ଇସଲାମାବାଦ୍,୩୦।୧୨: ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପାର୍ଟି ପିଟିଆଇ ଏମ୍ପିଙ୍କ ସାମୂହିକ ଇସ୍ତଫାକୁ ପ୍ରତ୍ୟାଖ୍ୟାନ କରିଛନ୍ତି ପାକିସ୍ତାନ ନ୍ୟାଶନାଲ ଆସେମ୍ବଲି ବାଚସ୍ପତି ରାଜା ପରଭେଜ ଅଶରଫ। ସମ୍ବିଧାନ ଅନୁଯାୟୀ, ଇସ୍ତଫା ବ୍ୟକ୍ତିଗତ ଭାବରେ ଗ୍ରହଣ କରାଯାଇପାରିବ ଏବଂ ସାମୂହିକ ଭାବରେ ନୁହେଁ। ତେଣୁ ପ୍ରତ୍ୟେକ ସଦସ୍ୟଙ୍କୁ ପୃଥକ ଭାବରେ ହାତଲେଖା ଇସ୍ତଫା ପତ୍ର ଦେବାକୁ ପଡିବ। ଯାଞ୍ଚ ପାଇଁ କେବଳ ହାତ ଲିଖିତ ଇସ୍ତଫା ଗ୍ରହଣ କରାଯାଇପାରିବ ବୋଲି ବାଚସ୍ପତି କହିଛନ୍ତି।
ବାଚସ୍ପତି ଆହୁରି ମଧ୍ୟ କହିଛନ୍ତି, ପ୍ରତ୍ୟେକ ଏମ୍ପିଙ୍କୁ ଆଠ ଲକ୍ଷ ଲୋକ ଭୋଟ ଦେଇଛନ୍ତି, ଏହା ସେମାନଙ୍କ ଭୋଟର ପ୍ରଶ୍ନ। ଜଣେ ସଦସ୍ୟଙ୍କ ଦ୍ୱାରା ଦାଖଲ ହୋଇଥିବା ସମସ୍ତ ସଦସ୍ୟଙ୍କ ଇସ୍ତଫା କିପରି ଗ୍ରହଣ କରାଯାଇପାରିବ। ପିଟିଆଇ ସଦସ୍ୟମାନେ ଆସେମ୍ବଲିକୁ ଫେରି ସେମାନଙ୍କ ସାମ୍ବିଧାନିକ ଭୂମିକା ଗ୍ରହଣ କରିବା ଉଚିତ।
ସୂଚନାଯୋଗ୍ୟ, ୧୧ ଏପ୍ରିଲରେ ପାକ ନ୍ୟାଶନାଲ ଆସେମ୍ବଲିର ୧୨୩ ଜଣ ପିଟିଆଇ ସଦସ୍ୟ ଇସ୍ତଫା ଦେଇଛନ୍ତି।
