ଚେନ୍ନାଇ,୫।୫: ତାମିଲନାଡୁର ରୋୟାପୁରମ୍ ନିର୍ବାଚନମଣ୍ଡଳୀରେ କେ. ବିଜୟ ଧାମୁ ନାମକ ଜଣେ ଅଟୋ ଡ୍ରାଇଭର ବିଜୟୀ ହାଇଛନ୍ତି। ବିଜୟଙ୍କ ଦଳ ଟିଭିକେରୁ ପ୍ରାର୍ଥୀ ହୋଇଥିବା ଧାମୁ ରାଜ୍ୟର ୨ ଜଣ ପ୍ରଭାବଶାଳୀ ରାଜନେତାଙ୍କୁ ପରାଜିତ କରିଛନ୍ତି। ସେ ୫୫,୦୦୦ରୁ ଊର୍ଦ୍ଧ୍ୱ ଭୋଟ ପାଇ ନିକଟତମ ପ୍ରତିଦ୍ୱନ୍ଦ୍ୱୀଙ୍କଠାରୁ ୧୪,୦୦୦ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି।
ଧାମୁଙ୍କ ବିଜୟ ଏଇଥିପାଇଁ ଉଲ୍ଲେଖନୀୟ ଯେ, ସେ ଆଇଏଡିଏମ୍କେର ବାହୁବଳୀ ନେତା ତଥା ୫ ଥରର ବିଧାୟକ ଡି. ଜୟକୁମାରଙ୍କ ବିରୋଧରେ ପ୍ରାର୍ଥୀ ହୋଇଥିଲେ। ଜୟକୁମାର ତୃତୀୟ ସ୍ଥାନରେ ରହିଛନ୍ତି। ଦିବଂଗତ ମନ୍ତ୍ରୀ ରହମାନ ଖାନ୍ଙ୍କ ପୁଅ ତଥା ଡିଏମ୍କେ ପ୍ରାର୍ଥୀ ସୁବୈର ଖାନ୍ ଦ୍ୱିତୀୟ ସ୍ଥାନରେ ରହିଛନ୍ତି।
