ନୂଆଦିଲ୍ଲୀ,୧୨।୧: ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ୍ ଲାଗି ପୂର୍ବରୁ ଘୋଷିତ ଭାରତୀୟ ଦଳରେ କିଛି ପରିବର୍ତ୍ତନ କରାଯାଇଛି। ଏବେ ଟେଷ୍ଟ ଦଳ ସହ ରହିଥିବା ଅଫ୍ ସ୍ପିନର ଜୟନ୍ତ ଯାଦବ ଏବଂ ପେସର ନବଦୀପ ସଇନିଙ୍କୁ ଦିନିକିଆ ଦଳରେ ସାମିଲ କରାଯାଇଥିବା ସୂଚନା ଦେଇଛି ବିସିସିଆଇ।
ସ୍ପିନ ଅଲରାଉଣ୍ଡର ଓ୍ବାଶିଂଟନ ସୁନ୍ଦର କୋଭିଡ୍ ପଜିଟିଭ ଚିହ୍ନଟ ହୋଇଛନ୍ତି। ଏଣୁ ସେ ସିରିଜ୍ ଲାଗି ଉପଲବ୍ଧ ହୋଇପାରିବେ ନାହିଁ। ତାଙ୍କ ବଦଳରେ ଜୟନ୍ତଙ୍କୁ ଦିନିକିଆ ଦଳରେ ରଖିବାକୁ ନିଷ୍ପତ୍ତି ନିଆଯାଇଛି। ସେହିଭଳି ମାଂସପେଶୀ ଜନିତ ସମସ୍ୟା ସହ ସଂଘର୍ଷ କରୁଥିବା ମହମ୍ମଦ ସିରାଜଙ୍କ ବ୍ୟାକ୍ ଅପ୍ ଖେଳାଳି ଭାବେ ସାଇନିଙ୍କୁ ସୁଯୋଗ ମିଳିଛି।
୩୧ ବର୍ଷୀୟ ଜୟନ୍ତ ଏପର୍ଯ୍ୟନ୍ତ ଦେଶ ପାଇଁ ଗୋଟିଏ ଦିନିକିଆ ମ୍ୟାଚ୍ ଖେଳିଛନ୍ତି। ୨୦୧୬ରେ ପଦାର୍ପଣ ପରଠାରୁ ତାଙ୍କୁ ସୁଯୋଗ ମିଳିନାହିଁ। ଗତ ଡିସେମ୍ବରରେ ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟରେ ତାଙ୍କୁ ସୁଯୋଗ ମିଳିଥିଲା।
୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ର ପ୍ରଥମ ଦୁଇ ମ୍ୟାଚ୍ ୧୯ ଓ ୨୧ ତାରିଖରେ ପାର୍ଲଠାରେ ଖେଳାଯିବ। ଅନ୍ତିମ ତଥା ତୃତୀୟ ମ୍ୟାଚ୍ କେପ୍ ଟାଉନଠାରେ ୨୩ ତାରିଖରେ ଖେଳାଯିବାର ଅଛି।
ଦିନିକିଆ ଦଳ: ଲୋକେଶ ରାହୁଲ (ଅଧିନାୟକ), ଯଶପ୍ରୀତ ବୁମରା (ଉପ ଅଧିନାୟକ), ଶିଖର ଧାଓ୍ବନ, ରୁତୁରାଜ ଗାଏକ୍ୱାଡ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ଶ୍ରେୟାସ ଆୟାର, ଭେଙ୍କଟଶ ଆୟାର, ରିଶଭ ପନ୍ତ, ଇଶାନ କିଷନ (ଉଇକେଟକିପର), ୟୁଜବେନ୍ଦ୍ର ଚହଲ, ରବିଚନ୍ଦ୍ରନ ଅଶ୍ୱିନ, ଭୁବନେଶ୍ୱର କୁମାର, ଦୀପକ ଚହର, ପ୍ରସିଦ୍ଧ କ୍ରିଷ୍ଣା, ଶାର୍ଦ୍ଦୁଳ ଠୁକାର, ମହମ୍ମଦ ସିରାଜ, ଜୟନ୍ତ ଯାଦବ, ନବଦୀପ ସଇନି।
