ମୁମ୍ବାଇ,୨୦।୮-ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ଘଟଣାର ତଦନ୍ତ କରିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ସିବିଆଇ ଟିମ ଗୁରୁବାର ସାରେ ମୁମ୍ବାଇରେ ପହଞ୍ଚିଛି। ଉକ୍ତ ଟିମରେ ୪ ଜଣ ଅଧିକାରୀ ସାମିଲ ଅଛନ୍ତି। ସେହିପରି ଆଉ ଏକ ଟିମ ବିଳମ୍ବିତ ରାତିରେ ମୁମ୍ବାଇରେ ପହଞ୍ଚିବ ବୋଲି ଜଣାପଡିଛି। ସେପଟେ ମୁମ୍ବାଇ ପୋଲିସ କମିଶନର ପରମ୍ବୀର ସିଂ କହିଛନ୍ତି ଯେ, ଏହି ଘଟଣାର ତଦନ୍ତରେ ସିବିଆଇ ସହ ସମ୍ପୂର୍ଣ୍ଣ ସହଯୋଗ କରିବେ। ସିବିଆଇ ଏଠାରେ ମୁମ୍ବାଇ ପୋଲିସ ଠାରୁ କ୍ରାଇମ ସିନର ସମସ୍ତ ତଥ୍ୟ ନେବ। ତଦନ୍ତ ପାଇଁ ସିବିଆଇର ଏସଆଇଟି ଟିମ, ଟେକନିକ, ଫୋରେନ୍ସିକ ଏବଂ ଟିଏଫସିର ସହାୟତା ନେବ। ସିବିଆଇ ସୁଶାନ୍ତଙ୍କ ଘରେ ପୁନର୍ବାର କ୍ରାଇମ ସିନ କରିବ। ସିବିଆଇର ସ୍ପେଶାଲ ଇନଭେଷ୍ଟିଗେସନ ଟିମ ବା ଏସଆଇଟି ଏବେ ବିହାର ପୋଲିସର କେସ ଡାଏରୀ ଆଧାରରେ ତଦନ୍ତ ଆରମ୍ଭ କରିବ।
