ନୂଆଦିଲ୍ଲୀ,୨।୨: ସୋସିଆଲ ମିଡିଆରେ ଘୁରିବୁଲିଛୁ ସେଣ୍ଟ୍ରାଲ ବୋର୍ଡ ଅଫ୍ ଏଜୁକେଶନ(CBSE) ପୁସ୍ତକର ନୂଆ ବହିର ଫଟୋ। ଯେଉଁଥିରେ ଗୋଟିଏ ଅଧ୍ୟାୟରେ ଡେଟିଂ ଓ ରିଲେଶନଶିପର ପାଠ ଥିବା ଦେଖିବାକୁ ମିଳିଛି। କ୍ଲାସ ୯ର ଏକ ବହିରେ ଏହି ପାଠ୍ୟକ୍ରମ ପଢାଯିବ। ତେବେ ସୋସିଆଲ ମିଡିଆ ସାଇଟରେ ଏହି ଅଧ୍ୟାୟର ଗୋଟିଏ ପେଜ୍ ଭାଇରାଲ ହେଉଥିବାର ଦେଖିବାକୁ ମିଳିଛି। ତେବେ ସତରେ କଣ ସିବିଏସଇର ନୂଆ ବହିରେ ଡେଟିଂ ଓ ରିଲେଶନଶିପ ଉପରେ ପାଠ୍ୟକ୍ରମ ରହିବ? ଏନେଇ ବୋର୍ଡ ନିଜେ ସୋସିଆଲ ମିଡିଆ ଏକ୍ସରେ ଟୁଇଟ୍ କରି ସୂଚନା ଦେଇଛି।
ସିବିଏସଇ ଏକ୍ସରେ ପୋଷ୍ଟ କରି କହିଛି, ସୋସିଆଲ ମିଡିଆରେ ଏସମ୍ପର୍କରେ ଭୁଲ ତଥ୍ୟ ଦିଆଯାଇଛି। ଏହା ସମ୍ପୂର୍ଣ୍ଣ ଆଧାରହୀନ ସୂଚନା ଅଟେ। ବୋର୍ଡ ପକ୍ଷରୁ ଭାଇରାଲ ପୃଷ୍ଠାର ପ୍ରକୃତ ବହି ବିଷୟରେ ସୂଚନା ଦିଆଯାଇଛି। ଗଗନ ଦୀପ କୌରଙ୍କ ବହି ‘ଏ ଗାଇଡ ଟୁ ସେଲ୍ଫ ଓବୟରନେଶ ଆଣ୍ଡ ଏମପାଓ୍ବରମେଣ୍ଟ ’ ଏକ ପୃଷ୍ଠା ଭାଇରାଲ ହୋଇଛି। ବୋର୍ଡ ସ୍ପଷ୍ଟ କରିଛି, ସିବିଏସଇ ପ୍ରାଇଭେଟ ପବ୍ଲିଶର୍ସଙ୍କ ଠାରୁ କିଛି ବହି ପବ୍ଲିସ କରେନାହିଁ।
