Posted inଖେଳ

ବୃହତ ବିଜୟ ସହ ଉପରକୁ ଉଠିଲା ସିଏସ୍‌କେ

ମୁମ୍ବାଇ,୮।୫: ଡେଭନ କନଓ୍ବେ ଏବଂ ଋତୁରାଜ ଗାଏକ୍ୱାଡଙ୍କ ଶତକୀୟ ଓପନିଂ ଭାଗୀଦାରି ଓ ପରେ ବୋଲରଙ୍କ ଚମତ୍କାର ପ୍ରଦର୍ଶନ ଯୋଗୁ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ୯୧ ରନ୍‌ରେ ଦିଲ୍ଲୀ କ୍ୟାପିଟାଲ୍ସକୁ ହରାଇ ଦେଇଛି। ସ୍ଥାନୀୟ ଡି ଓ୍ବାଇ ପାଟିଲ ସ୍ପୋଟର୍‌ସ ଏକାଡେମୀରେ ରବିବାର ରାତିରେ ଖେଳାଯାଇଥିବା ମ୍ୟାଚ୍‌ରେ ସିଏସ୍‌କେ ୨୦ ଓଭରରେ ୬ ଉଇକେଟ ହରାଇ ୨୦୮ ରନ୍‌ କରିଛି। ଜବାବରେ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ ଦିଲ୍ଲୀ ୧୧୭ ରନ୍‌ରେ ଅଲଆଉଟ୍‌ ହୋଇଯାଇଥିଲା। ଏହି ବିଜୟ ଯୋଗୁ ଚେନ୍ନାଇ ୮ ପଏଣ୍ଟ ସହ ପ୍ରଥମ ଥର ପାଇଁ ୮ମ ସ୍ଥାନକୁ ଉଠିଛି। ଅନ୍ୟପକ୍ଷରେ ପରାଜୟ ସତ୍ତ୍ୱେ ଦିଲ୍ଲୀ ଦଳର ପ୍ଲେଅଫ୍‌ ଆଶା ଉଜ୍ଜୀବିତ ରହିଛି।

ଟସ୍‌ ଜିତି ବୋଲିଂ ନିଷ୍ପତ୍ତି ନେଇଥିଲେ ଦିଲ୍ଲୀ ଅଧିନାୟକ ରିଷଭ ପନ୍ତ। କିନ୍ତୁ ତାଙ୍କ ନିଷ୍ପତ୍ତିକୁ ଭୁଲ ସାବ୍ୟସ୍ତ କରିଥିଲେ ସିଏସ୍‌କେର ଦୁଇ ଓପନର। ଦିଲ୍ଲୀର ସବୁ ବୋଲରଙ୍କୁ ଧୂଲେଇ କରି ଗାଏକ୍ୱାଡ ଓ କନଓ୍ବେ ୧୧ ଓଭରରେ ୧୧୦ ରନ୍‌ ଯୋଡ଼ିଥିଲେ। ୩୩ ବଲରେ ୪ ଚୌକା ଓ ୧ ଛକା ସହାୟତାରେ ୪୧ ରନ୍‌ କରିଥିବା ଗାଏକ୍ୱାଡ ଦିଲ୍ଲୀ ପେସର ଏନରିଚ ନର୍ଜେଙ୍କ ବାଉନ୍ସରକୁ ଖେଳିବାକୁ ଯାଇ କ୍ୟାଚ୍‌ ଆଉଟ୍‌ ହୋଇଥିଲେ। ତାଙ୍କ ଉଇକେଟ ପଡ଼ିବା ପରେ କନଓ୍ବେଙ୍କ ସହ ମିଶି ଶିବମ ଦୁବେ (୩୨ ରନ୍‌, ୨ ଲେଖାଏ ଚୌକା ଓ ଛକା) ଦଳୀୟ ରନ୍‌ ହାରକୁ ଖସିବାକୁ ଦେଇ ନ ଥିଲେ। ଦୁହେଁ ଦ୍ୱିତୀୟ ଉଇକେଟ ଲାଗି ୫୯ ରନ୍‌ ଯୋଡ଼ିଥିଲେ। ଦୁର୍ଭାଗ୍ୟବଶତଃ ଶତକ ନିକଟତର ହୋଇଥିବା କନଓ୍ବେ ଏକ ଇନୋଭେଟିଭ ଶଟ୍‌ ଖେଳିବାକୁ ଯାଇ ଉଇକେଟକିପର ପନ୍ତଙ୍କ ହାତରେ ଧରା ପଡ଼ିଥିଲେ। ସେ ୪୯ ବଲରେ ୭ ଚୌକା ଓ ୫ ଛକା ସହାୟତାରେ ୮୭ ରନ୍‌ କରିଥିଲେ। ତା’ ପରେ ଚେନ୍ନାଇ ପ୍ରତ୍ୟେକ ଓଭରରେ ଉଇକେଟ ହରାଇଥିଲା। କିନ୍ତୁ ଅଧିନାୟକ ମହେନ୍ଦ୍ର ସିଂ ଧୋନୀ ଶେଷ ଆଡ଼କୁ ୮ ବଲରେ ୨ ଛକା ଓ ୧ ଚୌକା ବଳରେ ୨୧ ରନ୍‌ କରିଥିଲେ। ଯାହା ଫଳରେ ଚେନ୍ନାଇ ୨୦ ଓଭରରେ ୬ ଉଇକେଟ ହରାଇ ୨୦୮ ରନ୍‌ କରିଥିଲା। ଚଳିତ ସିଜନରେ ୪ର୍ଥ ଥର ପାଇଁ ଚେନ୍ନାଇ ୨୦୦ରୁ ଊର୍ଦ୍ଧ୍ୱ ସ୍କୋର କରିଛି। ଦିଲ୍ଲୀ ପକ୍ଷରୁ ନର୍ଜେ ୩ ଉଇକେଟ ନେଇଥିବା ବେଳେ ଖଲିଲ ଅହମ୍ମଦ ୨ଟି ଓ ମିଚେଲ ମାର୍ଶ ଗୋଟିଏ ଉଇକେଟ ହାତେଇଥିଲେ। ଜବାବରେ ଦିଲ୍ଲୀ ପାଓ୍ବରପ୍ଲେ ମଧ୍ୟରେ ଦୁଇ ଓପନର ଶ୍ରୀକର ଭରତ (୮) ଓ ଡେଭିଡ୍‌ ଓ୍ବାର୍ନର (୧୯)ଙ୍କ ଉଇକେଟ ହରାଇଥିଲା। ମିଚେଲ ମାର୍ଶ ଓ ଅଧିନାୟକ ପନ୍ତ ୩ୟ ଉଇକେଟ ପାଇଁ ୩୬ ରନ୍‌ ଯୋଡ଼ିଥିଲେ। ତା’ ପରେ ମୋଇନ ଅଲି ଦୁଇ ଓଭର ମଧ୍ୟରେ ୩ ଉଇକେଟ ନେଇ ଦିଲ୍ଲୀର ଅଣ୍ଟା ଭାଙ୍ଗି ଦେଇଥିଲେ। ସେହିଭଳି ୧୧ତମ ଓଭରରେ ମୁକେଶ ଚୌଧାରୀ ୨ଟି ଉଇକେଟ ନେଇ ଦିଲ୍ଲୀକୁ ନିଶ୍ଚିତ ପରାଜୟ ମୁହଁକୁ ଠେଲି ଦେଇଥିଲେ। ନିମ୍ନକ୍ରମରେ ଶାର୍ଦ୍ଦୂଳ ଠାକୁର ୨୪ ରନ୍‌ କରିବାରୁ ଦଳ ୧୧୭ ରନ୍‌ରେ ପହଞ୍ଚିପାରିଥିଲା। ବିଜୟୀ ଦଳ ପାଇଁ ମୋଇନ ୩ ଉଇକେଟ ନେଇଥିବା ବେଳେ ମୁକେଶ ଚୌଧାରୀ, ଡ୍ବେନ ବ୍ରାଭୋ ଓ ସିମରଜିତ ସିଂ ୨ ଲେଖାଏ ସଫଳତା ହାତେଇଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଧୋନୀଙ୍କ ଅବସର ସମୟକୁ ନେଇ ଚର୍ଚ୍ଚା

ନୂଆଦିଲ୍ଲୀ, ୧୭।୮- ଭାରତକୁ ସର୍ବାଧିକ ୩ଟି ଆଇସିସି ଟ୍ରଫି ବିଜୟୀ କରାଇଥିବା ମହେନ୍ଦ୍ର ସିଂ ଧୋନୀ ଅଗଷ୍ଟ ୧୫ରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି।...

ତେଲୁଗୁ ଅଭିନେତ୍ରୀଙ୍କ ସହ ଭାଇରାଲ ହେଉଛି ଏହି କ୍ରିକେଟରଙ୍କ କ୍ୟୁଟ୍‌ ଚାଟ୍‌

ଇଣ୍ଡିଆନ ପ୍ରିମିୟର ଲିଗ୍‌ ୨୦୨୧ର ଦ୍ୱିତୀୟ ପର୍ଯ୍ୟାୟରେ କେକେଆର ପାଇଁ ଭେଙ୍କଟେଶ ଆୟର୍‌ ଖେଳିବା ଆରମ୍ଭ କରିଥିଲେ । ଆଉ ଖେଳିବାର ଖୁବ କମ ସମୟରେ...

ପୂର୍ବତନ ଅଲିମ୍ପିକ୍ସ ଚାମ୍ପିୟନଙ୍କ ଅନ୍ତରଙ୍ଗ ଭିଡିଓ ଭାଇରାଲ

ବୁଦାପେଷ୍ଟ,୧୬।୧୦- ହଙ୍ଗେରୀର ଏକ ସହରର ମେୟର ଭାବେ ପୁନଃ ନିର୍ବାଚିତ ହୋଇଥିବା ପୂର୍ବତନ ଅଲିମ୍ପିକ୍‌ ଚାମ୍ପିୟନ ଜୋଲ୍ଟ ବୋର୍କାଇ ନିଜ ରାଜନୈତିକ ଦଳ ଫିଡେଜରୁ ଇସ୍ତଫା...

ଦିଲ୍ଲୀ ସମ୍ମୁଖରେ ୧୮୯ ରନ୍‌ର ଟାଗେଟ୍‌

ମୁମ୍ବାଇ,୧୦ା୪: ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମରେ ଶନିବାର ଖେଳାଯାଇଥିବା ଆଇପିଏଲ୍‌ର ୧୪ ତମ ସଂସ୍କରଣର ଦ୍ୱିତୀୟ ମ୍ୟାଚରେ ଟସ୍‌ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ ଦିଲ୍ଲୀ...

୨୦ ଥର କରୋନା ଟେଷ୍ଟ କରିସାରିଲେଣି ଆଇପିଏଲ୍‌ର ଏହି ମାଲିକାଣୀ

ବର୍ତ୍ତମାନ ଆଇପିଏଲ୍‌ ମ୍ୟାଚ୍‌ ଚାଲିଛି। ମହାମାରୀ କରୋନା ସମୟରେ ଆଇପିଏଲ୍‌ ଖେଳାଯାଉଥିବାରୁ ଆୟୋଜକମାନେ ଏଥିପ୍ରତି ବିଶେଷ ଧ୍ୟାନ ଦେଉଛନ୍ତି। ଏ ନେଇ କିଙ୍ଗ୍‌ସ ଇଲେଭେନ୍‌ ପଞ୍ଜାବର...

ଅନୁଷ୍କାଙ୍କ ନାଁ ନେବାରୁ ରାଗିଲେ ବିରାଟ

ନୂଆଦିଲ୍ଲୀ,୧।୧୨: ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ନାଁରେ ଅନେକ ବଡ ରେକର୍ଡ ରହିଛି। କୋହଲିଙ୍କ ବ୍ୟାଟିଂକୁ ଯେତେ ପ୍ରଶଂସା କରାଯାଏ, ଫ୍ଲପ୍‌ ହେଲେ...

ପତ୍ନୀ ସାକ୍ଷୀଙ୍କୁ ପସନ୍ଦ ନ ଥିଲା କ୍ରିକେଟ, ନା ଚିହ୍ନିଥିଲେ ଧୋନୀଙ୍କୁ

ନୂଆଦିଲ୍ଲୀ,୪।୭: ଭାରତୀୟ କ୍ରିକେଟ ଟିମ୍‌ର ପୂର୍ବ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ଆଜି ବିବାହବାର୍ଷିକୀ। ଦଶ ବର୍ଷର ବିବାହ ମଧ୍ୟରେ ଅନେକ ଉପଲବ୍ଧି ହାସଲ କରିଛନ୍ତି...

କିଟ୍‌ ଇଣ୍ଟରନ୍ୟାଶନାଲ ଚେସ୍‌ ଫେଷ୍ଟିଭାଲ: ରାଜେଶ ବିଜୟୀ, ଡ୍ର’ ରଖିଲେ ଦେବାଶିଷ

ଭୁବନେଶ୍ୱର, ୩।୬(ସ୍ପୋଟର୍‌ସ ବ୍ୟୁରୋ)- କିଟ୍‌ ବିଶ୍ୱବିଦ୍ୟାଳୟ ଓ ଅଲ୍‌ଓଡ଼ିଶା ଚେସ୍‌ ଆସୋସିଏଶନର ମିଳିତ ଆନୁକୂଲ୍ୟରେ ଆରମ୍ଭ ହୋଇଥିବା କିଟ୍‌ ଇଣ୍ଟରନ୍ୟାଶନାଲ ଚେସ୍‌ ଫେଷ୍ଟିଭାଲର ରବିବାର ଥିଲା...

Advertisement
Archives

Model This Week