ପାଟଣା,୧୬ା୨(ସ୍ବ.ପ୍ର.): ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ରାଜ୍ୟର ୩.୨୫କୋଟି ଗରିବ ହିତାଧିକାରୀଙ୍କୁ ମୁଣ୍ଡ ପିଛା ୫ କିଗ୍ରା ଚାଉଳ ଯୋଗାଣରୁ ବଞ୍ଚିତ କରାଯାଇଥିବା ନିଷ୍ପତ୍ତି ବିରୋଧରେ ଗୁରୁବାର କେନ୍ଦୁଝର ଜିଲା ପାଟଣା ବ୍ଲକ ଓ ସାହାରପଡ଼ା ବ୍ଲକ ସମ୍ମୁଖରେରେ ଶତାଧିକ ବିଜେଡି ନେତା ଓ କର୍ମୀ ଧାରଣା ଦେଇଥିଲେ। ପାଟଣା ବ୍ଲକ ସମ୍ମୁଖରେ ଆୟୋଜିତ ଧାରଣାରେ ବିଜେଡି ବରିଷ୍ଠ ନେତା ମିତ୍ରଭାନୁ ମହାନ୍ତଙ୍କ ସଂଯୋଜନାରେ ପାଟଣା ବିଧାୟକ ତଥା ଜିଲା ଯୋଜନା କମିଟି ଅଧ୍ୟକ୍ଷ ଜଗନ୍ନାଥ ନାଏକ ଯୋଗ ଦେଇ କେନ୍ଦ୍ର ନରେନ୍ଦ୍ର ମୋଦି ସରକାରଙ୍କ ଗରିବ ମାରଣ ନୀତି ବିରୋଧରେ ତୀବ୍ର ସମାଲୋଚନା କରିବା ସହ ଏହା ଉପରେ କେନ୍ଦ୍ର ପୁନର୍ବିଚାର ନ କଲେ ଆଗାମୀ ଦିନରେ ଆନ୍ଦୋଳନକୁ ତୀବ୍ରତର କରାଯିବ ବୋଲି ଚେତାବନୀ ଦେଇଥିଲେ। ଏହି ଧାରଣାରେ ପାଟଣା ବ୍ଲକ ବିଜେଡି ସଭାପତି ମାଧବାନନ୍ଦ ପୃଷ୍ଟି , ଜିଲା ବିଜେଡି ସାଧାରଣ ସମ୍ପାଦକ ପ୍ରଶାନ୍ତ କୁମାର ଭଞ୍ଜ, ବ୍ଲକ ଅଧ୍ୟକ୍ଷା ସୁକାନ୍ତି ନାଏକ, ବ୍ଲକ ଉପାଧ୍ୟକ୍ଷା ବୀଣାପାଣି ନାୟକ, ପୂର୍ବତନ ବ୍ଲକ ଅଧ୍ୟକ୍ଷ ବିଶ୍ୱନାଥ ନାୟକ,୨୧ ନମ୍ବର ଜିଲା ପରିଷଦ ପ୍ରଫୁଲ ନାୟକ, ୨୨ ନମ୍ବର ଜିଲା ପରିଷଦ ସୌଭାଗ୍ୟ ମଞ୍ଜରୀ ନାୟକ, ୨୩ ନମ୍ବର ରୁନୁ ମହାନ୍ତ, ବିଜେଡି ନେତ୍ରୀ ବିନତି ବାନରା, ଭାମାମଣି ଦାସ, କନକ ଲତା ନାଏକ, ସାହାରପଡ଼ାରେ ବିଧାୟକଙ୍କ ସହ ବ୍ଲକ ବିଜେଡି ସଭାପତି ଗୋବିନ୍ଦ ମହାନ୍ତ, ଉପାଧ୍ୟକ୍ଷା ଛବିରାଣୀ ସେଠୀ, ୩୦ ନମ୍ବର ଜିଲା ପରିଷଦ ସଦସ୍ୟ ଚମ୍ପା ବତୀ ଟୁଡୁ, ୨୯ ନମ୍ବରର ବୁଦ୍ଧଦେବ ମହାକୁଡ଼,ବିଜେଡି କୃଷକ ଜନତା ଦଳ ଜିଲା ସଭାପତି ଦୀପକ ରାଜ, ବିଜେଡି ନେତା ବିଜୁ ଖାଟୁଆ, କୃଷ୍ଣଚନ୍ଦ୍ର ମହାପାତ୍ର, କିରଣବାଳା ସିଂ ପ୍ରମୁଖ ସାମିଲ ହୋଇଥିଲେ। ପାଟଣାରେ ବିଡିଓଙ୍କ ଅନୁପସ୍ଥିତିରେ ଅମଲା ବିଦୁ ନାୟକ ଓ ସାହାରପଡ଼ାରେ ଏ ବିଡିଓ କୁସୁମ ଲତା ସାହୁଙ୍କୁ ଦାବିପତ୍ର ପ୍ରଦାନ କରିଥିଲେ।
