୍‌ କୋଅର୍ଡିନେଶନ୍‌ ରୂପେ ଏହାର ପ୍ରତିଷ୍ଠା କରାଯାଇଥିଲା। ୧୯୫୧ ମାର୍ଚ୍ଚରେ ମୋସାଦ୍‌କୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଏକ ଅଂଶବିଶେଷ ଭାବେ ସ୍ବୀକୃତି ମିଳିଥିଲା।


Enter your email to get our daily news in your inbox.

All Right Reserved By Dharitri.Com

ପୋଲିସ ଫୋର୍ସରେ ନିଯୁକ୍ତି ପାଇଲା ୬ ଫୁଟର ଘୋଡ଼ା

ଲଣ୍ଡନ,୨ା୩: ପୋଲିସ ଫୋର୍ସରେ ଘୋଡ଼ା ନିଯୁକ୍ତି ଏକ ନୂଆ କଥା ନୁହେଁ। କେବଳ ଭାରତରେ ନୁହେଁ, ବିଶ୍ୱର ଅନ୍ୟାନ୍ୟ ଦେଶରେ ମଧ୍ୟ ଏହି ପ୍ରାଣୀଟି ଫୋର୍ସର...

ଆମେରିକାକୁ ନାଲି ଆଖି ଦେଖାଇଲା ପାକିସ୍ତାନ

ଇସଲାମାବାଦ,୨।୩: ଆମେରିକାକୁ ନାଲି ଆଖି ଦେଖାଇ ପାକିସ୍ତାନ ଏହାର ନିର୍ଦ୍ଦେଶ ଗ୍ରହଣ କରିବାକୁ ମନା କରିଦେଇଛି। ଘଟଣା ହେଲା, ଆମେରିକା ଏହାର ଏକ ବିବୃତ୍ତିରେ କହିଛି...

ବାଇଡେନଙ୍କୁ ପତ୍ର ଲେଖିଲେ ଆମେରିକା ସାଂସଦ, କହିଲେ ପାକିସ୍ତାନ ସରକାରଙ୍କୁ ନ ଦିଆଯାଉ ମାନ୍ୟତା

ଓ୍ବାଶିଂଟନ,୨।୩: ଆମେରିକାର ପ୍ରଭାବଶାଳୀ ଆଇନଜୀବୀ ରାଷ୍ଟ୍ରପତି ଜୋ ବାଇଡେନ ଏବଂ ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନଙ୍କୁ ଚିଠି ଲେଖି କହିଛନ୍ତି ଯେ ନିର୍ବାଚନର ବିଶ୍ୱାସଯୋଗ୍ୟ ତଥା...

ଅଲ୍ଟମ୍ୟାନ୍‌ଙ୍କୁ କୋର୍ଟକୁ ଟାଣିଲେ ମସ୍କ

ଓ୍ବାଶିଂଟନ୍‌,୨ା୩: ବିଶ୍ୱର ସବୁଠୁ ଧନୀ ବ୍ୟକ୍ତି ଏଲନ୍‌ ମସ୍କ ଚାଟ୍‌ଜିପିଟି ନିର୍ମାତା ଓପନ୍‌ଏଆଇ ତଥା ଏହାର ମୁଖ୍ୟ କାର୍ଯ୍ୟନିର୍ବାହୀ ସାମ୍‌ ଅଲ୍ଟମ୍ୟାନ୍‌ଙ୍କୁ ଚୁକ୍ତି ଖିଲାପି ଅଭିଯୋଗରେ...

କାନାଡାର ପୂର୍ବତନ ପ୍ରଧାନମନ୍ତ୍ରୀ ବ୍ରାଏନଙ୍କ ପରଲୋକ

ଟରଣ୍ଟୋ,୧।୩: କାନାଡାର ପୂର୍ବତନ ପ୍ରଧାନମନ୍ତ୍ରୀ ବ୍ରାଏନ ମର୍ଲୋନିଙ୍କ ୮୪ବର୍ଷ ବୟସରେ ଦେହାନ୍ତ ହୋଇଛି ବୋଲି ତାଙ୍କ ଝିଇ ଗୁରୁବାର ଏକ ସୋସିଆଲ ମିଡିଆ ପୋଷ୍ଟରେ କହିଛନ୍ତି।...

ପରଲୋକରେ କାନାଡାର ପୂର୍ବତନ ପ୍ରଧାନମନ୍ତ୍ରୀ

ଓଟାଓ୍ବା,୧।୩: କାନାଡାର ପୂର୍ବତନ ପ୍ରଧାନମନ୍ତ୍ରୀ ବ୍ରାଏନ ମଲରୋନିଙ୍କ ୮୪ ବର୍ଷ ବୟସରେ ଦେହାନ୍ତ ହୋଇଛି। ମୃତ୍ୟୁ ସମ୍ପର୍କରେ ତାଙ୍କ ପରିବାର ସୂଚନା ଦେଇଛନ୍ତି। କ୍ୟୁର ବାଇ...

ସାଉଦିରେ ୫ ୟେମେନ୍‌ ନାଗରିକଙ୍କ ମୁଣ୍ଡକାଟ୍‌

ରିୟାଧ, ୧।୩:ହତ୍ୟା ଏବଂ ଡକାୟତି ମାମଲାରେ ଦୋଷୀ ସାବ୍ୟସ୍ତ ୟେମେନ୍‌ର ୫ ନାଗରିକଙ୍କୁ ସାଉଦି ଆରବରେ ମୃତ୍ୟୁଦଣ୍ଡ ଦିଆଯାଇଛି। ଏହି ୫ ଜଣ ଅହମଦ୍‌ ଅଲ୍‌...

ଆଣବିକ ଯୁଦ୍ଧ ଭୟ ଦେଖାଇଲେ ପୁଟିନ୍‌

ମସ୍କୋ,୧।୩:ୟୁକ୍ରେନ୍‌ରେ ଯୁଦ୍ଧ ପାଇଁ ପାଶ୍ଚାତ୍ୟ ଦେଶଗୁଡ଼ିକ ଯଦି ସେମାନଙ୍କ ସୈନ୍ୟ ପଠାନ୍ତି, ତେବେ ଆଣବିକ ଯୁଦ୍ଧର ଭୟ ରହିଛି ବୋଲି ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri