ଲଣ୍ଡନ,୧୧।୯: ଏକ ପର୍ନ ଭିଡିଓ ଲାଇକ୍ କରି ଚର୍ଚ୍ଚାକୁ ଆସିଛନ୍ତି ଚାଇନା ରାଷ୍ଟ୍ରଦୂତ। ଲଣ୍ଡନରେ ଅବସ୍ଥାପିତ ଚାଇନା ରାଷ୍ଟ୍ରଦୂତ ଲିୟୁ ଶିୟାଓମିଙ୍ଗ ଅଫିସିଆଲ୍ ଟୁଇଟର୍ ଆକାଉଣ୍ଟରୁ ଏକ ପର୍ନ ଭିଡିଓ ଲାଇକ୍ କରିଥିଲେ। ଏହାପରେ ତାଙ୍କୁ ଟ୍ରୋଲ କରାଯାଇଥିଲା। ମାମଲା ଏତେ ମାତ୍ରାରେ ବଢିଯାଇଥିଲା ଯେ ଶେଷରେ ଲିୟୁଙ୍କୁ ସଫେଇ ଦେବାକୁ ପଡିଛି। ଲଣ୍ଡନରେ ଥିବା ଚାଇନା ଦୂତାବାସ ଟୁଇଟର୍କୁ ତୁରନ୍ତ ଏହାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ଲିୟୁଙ୍କ ଆକଉଣ୍ଟରୁ ଲିୟୁ ଜିଆଓମିଙ୍ଗଙ୍କ ଆକାଉଣ୍ଟରୁ ଲାଇକ୍ କରାଯାଇଥିବା ଏହି ଭିଡିଓଟି ହଟାଯିବା ପୂର୍ବରୁ ଟୁଇଟରର ଲାଇକ ସେକ୍ସନରେ ପ୍ରାୟ ଏକ ଘଣ୍ଟା ଧରି ଦେଖାଯାଇଥିଲା। ଏହି ସମୟରେ ଯୁଜର୍ସମାନେ ଚାଇନା ରାଷ୍ଟ୍ରଦୂତଙ୍କ ଉପରେ ତୀବ୍ର କ୍ରୋଧ ପ୍ରକାଶ କରିଥିଲେ ଏବଂ ବିଭିନ୍ନ ପ୍ରତିକ୍ରିୟା ଦେଇଥିଲେ। କିଛି ଚାଇନା ବିରୋଧୀ ଲିୟୁଙ୍କ ଟୁଇଟର୍ ଆକାଉଣ୍ଟକୁ ତୀକ୍ଷ୍ଣ ନଜର ରଖି ତାଙ୍କୁ ଟାର୍ଗେଟ କରିଛି। ଗମ୍ଭୀରତାର ସହ ଏହି ମାମଲାର ଯାଞ୍ଚ୍ କରାଯିବା ଉଚିତ୍ ବୋଲି ଚାଇନା ଦୂତାବାସ ପକ୍ଷରୁ ଏକ ବିବୃତ୍ତିରେ ପ୍ରକାଶ କରାଯାଇଛି। ସୂଚନାଯୋଗ୍ୟ, ଲିୟୁ ଜିଆଓମିଙ୍ଗଙ୍କୁ ଚାଇନାର ଅନ୍ୟତମ ପ୍ରଭାବଶାଳୀ କୂଟନୀତିଜ୍ଞ ଭାବରେ ବିବେଚନା କରାଯାଏ। ଲିୟୁ ଗତ ବର୍ଷ ଅକ୍ଟୋବରରେ ନିଜର ଟୁଇଟର ଆକାଉଣ୍ଟ କରିଥିଲେ। ଏଥିରେ ୮୫.୦୦୦ରୁ ଅଧିକ ଅନୁଗାମୀ ଅଛନ୍ତି।
