ନୂଆଦିଲ୍ଲୀ,୨୩।୧୨: ନିଜ ବିବାହକୁ ନେଇ ଭାରତୀୟ କ୍ରିକେଟ ଟିମ୍ର ସ୍ପିନର ୟୁଜବେନ୍ଦ୍ର ଚହଲ ଏବେ ଚର୍ଚ୍ଚାରେ। ସୋସିଆଲ ମିଡିଆରେ ଧନଶ୍ରୀଙ୍କ ସହ ତାଙ୍କର ଏକାଧିକ ଫଟୋ ଏବେ ଭାଇରାଲ ହେଉଛି। ତେବେ ଆଜିର ଏହି ଷ୍ଟାର କ୍ରିକେଟରଙ୍କ ପିଲାଦିନେ ଅଜବ କାମ କରିଥିଲେ। ସମସ୍ତେ ଘୋଡା ପିଠିରେ ବସିବାକୁ ଭଲ ପାଉଥିଲେ ହେଁ ସେ ଗଧ ପିଠିରେ ବସି ବୁଲିବାକୁ ଭଲ ପାଉଥିଲେ। କପିଲ ଶର୍ମାଙ୍କ ଶୋ’ରେ ଯାଇଥିବା ଚହଲ ଏହା କହିଥିଲେ।
ଶୋ’ରେ ଚହଲଙ୍କୁ ପ୍ରଶ୍ନ କରିବାକୁ ଯାଇ କପିଲ କହିଥିଲେ, କୁହାଯାଏ ଆପଣଙ୍କୁ ଗଧ ଚଢ଼ିବା ବହୁତ ପସନ୍ଦ ଥିଲା। ଏହାର ଜବାବରେ ଚହଲ କହିଥିଲେ ହଁ। ଥରେ କି ଦୁଇଥର ଏପରି କରିଛି। ସେତେବେଳେ ୮ ବର୍ଷର ହୋଇଥିଲି। କ୍ରିକେଟ ଦେଖିବାକୁ ଏତେ ଇଚ୍ଛା ହେଉଥିଲା ଯେ ବଡ଼ମାନଙ୍କ ଖେଳ ଦେଖିବାକୁ ସକାଳ ୫ଟାରୁ ଉଠିପଡ଼ୁଥିଲି। ସେମାନେ କ୍ରସ୍ କଣ୍ଟ୍ରି ଖେଳୁଥିଲେ। ଯେନତେନ ପ୍ରକାରେ କାହା କୋଳରେ କିମ୍ବା କାନ୍ଧରେ ବସି ସେଠାରେ ପହଞ୍ଚି ଯାଉଥିଲି। ହେଲେ ଫେରିବା ବେଳକୁ ଅସୁବିଧା ଥିଲା। ଏଣୁ ରାସ୍ତାରେ ଯାଉଥିବା ଗଧମାନଙ୍କ ପିଠିରେ ତାଙ୍କୁ ସେମାନେ ବସାଇଦେଉଥିଲେ। ସେଭଳି ଭାବେ ସେ ଘରେ ପହଞ୍ଚି ଯାଉଥିଲେ।
