ଅସୁରକ୍ଷିତ ହୋଇପଡ଼ିିଛି ରାଜଧାନୀ ଭୁବନେଶ୍ୱର। କଥା କଥାରେ ବୁଲୁଛି ଖଣ୍ଡା, ଭୁଜାଲି। ଦିନ ହେଉ ଅବା ରାତି ମହିଳାଙ୍କଠାରୁ ଆରମ୍ଭ କରି ପୁରୁଷ କେହି ସୁରକ୍ଷିତ ନାହାନ୍ତି। ଅପରାଧୀମାନେ ପୋଲିସକୁ ଚ୍ୟାଲେଞ୍ଜ କରି ଲୁଟ୍ପାଟ ଏବଂ ଖଣ୍ଡାରେ ଆକ୍ରମଣ କରୁଛନ୍ତି। ୨୪ଘଣ୍ଟା ମଧ୍ୟରେ କମିଶନରେଟ୍ ପୋଲିସରେ ଘଟିଥିବା ୩ଟି ଅପରାଧ ଘଟଣା ସମସ୍ତଙ୍କୁ ଚକିତ କରିଛି। ଚନ୍ଦ୍ରଶେଖରପୁର ଥାନା ଶୈଳଶ୍ରୀବିହାରରେ ଜଣେ ବରିଷ୍ଠ ପୋଲିସ ଅଧିକାରୀଙ୍କ ମା’ଙ୍କ ବେକରୁ ସୁନାଚେନ୍ ଲୁଟ ହୋଇଥିବାବେଳେ ସୋମବାର ରାତିରେ ତମାଣ୍ଡୋ ଥାନା ଭଗବାନପୁରରେ ଥିବା ଏକ କାଫେ ଭିତରେ ପଶି ଦୁର୍ବୃତ୍ତ ଖଣ୍ଡାରେ ହାଣିବା ସହ ୩ଟି କାରକୁ ଭାଙ୍ଗି ନଷ୍ଟ କରିଛନ୍ତି। ସେହିପରି କଳିଙ୍ଗନଗରରେ ଏକ ସୁନା ଦୋକାନୀଙ୍କ ମୁହଁରେ ସ୍ପ୍ରେ ମାରି ଜଣେ ଲୁଟେରା ୬ଲକ୍ଷ ଟଙ୍କା ସୁନା ଅଳଙ୍କାର ଲୁଟି ନେଇଛନ୍ତି।
ଭୁବନେଶ୍ୱର,୧୮।୨: ଚନ୍ଦ୍ରଶେଖରପୁର ଥାନା ଶୈଳଶ୍ରୀ ବିହାରରେ ରହୁଥିବା ଜଣେ ବରିଷ୍ଠ ପୋଲିସ ଅଧିକାରୀଙ୍କ ମା’ଙ୍କ ବେକରୁ ଦୁର୍ବୃତ୍ତମାନେ ସୁନାଚେନ୍ ଲୁଟି ନେଇଛନ୍ତି। ଲୁଟ୍ର ଶିକାର ହୋଇଥିବା ମହିଳା ହେଲେ ଶଙ୍କୁନ୍ତଳା ମହାପାତ୍ର। ସେ ଏନେଇ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିବା ପରେ ପୋଲିସ କେସ୍ ନଂ-୧୪୦/୨୬ରେ ଏକ ମାମଲା ରୁଜୁ କରି ତଦନ୍ତ କରୁଛି।
ଶଙ୍କୁନ୍ତଳାଙ୍କ କହିବା ଅନୁସାରେ, ସେ ମଙ୍ଗଳବାର ସକାଳ ୮ଟାରେ ଶୈଳଶ୍ରୀବିହାରରେ ରହୁଥିବା ଘରୁ ମର୍ନିଂ ଓ୍ବାକ୍ରେ ମଙ୍ଗଳା ମନ୍ଦିର ନିକଟରେ ଚାଲିଚାଲି ଯାଉଥିଲେ। ଏହି ସମୟରେ ପଛରୁ ଜଣେ ଯୁବକ ଆସି ହଠାତ୍ ତାଙ୍କ ବେକରୁ ସୁନାଚେନ୍ ଝାମ୍ପି ନେଇଥିଲେ। ଶଙ୍କୁନ୍ତଳା କ’ଣ ହେଲା ବୋଲି ପ୍ରଥମେ କିଛି ଜାଣିପାରି ନ ଥିଲେ। ଚେନ୍ରେ ଲାଗିଥିବା ଲକେଟ୍ ତଳେ ପଡ଼ିଯିବା ପରେ ଶଙ୍କୁନ୍ତଳା ଏହାକୁ ଉଠାଇ ଚିକତ୍ାର କରିଥିଲେ। ହେଲେ ସେତେବେଳକୁ ଲୁଟେରା ତାଙ୍କ ସହଯୋଗୀ ସହ ବାଇକ୍ରେ ବସି ଫେରାର ହୋଇଯାଇଥିଲେ। ଲୁଟ୍ ସମୟର ସିସିଟିଭି ଫୁଟେଜ ପୋଲିସ ଜବତ କରି ତଦନ୍ତ କରୁଛି। ୩ବର୍ଷ ତଳେ ମଧ୍ୟ ସମାନ ଢଙ୍ଗରେ ଶଙ୍କୁନ୍ତଳାଙ୍କ ବୋହୂ ଲୁଟ୍ର ଶିକାର ହେବାରୁ ବର୍ତ୍ତି ଯାଇଥିଲେ। ଲୁଟେରାମାନେ ତାଙ୍କ ବେକରୁ ସୁନାଚେନ୍ ଝାମ୍ପିବା ସମୟରେ ସେ ବେକ ଯାକି ଦେବାରୁ ଲୁଟେରା ସୁନା ଚେନ୍ ନେଇପାରି ନ ଥିଲେ।
ତମାଣ୍ଡୋ ଥାନା କଳିଙ୍ଗବିହାର କେ-୪ରେ ଥିବା ଶୁଭଲକ୍ଷ୍ମୀ ସୁନା ଦୋକାନକୁ ଟାର୍ଗେଟ କରି ଦୁର୍ବୃତ୍ତ ଲୁଟପାଟ କରିଛନ୍ତି। ଅପରାହ୍ନ ୧ଟାରେ ଜଣେ ଲୁଟେରା ଗ୍ରାହକ ବେଶରେ ମୁହଁରେ ମାସ୍କ ବାନ୍ଧି ଆସି ଭଉଣୀର ବାହାଘର ଅଛି ଗହଣା ଦେଖାନ୍ତୁ ବୋଲି କହିଥିଲେ। ଦୋକାନୀ ସୁନା ମୁଦି, ସୁନା ଚେନ ଦେଖାଇବା ସମୟରେ ଲୁଟେରା ଦୋକାନୀଙ୍କ ମୁହଁରେ ସ୍ପ୍ରେ ମାରି ସୁନା ଗହଣା ଲୁଟି ନେଇ ସେଠାରୁ ଚମ୍ପଟ ମାରିଥିଲେ। ଲୁଟେରା ମୁହଁରେ ମାସ୍କ ଭିଡ଼ି ଆସିଥିବାରୁ ପୋଲିସ ଚିହ୍ନଟ କରିବା କଷ୍ଟକର ହେଉଛି। ଦୋକାନରୁ ୫ଟି ସୁନାମୁଦି, ୨ଟି ସୁନା ଚେନ୍ ଲୁଟେରା ନେଇଯାଇଛନ୍ତି, ଯାହାର ମୂଲ୍ୟ ପ୍ରାୟ ୬ଲକ୍ଷ ଟଙ୍କା ହେବ ବୋଲି ଆକଳନ କରାଯାଉଛି। ଏନେଇ ଥାନାରେ କାଶୀପୁରର ସୋମନାଥ ବାରିକ ଅଭିଯୋଗ କରିବା ପରେ ପୋଲିସ ମାମଲା ରୁଜୁ କରି ତଦନ୍ତ କରୁଛି। ଦୋକାନରେ ଲାଗିଥିବା ସିସିଟିଭି ଫୁଟେଜ ଆଧାରରେ ଲୁଟେରାଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି।
ତମାଣ୍ଡୋ ଥାନା କଳିଙ୍ଗବିହାର କେ-୪ରେ ଥିବା ଶୁଭଲକ୍ଷ୍ମୀ ସୁନା ଦୋକାନକୁ ଟାର୍ଗେଟ କରି ଦୁର୍ବୃତ୍ତ ଲୁଟପାଟ କରିଛନ୍ତି। ଅପରାହ୍ନ ୧ଟାରେ ଜଣେ ଲୁଟେରା ଗ୍ରାହକ ବେଶରେ ମୁହଁରେ ମାସ୍କ ବାନ୍ଧି ଆସି ଭଉଣୀର ବାହାଘର ଅଛି ଗହଣା ଦେଖାନ୍ତୁ ବୋଲି କହିଥିଲେ। ଦୋକାନୀ ସୁନା ମୁଦି, ସୁନା ଚେନ ଦେଖାଇବା ସମୟରେ ଲୁଟେରା ଦୋକାନୀଙ୍କ ମୁହଁରେ ସ୍ପ୍ରେ ମାରି ସୁନା ଗହଣା ଲୁଟି ନେଇ ସେଠାରୁ ଚମ୍ପଟ ମାରିଥିଲେ। ଲୁଟେରା ମୁହଁରେ ମାସ୍କ ଭିଡ଼ି ଆସିଥିବାରୁ ପୋଲିସ ଚିହ୍ନଟ କରିବା କଷ୍ଟକର ହେଉଛି। ଦୋକାନରୁ ୫ଟି ସୁନାମୁଦି, ୨ଟି ସୁନା ଚେନ୍ ଲୁଟେରା ନେଇଯାଇଛନ୍ତି, ଯାହାର ମୂଲ୍ୟ ପ୍ରାୟ ୬ଲକ୍ଷ ଟଙ୍କା ହେବ ବୋଲି ଆକଳନ କରାଯାଉଛି। ଏନେଇ ଥାନାରେ କାଶୀପୁରର ସୋମନାଥ ବାରିକ ଅଭିଯୋଗ କରିବା ପରେ ପୋଲିସ ମାମଲା ରୁଜୁ କରି ତଦନ୍ତ କରୁଛି। ଦୋକାନରେ ଲାଗିଥିବା ସିସିଟିଭି ଫୁଟେଜ ଆଧାରରେ ଲୁଟେରାଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି।
(ତ୍ରିନାଥ ମହାନ୍ତି)
