ନୂଆଦିଲ୍ଲୀ,୧୦ା୬: ରବିବାର ନ୍ୟୁୟର୍କରେ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଇଥିବା ଟି ୨୦ ବିଶ୍ୱକପ କଡ଼ା ମୁକାବିଲା ଦେଖିବାକୁ ମିଳିଛି। ଏହି ରୋମାଞ୍ଚକର ମୁକାବିଲାରେ ଭାରତ ଏକ ଅବିଶ୍ଵନିୟ ବିଜୟ ହାସଲ କରିଛି। ତେବେ ବର୍ତମାନ ଉଭୟ ଦଳକୁ ନେଇ ଆଉ ଏକ ବଡ଼ ଖବର ସାମ୍ନାକୁ ଆସିଛି। ୨୦୨୫ ରେ ହେବାକୁ ଥିବା ଚାମ୍ପିଅନ୍ସ ଟ୍ରଫି ଉଭୟ ଦଳ ପୁଣି ମୁହାଁମୁହିଁ ହେବାକୁ ଯାଉଛନ୍ତି। ଏବେଠାରୁ ଏହି ମ୍ୟାଚ କେଉଁଠି ଖେଳାଯିବ ତାହା ସ୍ଥିର କରାଯାଇଛି।
କ୍ରିକବଜ୍ ରିପୋର୍ଟ ଅନୁଯାୟୀ ୨୦୨୫ ଚାମ୍ପିଅନ୍ସ ଟ୍ରଫିର ଡ୍ରାଫ୍ଟ କାର୍ଯ୍ୟସୂଚୀ ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ରେ ଦାଖଲ ହୋଇଛି। ଏଥିରେ ୮ ଦଳ ମଧ୍ୟରେ ମୋଟ ୧୫ ଟି ମ୍ୟାଚ ଫେବୃଆରୀ ୧୯ ରୁ ମାର୍ଚ୍ଚ ୯ ମଧ୍ୟରେ ଖେଳାଯିବ। ଏବେ ମ୍ୟାଚ୍ ଗୁଡିକର ତାରିଖ ପ୍ରସ୍ତୁତ କରାଯାଉଛି।
ପ୍ରସ୍ତାବିତ କାର୍ଯ୍ୟସୂଚୀ ଅନୁଯାୟୀ ଲାହୋର ଷ୍ଟାଡିୟମରେ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ ଖେଳାଯାଇପାରେ। ଅବଶ୍ୟ ପାକିସ୍ତାନରେ ଖେଳିବା ପାଇଁ ଭାରତ ସରକାରଙ୍କ ଅନୁମୋଦନ ଉପରେ ନିର୍ଭର କରିବ। ଯାହା ବିଫଳ ହେଲେ ଟୁର୍ଣ୍ଣାମେଣ୍ଟ ହାଇବ୍ରିଡ ମଡେଲରେ କରିବାକୁ ପଡିବ, ଯେପରିକି ଗତ ବର୍ଷର ଏସିଆ କପ୍ ପାଇଁ ବ୍ୟବସ୍ଥା କରାଯାଇଥିଲା। ଚଳିତ ତାହାର ୟୁଏଇକୁ ନିରପେକ୍ଷ ସ୍ଥାନ ଭାବରେ ନିଆଯାଇପାରେ।
ସୂଚନାଯୋଗ୍ୟ ପିସିବି ଲାହୋର, କରାଚି ଏବଂ ରାୱଲପିଣ୍ଡିକୁ ୨୦ ଦିନିଆ ପ୍ରତିଯୋଗିତା ପାଇଁ ସ୍ଥାନ ଭାବରେ ଚିହ୍ନଟ କରିଛି। ଏଥିରେ ଲାହୋରରେ ଭାରତ ଏହାର ସମସ୍ତ ମ୍ୟାଚ ଖେଳିବା ବୋଲି ମଧ୍ୟ ଖେଳିବା ବୋଲି ନିଷ୍ପତି ହୋଇଛି। କାର୍ୟ୍ୟକ୍ରମ ଅନୁଯାୟୀ ଲାହୋରରେ ସାତୋଟି, ରାୱଲପିଣ୍ଡିରେ ପାଞ୍ଚଟି ଏବଂ ବନ୍ଦର ସହର କରାଚିରେ ତିନୋଟି ମ୍ୟାଚ୍ ହେବ।
ଫେବୃଆରୀ ୧୯, ବୁଧବାର କରାଚି ଉଦଘାଟନୀ ମ୍ୟାଚ୍ ଆୟୋଜନ କରିବାର କାର୍ଯ୍ୟକ୍ରମ ରହିଛି ଏବଂ ଦୁଇଟି ସେମିଫାଇନାଲ କରାଚି ଏବଂ ରାୱଲପିଣ୍ଡିରେ ହେବ। ପ୍ରସ୍ତାବିତ କାର୍ଯ୍ୟକ୍ରମ ଅନୁଯାୟୀ, ମାର୍ଚ୍ଚ ୯, ରବିବାର ଦିନ ଫାଇନାଲ ଲାହୋରରେ ହେବ, ଯଦି ସେମାନେ ଯୋଗ୍ୟତା ହାସଲ କରନ୍ତି ତେବେ ସମସ୍ତ ଭାରତ ଖେଳ ଏବଂ ସେମିଫାଇନାଲ ମଧ୍ୟ ବଣ୍ଟନ କରାଯାଇଛି।
ବର୍ତମାନ ସୁଦ୍ଧା ପିସିବି କିମ୍ବା ଆଇସିସି ଏକ ହାଇବ୍ରିଡ୍ ମଡେଲ୍ ବିଷୟରେ କିଛି କହିନାହାନ୍ତି। ଯଦିଓ ଶେଷ ମୁହୂର୍ତ୍ତରେ ପରିସ୍ଥିତି ପରିବର୍ତ୍ତନ ହେବା ହେବା ଅସମ୍ଭବ ନୁହେଁ। ତେଣୁ ସମସ୍ତ ଆଖି ଏବେ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ଏବଂ ଭାରତ ସରକାରଙ୍କ ଉପରେ ରହିବ।
